ЯҢАЛЫКЛАР
Иске Икшермә авылы мәчетендә ифтар
15 март көнне Тимершык мәдәният йорты нда балалар арасында «Моңлы сандугач» балалар җыр бәйгесе үтте.
Әлеге бәйгене үткәрү идеясе Ленур Биктимеровныкы. Ул балалар арасында мондый бәйгене үткәрүне күптән хыялланып йөргән. Без мәктәптә укыганда җырчылар күп иде, хәзер аларның балаларына да мөмкинлек тудырасы, сәхнәдә беренче адымнарына этәргеч бирәсе килде - ди Ленур. Һәр катнашучыга бүләкләр, җиңүчеләргә грамота, кубок, бүләкләр әзерләнгән.
Мәктәпкәчә яшьтәге балалар һәм мәктәп укучылары барысы да әзерлек белән катнаштылар. Матур киемнәр киеп, чәчләрен матур итеп ясап, мәгънәле җырлар сайлап, алар сәхнәне гөрләтте. Әлбәттә, араларында музыка мәктәбенә йөрүчеләр дә, әле беренче тапкыр сәхнәгә чыгучылар да бар иде. Без һәр бала өчен сөенеп утырдык, горурландык.
Рәхмәт, Ленур, дәвамлы булсын. Үзенә дә иҗади уңышлар гына телибез. Кем белә, киләчәктә кайсындыр сәхнәдә күрербез бу балаларны, алар күңелендә якты мизгел булып сакланыр бу бәйге.
Тимершык мәдәният йорты хезмәткәрләренә һәм һәр укучыны аңлап, көйләп алып баручы Альбина Хантимировага зур рәхмәт һәм иҗади уңышлар телибез.
Тимершык авыл җирлегендә Шәмәрдән МПП ТКХ ААҖ гаризалар нигезендә су белән тәэмин итү системасын ремонтлый. Алар үз эшләрен вакытында һәм төгәллек белән башкаралар. Әлеге оешма хезмәткәрләренә рәхмәт белдерәбез.
"Психология-Педагогика хезмәте Кабинеты: һөнәри үсеш һәм үз-үзеңне үстерү пространствосы" дип аталган Психология-Педагогика хезмәте кабинетларының төбәкара конкурсы үткәрелде.
Telegram эшендәге өзеклекләр аркасында, безнең MAX милли мессенджерындага каналга язылырга тәкъдим итәбез. Безнең белән һәрвакыт элемтәдә калырсыз һәм районның төп вакыйгалары белщн хәбәрдар булырсыз.
17нче март көнне, Лесхоз өлкәннәр һәм инвалидлар өчен интернат- йортында яшәүчеләр шәфкат туташы Хасбиева Г.Р. җитәкчелегендә скандинавия йореше чарасында катнаштылар. Саф һавада скандинавия таяклары белән йөрү-бу ял итү генә түгел, ә тулы физик йөкләнеш. Скандинавия йөреше бөтен тән мускулларын эшкә җигә һәм буыннарга артык йөкләнешсез активлыкны саклап калырга ярдәм итә.
Узган якшәмбедә Сабада 8нче тапкыр районкүләм ифтар үткәрелде. 1000 кешегә әзерләнгән Ифтар “Саба-Арена” спорт залында үтте. Әлеге чарада район Башлыгы Раис Минниханов, ТР мөфтиенең урынбасары Равил хәзрәт Зөфәров, Айнур хәзрәт Әхмәтов һ.б. катнаштылар. Әлеге чарада Коръән сүрәләре, имамнарыбыз вәгазе яңгыратылды, халык белән күмәк намаз укылды.
11 нче һәм 13 нче март көннәрендә "Игенче" ҖЧҖендә Казан шәһәреннән килгән табиблар тарафыннан 161 хезмәткәргә периодик медицина күзәтүе үткәрелде.
Татарстан Республикасы территориясендә метеорологик күренешләрнең интенсивлыгы турында Консультация-кисәтү
Мишә авыл җирлегендә ел саен Россия Федерациясенең һәм Татарстан Республикасының Атказанган урманчысы Нургали Миңнеханов истәлегенә чаңгы ярышлары узды