ЯҢАЛЫКЛАР

Югары Шытсу авылында гомер кичерүче Харуллина Суфия апага 95 яшь. Аны котлап  социаль яклау бүлеге җитәкчесе Гайнутдинова Лилия Нургаяновна һәм Түбән Шытсу авыл  җирлеге башлыгы Мәүлетов Б.М. килделәр. 

Хайруллина Суфия Вәли  кызы 1931 елның  08 гыйнварында Саба районы Югары Шытсу авылында  дөньяга килә. Суфия апаның бала чагы авыр сугыш елларына туры килә, күп авырлыклар, ятимлек күреп үсә ул. 1958 елда Югары Шытсу  авылы егете Харис  абыйга  кияүгә чыга. Аш-суга, кул эшләренә уңган килен-Суфия апа,  кайнана- кайната белән бик тату гомер итә. Аларның фатихасын алып соңгы юлга озата. Харис абый белән алар бик тәртипле  2 кыз устергәннәр.   Суфия  апа туган төбәгендә тыл хезмәтчәне булып хезмәт юлын башлап җибәргән. “Беренче Май”колхозында төрле эшләрдә хезмәт куйган. Аннары Югары Шытсу авылы клубында җыештыручы булып эшләп лаеклы ялга чыккан. Аның эш стажы 40 ел.  Кайгы-хәсрәт тә читләтеп үтми Суфия апаны 56 ел бергә гомер иткән газиз ирен, кызын, оныгын югалту ачысын кичерә. Суфия апаның бүгенге көндә 3 оныгы, 7 оныкчыгы бар. Хәзерге вакытта  ул Югары Шытсу авылында кызы Хәния кияве Рүзәл  тәрбиясендә гомер итә.   Эш сөючән Суфия апа тик утыра белми, хәзер дә  кул эшләре белән шөгелләнә:носки, бияләй бәйли; сарык йонын тетә,  җегерли.  Киң күнелле, ярдәмчел Суфия апа  күршеләренә һәм авылдашларына гел игелек кылып яши, шуна  күрә аны  авылдашлар бик  хөрмәт итә.

Афиша

6 гыйнварда Шахмат бүлегендә Яңа ел-блиц «Ак королева» турниры булып узды. Кыш Бабай игътибарыннан беркем дә читтә калмады, катнашучылар саны 70 иде.
2018 елгы һәм аннан яшьрәк кызлар төркемендә :
1 урын -Низамиева Әминә
2 урын  - Гатауллина Камила
3 урын - Шәфигуллина Ралина
2018 елгы һәм аннан яшьрәк малайлар төркемендә:
1 урын -Дәүлиев Ислам
2 урын -Габделхаев Инсаф
3 урын -Габделманов Радель
2014-2017 елгы кызлар төркемендә:
1 урын -Шәвәлиева Энҗе
2 урын - Шакирова Мәдинә.
3 урын - Батталова Алина
2014-2017 елгы малайлар төркемендә:
1 урын  - Гафиятуллин Булат
2 урын  - Газизуллин Айдан
3 урын -Фазылов Илназ
2010-2013 елгы кызлар төркемендә:
1 урын  Батталова Аделина
2010-2013 елгы яшүсмерләр төркемендә:
1 урын  - Зөбәеров Рүзәл
2 урын -Сәлимов Салават
 Барлык спортчыларга Дипломнар һәм Яңа ел бүләкләре тапшырылды. Котлыйбыз!

30 нчы декабрьдә Туктар авыл клубы мөдире үзэшчән сәнгатьтә катнашучылар белән берлектә бал-маскарад үткәрделәр

Гомәр Бәшир улы Бәширов-Совет татар язучысы, шагыйрь, редактор, очерклар язучы, хәрби хәбәрче, фольклорчы галим һәм җәмәгать эшлеклесе. Гыйнвар аенда аның тууына 125 ел була. Юбилей датасы уңаеннан, 5 гыйнвар көнне Шәмәрдән авыл китапханәсендә «Гомер Бәширов – күренекле әдип» исемле китап күргәзмәсе оештырылды. Күргәзмәдә «Күңел дәфтәре», «Гыйбрәт», «Җидегән чишмә», «Туган ягым – яшел бишек» кебек китаплар тәкъдим ителде.

