ЯҢАЛЫКЛАР

26 гыйнвар көнне  Сатыш авыл җирлегенең отчет җыены булып узды. Җыенда Саба муниципаль районы Башлыгы урынбасары Р.Р. Закирҗанов, хокук саклау органнары вәкилләре, оешма җитәкчеләре  катнашты. 

27 гыйнвар - Ленинградны фашистлар блокадасыннан тулысынча азат итү көне, Сатыш урта мәктәбендә. Ш.З. Зиннуровның "Балачак навигаторлары" бөтенроссия проекты кысаларында, тәрбия буенча директор киңәшчесе А.М. Шакирова тарафыннан, 9 сыйныф укучылары белән "хәтер юллары" дигән кичә оештырылды, аның барышында укучылар замандашларының көндәлекләрендә язылган шәхси тарихлары аша Ленинград блокадасы белән таныштылар.

25 январьда Сатыш авыл җирлегенең Казанчы Бигәнәй авылында яшәүче Галәвиева Рәисә Газизҗановнага үзенең 95 яшьлек юбилеен билгеләп үтте. 27 гыйнварда Сатыш авыл җирлегенең Мамалай авылында яшәүче Гәрәева Хаҗәр Зәйнегетдин кызы үзенең 90 яшьлек юбилеен билгеләп үтте. Юбилярны Саба муниципаль районы башлыгы исеменнән халыкны социаль яклау бүлеге җитәкчесе Гайнетдинова Лилия Нургаян кызы, җирлек башлыгы Шәфигуллин Ф.Ф. һәм "Саба" ҖЧҖнең Сатыш бүлекчәсе һәм "Шытсу"АХП вәкилләре котладылар.

Сатыш авылында арендалы торак төзелеше башкарылган. Яңа йорт ачкычы яшь белгечкә тапшырылды. Сатыш авылында квалификацияле белгечләр өчен махсуслаштырылган арендалы торак төзү проекты социаль әһәмияткә ия проектларга дәүләт ярдәме программасы кысаларында гамәлгә ашырыла. Әлеге проект авыл янында урнашкан предприятие һәм оешма хезмәткәрләренә уңайлы яшәү шартлары тәэмин итүгә юнәлдерелгән һәм төбәкнең ерак районнарына кадрлар җәлеп итүгә ярдәм итә.

Сатыш мәдәният йорты хезмәткәрләре "Кошлар ярдәм көтә" дигән чара үткәрделәр, анда катнашучыларга безнең кошларга, бигрәк тә кыш көне, ярдәм итәргә тиешлегебезне аңлаттылар. Катнашучылар кышлаучы кошлар белән таныштылар, туган якның кышкы табигатенә сокланып карадылар, үз куллары белән кошларга җимлекләр ясадылар һәм агачларга элеп куйдылар. 

Сатыш авыл җирлегенең барлык мәдәният йортында "Бөтен гаилә белән Яңа елга!» дип исемләнгән балалар бәйрәме үткәрелде. Чара башында бәйрәмгә Кыш бабай белән Кар кызы килсен өчен балалар берничә биремне  үтәргә тиеш иде. Барлык биремнәрне  уңышлы үтәгәннән соң,тылсымлы тавышлар астында малайлар  һәм кызлар янына кунакка Кыш бабай килде.Барысы да аңа Яңа ел шигырьләрен сөйәделәр , шуның өчен татлы бүләкләр алдылар.

9 январь көнне Сатыш авыл мәдәният йортында көнозын  русча бильярд буенча яңа ел турниры узды. Турнирда Сатышлылар гына түгел, шулай ук Лесхоз, Теләчедән дә килеп катнаштылар.
1 нче урын - Альберт Юнысов (Теләче)
2 нче урын - Владимир Логинов (Теләче)
3 нче урын - Шәйхулла Шәрифуллин (Сатыш)
Җиңүчеләргә бүләкләр тапшырылды.

6 гыйнвар көнне Сатыш авылы мәдәният йортында 2008 нче елгы һәм аннан яшьрәк егетләр арасында көрәш буенча Яңа Ел турниры булып узды. Бәйгедә Саба һәм Теләче районнарыннан 15 авырлык категориясе буенча  70 дән артык көрәшче катнашты. Көрәшчеләрне котларга Кыш бабай һәм Кар кызы да килгән иде. Татарстан Республикасы Дәүләт Советы депутаты Хаҗипов Нәҗип Нәкыйпович, ООО "Саба" Сатыш бүлекчәсе җитәкчесе Шаймарданов Раиль Рафикович, ООО "Саба" оешмасы җитәкчесе Билалов Адель Альбертович иганәчелек ярдәме белән барлык көрәшчеләргә Яңа ел бүләкләре тапшырылды. Спортчыларны һәм аларның тренерларын уңышлы чыгышлары белән котлыйбыз.

2 гыйнвар көнне мәдәният йортында китапханә белән берлектә балалар өчен "Яңа ел могҗизалары" дип исемләнгән Яңа ел бәйрәме үткәрелде. Балалар бәйрәмчә Маҗара атмосферасына чумдылар, кызыклы конкурсларда катнаштылар. Кыш Бабай килү белән чын бәйрәм башланды: күңелле уеннар, җырлар, чыршы тирәли әйлән-бәйлән уйнау. Китапханәче "Әдәби алан"проектында катнашучы балаларны котлады һәм бүләкләр тапшырды Бәйрәм эмоциональ, күңелле һәм дәртле узды. Тамашачылар Яңа ел тамашасын спонсор ООО "Саба" Сатыш бүлекчәсе җитәкчесе Шаймарданов Р.Р.,  оештыручыларга һәм катнашучыларга, шатлыклары һәм кәефләре өчен рәхмәт белдерделәр.

Сатыш авыл җирлегенең барлык мәдәният йортларында «Яңа ел могҗизасы!» дип исемләнгән бал-маскарад узды. Бәйрәмдә төрле яшьтәге авыл халкы катнашты. Мәдәният хезмәткәрләре бәйрәм кичәсенең кызыклы һәм бай программасын әзерләделәр. Яңа ел бал-маскарадында бәйрәм һәм күңел ачу атмосферасы хөкем сөрде. Кичә Яңа ел дискотекасы белән тәмамланды.