ЯҢАЛЫКЛАР

12 нче декабрь безнең ил үзенчәлекле бәйрәм - Конституция көнен билгеләп үтә. Шушы мөһим дата уңаеннан безнең балалар йортында, барлык төркемнәрдә танып белү чарасы: "Россия Федерациясе Конституциясе"көне үткәрелде.

11 декабрьдә инвалидлар декадасы кысаларында Олы Кибәче урта мәктәбе укытучылары һәм укучылары Лесхоз өлкәннәр һәм инвалидлар интернат-йортында матур концерт программасы белән чыгыш ясадылар.

10 декабрь көнне инвалидлар декадасы кысаларында Лесхоз интернат-йортының социаль хезмәтләр алучылары Лесхоз бистәсе музеенда булдылар. Музей хезмәткәрләре “ Гипстан тылсым" дигән  мастер-класс үткәрделәр.

    9 декабрь көнне Байлар Сабасында инвалидлар декадасына багышланган коляскадагы инвалидлар һәм ПОДА инвалидлары арасында бочче буенча ярышлар узды. Лесхоз  өлкәннәр  һәм  инвалидлар  йортыннан  ярышларда социаль хезмәтләр алучылар : Абрамов Александр Александрович, Захарова Татьяна Алексеевна, Карнашов Николай Алексеевич һәм Беляев Алексей Михайловичлар катнаштылар. Алар барысы да призлы урыннар яуладылар һәм истәлекле бүләкләр алдылар.

   1-10 декабрендә Россиядә гадәттәгечә Халыкара сәламәтлек мөмкинлекләре чикләнгән кешеләр көненә багышланган инвалидлар декадасы үткәрелә. Инвалидлар декадасы кысаларында 5 декабрьдә Лесхоз өлкәннәр һәм инвалидлар интернат-йортында "Күңелле стартлар" булып узды.

4 декабрьдә инвалидлар декадасы кысаларында Лесхоз интернат-йортына балалар һәм яшүсмерләр өчен «Тургай» социаль приютында тәрбияләнүчеләр  килде. Социаль хезмәтләр алучылар белән берлектә тәсбих, беләзек үрү буенча мастер-класс үткәрделәр.

3 декабрь-махсус көн, бу көнне бөтен дөньяда Халыкара инвалидлар көне билгеләп үтелә. Бу дата барыбызга да безнең янәшәдә ярдәмгә,  кайгыртучанлыкка мохтаҗ кешеләр яшәвен искә төшерә. "Шәфкатьле булыйк, игелекле булыйк һәм түземле булыйк!"

Шушы көн уңаеннан социаль хезмәтләр алучылар алдында хәйрия концерт программасы белән   татар эстрадасы артисты Гөлүс Хабибрахманов чыгыш ясады. Социаль хезмәтләр алучылар рәхмәтләрен белдерделәр.

2 декабрь көнне инвалидлар декадасы кысаларында Лесхоз интернат-йортының социаль хезмәт алучылары Лесхоз бистәсендә урнашкан дендрология бакчасында булдылар. Экскурсовод бакчаның мавыктыргыч тарихы турында сөйләде, үсемлекләр белән таныштырды, аларның характеристикаларын тасвирлады. Барысында да тылсымлы әкияткә эләккән кебек тоелды.

Лесхоз интернат-йортында кышның беренче көнендә Халыкара инвалидлар көненә багышланган чаралар ункөнлеге башланды.

1 декабрьдә социаль хезмәтләр алучылар алдында хәйрия концерты белән Саба районы җырчысы Биктимеров Ленур чыгыш ясады.

28 ноябрь көнне Саба хәрби-диңгез флоты ветераннары Лесхоз өлкәннәр һәм инвалидлар өчен интернат-йортында булдылар. Алар социаль хезмәт алучылар белән мавыктыргыч әңгәмә үткәрделәр. Армия сафларында хезмәт итүгә бәйле мәсьәләләр турында фикер алыштылар. Кызыклы тарихлар белән уртаклаштылар. Социаль технологияләр үткәрү өчен ротанглар бүләк иттеләр. Хәзер социаль хезмәтләр алучылар белән территорияне төзекләндерү өчен кәрзиннәр үрәчәкбез. Аларга зур рәхмәтебезне белдерәбез.