Муниципаль районнар Саба муниципаль районы

"Тормыш тамчысы" акциясе

2026 елның 3 сентябре, пәнҗешәмбе

Саба районы «Балкыш» халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе белгечләре «Беренчеләр хәрәкәте» активистлары белән берлектә террорчылыкка каршы бердәмлек көненә багышланган «Тормыш тамчысы» Бөтенроссия акциясенә кушылдылар. Бу көнне 2004 нче елның сентябрь аенда Беслан шәһәрендә булган фаҗигале вакыйгалар искә алына. Террорчылык һөҗүме вакытында берничә йөз кеше, күбесе балалар, һәлак булды. Өч көн дәвамында алар бер тамчы сусыз әсирлектә тотылдылар. "Тормыш тамчысы" акциясе аша без һәркемне символик рәвештә, безнең арадан киткәннәргә, чәчәкләргә су сибеп су бирергә чакырабыз.

Тэги: Саба районы «Балкыш» халыкка социаль хезмәт күрсәтү узәге ОСЗ Саба районы

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

сентябрь, 2026 ел

Волейбол Чемпионатында икенче урын

Финанс-бюджет палатасында хезмәт куючылар районда узып килүче спорт чараларында актив катнашып киләләр. Хатын-кызлар арасында барган волейбол Чемпионатында безнең оешмадан ике команда катнашты. Нәтиҗәдә, ФБП-1 командасы матур уен күрсәтеп, 2нче урын яулады. Рузилә Рахимуллина команданың иң яхшы уенчысы исеменә лаек булды.

«Язмышында яшәү дәрте» дигән әдәби сәгать

Явлаштау авыл мәдәният йорты хезмәткәрләре авыл китапханәсе белән берлектә танылган татар шагыйрәсе Флёра Гыйззәтуллинаның тууына 95 ел тулуга багышланган «Язмышында яшәү дәрте» дигән әдәби сәгать үткәрделәр. Очрашу барышында кунаклар шагыйрәнең авыр тормыш юлы һәм иҗаты белән таныштылар. Чарада катнашучылар авторның яраткан шигырьләрен укыдылар һәм аның иҗаты турындагы тәэсирләре белән уртаклаштылар. Шулай ук алар аның сүзләренә язылган җырларны гармунга кушылып башкардылар. Ахырда китапханәче катнашучыларны яңа газеталар һәм журналлар белән таныштырды.

Бөек татар шагыйре Габдулла Тукай иҗатына багышланган чара

Явлаштау авыл китапханәсенең китап бирү пунктында бөек татар шагыйре Габдулла Тукай иҗатына багышланган чара узды. Очрашуны китапханә хезмәткәрләре Мишәбаш авыл мәдәният йорты хезмәткәрләре белән берлектә оештырды. Кычкырып уку өчен «Мәктәптә» шигыре сайланды. Белемгә һәм туган телгә мәхәббәт белән сугарылган бу әсәрне катнашучылар бик яратып укыдылар. Укучылар шигырь юлларын оста итеп сөйләделәр, әсәрнең мәгънәсе турында фикер алыштылар һәм үзләренең мәктәп еллары белән бәйле хатирәләре белән уртаклаштылар. Чара җылы һәм дустанә атмосферада узды, төрле буын шигърият сөючеләрен берләштерде.

Мишәбаш авылында үзара салым хисабына юл ремонты

Мишәбаш авылында үзара салым хисабына зират юлы төзекләндерелде. Ремонтланган юл озынлыгы 165 метр тәшкил итте. Эшне ООО "Рамазан" оешмасы башкарды. Әлеге оешма хезмәткәрләренә сыйфатлы хезмәтләре өчен рәхмәт белдерәбез.

ЯҢАЛЫКЛАРГА ЯЗЫЛУ