Һөнәрне дөрес сайлау-тормышта үз урыныңны табу дигән сүз. 6 нчы гыйнвар көнне Югары Шытсу авыл китапханәсе Түбән Шытсу мәдәният йорты белән берлектә «Һөнәрләр күпере» дигән викторина үткәрде. Чара барышында балалар дөрес һөнәр сайлау турында сөйләштеләр, бүген һәм якын киләчәктә Россиядә иң кирәкле һөнәрләр белән таныштылар. Алар табышмакларны, филвордны чиштеләр, хезмәт турындагы мәкальләрне искә төшерделәр һәм викторина сорауларына җавап бирделәр. Чара ахырында һәр катнашучы үзенең лаеклы бүләген алды.

Яңа ел-ул бәйрәм чоры, шатлык һәм күңел ачу, яхшы кәеф вакыты! 5 январь көнне Мичәнбаш авыл мәдәният йорты Шәмәрдән авыл китапханәсе белән берлектә балалар өчен "Серле Чыршы" викторинасы үткәрде. Чара барышында "Әдәби геройны сурәтлә", "Әкияттән битлек", "Филвордлар" кебек мавыктыргыч уеннар һәм конкурслар үткәрелде. Шулай ук чара барышында балалар кыш һәм Яңа ел маҗаралары турындагы китаплар белән таныштылар. Чара бик тату һәм җылы шартларда узды.

Татарстанның халык язучысы Гомәр Бәшировның тууына 125 ел тулу уңаеннан 6 гыйнвар көнне Олы Нырты авыл китапханәсендә «Сүз остасы» дигән әдәби сәгать үткәрелде. Китапханәче катнашучыларны авторның биографиясе, тормышы һәм иҗаты белән таныштырды. Гомәр Бәширов — Татарстан АССРның халык язучысы. Язучылык эшчәнлеген 1930 елларда башлый. Аның иҗаты «татар халкы мәдәниятенең алтын фонды»на керә. Бәширов татар әдәбиятында беренчеләрдән булып табигатькә сакчыл караш мәсьәләсен күтәрде. Аның фикеренчә, аңа битарафлык — кеше язмышына да битарафлык чагылышы ул.

Хәрәкәтчән уеннарны балалар аеруча ярата, чөнки алар-шатлыклы хис-кичерешләрнең мөһим чыганагы.6 январь көнне Олыяз мәдәният йорты һәм китапханә мөдирләре балалар белән " Ура , каникуллар!" исем астында хәрәкәтчән уеннар уйнаттылар.Чараның беренче минутларыннан ук залда бәйрәм һәм күңел ачу атмосферасы хөкем сөрде. Балалар төрле бәйгеләрдә һәм хәрәкәтчән уеннарда бик теләп катнаштылар. Балаларның йөзләре шатлыктан һәм дәрттән балкып тора иде. Бу көн катнашучылар өчен кышкы каникулларның якты һәм истә калырлык дәвамы булды. Китапханәнең актив укучыларына истәлекле бүләкләр тапшырылды. Балаларның бәхетле елмаюлары-чараның бик шәп булуының иң яхшы күрсәткече!

6 января заведующая Больше-Ныртинской сельской библиотекой организовала для детей катание с горки «Быть здоровым — это здорово».

Перед началом катания ребята прослушали правила безопасности.

Во время минуток отдыха, с ребятами проведена беседа о том, что необходимо делать, чтобы улучшить и сохранить свое здоровье.

Но ключевым событием сегодняшней встречи было катание с ветерком. Сегодня ребята раскрыли простой рецепт здоровья - движение на свежем воздухе.

(Количество участников - 9)

6 январь көнне Олы Нырты авыл китапханәсе мөдире балалар өчен «Сәламәт булу — шәп» дигән чаңгы шуу чарами оештырды.

Шуу алдыннан балалар куркынычсызлык кагыйдәләрен тыңладылар.

Ял минутлары вакытында балалар белән сәламәтлекне яхшырту һәм саклау өчен нәрсә эшләргә кирәклеге турында әңгәмә үткәрелде.

Әмма бүгенге очрашуның төп вакыйгасы җил белән шуу булды. Бүген балалар сәламәтлекнең гади рецептын ачтылар: саф һавада хәрәкәт итү.