ЯҢАЛЫКЛАР

“Югары утар 18 сентябрьдә безнең балалар йорты коллективы һәм тәрбияләнүчеләр Байлар Саба район үзәгендә узган «Кабак-2026» бәйрәмендә катнаштылар. Фестивальгә кабактан матур композицияләр һәм төрле ризыклар әзерләнде. Бәйрәмнең төп ризыгы «Кабак бәлеше» булды .

Лесхоз өлкәннәр һәм инвалидлар өчен интернат-йортында пихтадан хуш исле һәм дәвалау мендәрләре ясау технологиясе буенча актив эш алып барыла. Интернатта яшәүчеләр бу эштә актив катнаша.

11 сентябрьдә Лесхоз интернат-йортында яшәүчеләр мул итеп кабак уңышы җыйдылар, аны үз куллары белән үстерделәр. Бүгенге көндә интернатта районның «Кабак бәйрәме» чарасына актив әзерлек бара, анда безнең уңыш матур эшләнмәләр һәм тәмле кабак ризыклары рәвешендә куелачак. Мондый чараларга әзерләнүгә көчләрен куйган хезмәткәрләребезгә һәм яшәүчеләребезгә рәхмәт.

9 нчы сентябрьдә Лесхоз өлкәннәр һәм инвалидлар интернат-йортында «Экстремизмга —юк!" декадасы кысаларында “Күңелле стартлар” булып узды. Чараның максаты рекордлар түгел, ә хәрәкәт шатлыгы, аралашу һәм күңел күтәренкелеге иде. Әлеге спорт чарасында катнашучыларның барысы да уеннан ләззәт һәм уңай хис-кичерешләр алдылар.

         Шәфкатьлелек маршрутлары илебезне уратып ала, ватаныбызның һәр почмагында олы йөрәкле, изге гамәлләр кылучылар бар. Республикабызның хәйриячелек тарихын өйрәнергә «Шәфкать маршрутлары» проектында катнашучылар – Татарстанның барлык почмакларыннан килгән яшүсмерләр чакырылган.

"Экстремизмга-юк!» атналыгы кысасында безнең приютта төрле чаралар уза:

1. Балалар белән рәсем конкурсы үткәрелде. Катнашучылар иллюстрацияләр аша дөньяга үз карашларын, дуслыкларын һәм башкаларга карата толерант мөнәсәбәтләрен белдерделәр. Эшләр образларның ачыклыгы һәм оригиналь якын килүе белән аерылып торды. Чара иҗади фикерләүне һәм экстремизм проблемасына аңлы мөнәсәбәтне үстерүгә ярдәм итте.

Саба районы «Балкыш» халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе белгечләре «Беренчеләр хәрәкәте» активистлары белән берлектә террорчылыкка каршы бердәмлек көненә багышланган «Тормыш тамчысы» Бөтенроссия акциясенә кушылдылар. Бу көнне 2004 нче елның сентябрь аенда Беслан шәһәрендә булган фаҗигале вакыйгалар искә алына. Террорчылык һөҗүме вакытында берничә йөз кеше, күбесе балалар, һәлак булды. Өч көн дәвамында алар бер тамчы сусыз әсирлектә тотылдылар. "Тормыш тамчысы" акциясе аша без һәркемне символик рәвештә, безнең арадан киткәннәргә, чәчәкләргә су сибеп су бирергә чакырабыз.

Саба районы “Балкыш” халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе  белгечләре  «Экстремизмга – Юк!» ункөнлеге кысаларында бер - береңә карата толерантлылык тәрбияләү, кешеләр белән дус- тату мөнәсәбәттә яшәүне формалаштыру максатыннан “Терроризм- җәмгыятькә карата начарлык” темасына әңгәмә үткәрде һәм видеотасмалар карап үттеләр.

Бу истәлекле дата террористик актлар корбаннарына һәм хезмәт бурычын үтәү, террористик характердагы җинаятьләрне булдырмау һәм кешеләрне коткару вакытында һәлак булган хокук саклау органнары хезмәткәрләренә багышланган.

Бу дата 2005 елда Беслан фаҗигасе корбаннары истәлегенә билгеләнгән. 2004 елның 1 сентябрендә террористлар Беслан шәһәренең 1 нче мәктәбендәге укучыларны, аларның ата-аналарын һәм мәгариф учреждениесе хезмәткәрләрен кулга алалар. Фаҗига 3 сентябрьгә кадәр дәвам итә. Террористик акт нәтиҗәсендә 334 кеше, шул исәптән 186 бала үлә.

3 сентябрьдә Лесхоз картлар һәм инвалидлар өчен интернат-йортында яшәүчеләр Беслан истәлегенә терроризмга каршы көрәштә бердәмлек көненә багышлап һәлак булганнарны бер минут тынлык белән искә алдылар һәм "Хәтер шәме" акциясенә кушылдылар. Шулай ук Бөек Ватан сугышы турындагы "Сугышка" картлар " гына бара»  чын патриотизм үрнәге буларак Совет кинофильмын күрсәтү оештырылды.

   2 нче сентябрь көнне Лесхоз өлкәннәр йортында,шәфкать туташы  җитәкчелегендә, интернатта яшәүчеләр арасында “Бочче” уены булып узды.

   Бочче- шар белән төгәллекә уйнала торган спорт уены. Ул тернәкләндерү программаларында хәрәкәт мөмкинлекләрен торгызу, координацияне, хәрәкәтләрнең төгәллеген яхшырту, шулай ук инвалид кешеләрне социаль адаптацияләү өчен кулланыла.