ЯҢАЛЫКЛАР

Ш.З.Зиннуров исемендәге Сатыш урта мәктәбендә беренче сыйныф укучылары өчен истәлекле вакыйга - “Әлифба бәйрәме” булып узды. Укучылар белем дөньясындагы беренче җиңүләрен бәйрәм иттеләр. Бәйрәмдә балаларның әти-әниләре дә катнашты. Укучылар бәйрәмдә җырладылар, биеделәр, шигырьләр сөйләделәр. Бәйрәм бик күңелле үтте. 1нче сыйныф укучылары, Әлифбаны өйрәтүдә зур тырышлык куйган укытучыларына,әти-әниләренә рәхмәтләрен җиткерделәр.

Алдынгылар Хәрәкәте рәисе Шәрифуллин Ансар Сатыш "Кояшкай" балалар бакчасында  "Сәламәт яшәү рәвеше. Ничек көчле һәм чыдам булырга?" дигән тема астында бакчада тәрбияләнүчеләр белән спорт төрләре, сәламәтлек һәм мәктәпкәчә яшьтәге балаларның көндәлек режимы турында фикер алышты. 

Мамалай авыл клубында күптән түгел кыска вакытлы ялга килгән СВО катнашучысы И.Шиһапов белән очрашу узды. Очрашу күңелле һәм җылы шартларда узды, сугыш хәрәкәтләре, җиңүгә таба барган авыр юлда нинди авырлыклар һәм сынаулар узарга туры килүе турындагы истәлекләре белән уртаклашты. Ул үзенең дуслары, авыр минутларда бер-берсенә дусларча ярдәм итүләре турында сөйләде. Очрашу ахырында барысы да солдатка нык сәламәтлек, имин хезмәт һәм тизрәк җиңү белән кайтуын теләделәр.

Сатыш авылы мәдрәсәсе музее хезмәткәрләре, балалар белән бергәләп, Ватанны саклаучылар көненә багышланган стенгазета-котлау ясадылар. Стенгазетлар һәрвакыт теләсә кайсы интерьерның бәйрәм бизәлешендә бар.

Витаминнар кеше организмына сәламәтлекне ныгытуда һәм төрле йогышлы авыруларга каршы тора алу сәләтен күтәрүдә ярдәм итәләр. Шуңа күрә витаминнарны без сәламәтлекнең дуслары дип атыйбыз.
Бигәнәй авылы балалар бакчасында фельдшер Исмагилова Ильмира балаларга витаминнар, аларның төрләре, сәламәтлеккә йогынтысы турында сөйләде.

Мамалай балалар бакчасында "Гаилә бәйрәме" дип исемләнгән чара үтте. Бәйрәмгә әтиләрне, әниләрне чакырып төрле уеннар уйнадылар, балалр шигырьләр сөйләде, әкият куйдылар. Соңыннан балаларга бүләкләр таратылды. 

 Казанчы  Бигәнәй  авыл китапханәсендә мәдәният йорты белән берлектә “Кыргый табигать  көне-үзенчәлекле дата”-дип исемләнгән танып-белү сәгате үткәрелде. 

21 нче февраль - Халыкара туган тел көне. Шул уңайдан Ш.З.Зиннуров исемендәге Сатыш урта мәктәбендә  Халыкара туган тел көне багышланган әдәби чара үтте. Укучылар төрле телләрдә туган телне кадерләүгә багышланган шигырьләр башкардылар. Кичә "Туган тел" җырын җырлап, тәмамланды.

Лесхоз бистәсендә үткән чаңгы ярышында Сатыш авыл җирлеге командасы тулы составта 2 урынны яулады. Мондый чараларда катнашу халык арасында физик активлыкны үстерүгә, спортны популярлаштыруга һәм халыкның сәламәтлеген ныгытуга ярдәм итә. Мондый вакыйгалар шулай ук үз җирлеген ярышларның югарырак дәрәҗәсендә тәкъдим итә алырлык талантлы яшь спортчыларны ачыкларга ярдәм итә.

Ш.З.Зиннуров исемендәге Сатыш урта мәктәбендә 4 нче сыйныф укучылары Сатыш авыл җирлеге башлыгы Ф.Ф. Шәфигуллин белән танышу очрашуында булды. Җирлек җитәкчесе балаларга соңгы вакытта нинди эшләр башкарылуы, нинди объектлар төзекләндерелүе, нинди чаралар уздырылуы һәм үсеш планы буенча нәрсәләр тормышка ашырылуы турында җылы һәм дустанә шартларда сөйләде. Якын киләчәктә туган авылларында нинди кызыклы һәм файдалы нәрсәләр булачагы турында сөйләү укучыларда аеруча кызыксыну уятты. Очрашу файдалы гына түгел, үсеп килүче буын өчен дә илһамландыргыч булды!