ЯҢАЛЫКЛАР
"Комсомолка" Кубогы Казаннан Татарстанның Саба районы волейболчылары белән Шәмәрдәнгә китте.
Россия көне - ел саен 12 июньдә билгеләп үтелә торган Россия Федерациясенең төп дәүләт бәйрәме. Россия көне - закон һәм гаделлек нигезендә барлык кешеләрнең ирек, гражданлык тынычлыгы һәм ризалыгы бәйрәме. Бу бәйрәм - Ватаныбызның, Россиянең бүгенгесе һәм киләчәге өчен милли бердәмлек һәм гомуми җаваплылык символы. Әлеге бәйрәм уңаеннан Лесхоз мәдәният йорты хезмәткәрләре китапханәче белән берлектә, 11 июньдә асфальтта рәсем конкурсы үткәрделәр: мондый иҗат барлык яшьтәге укучыларга ошый. һәркем асфальтта рәсем ясый ала, теләк кенә булсын! Иң мөһиме - техникада түгел, ә ихлас күңелдән, балаларның беркатлы һәм гади рәсемнәрендә яши торган патриотизм хисендә.
Район хуҗалыкларында эре мөгезле терлек өчен азык — сенаж һәм печән әзерләнә.
Бүген "Олимп" стадионында инвалидлар арасында җиңел атлетика буенча район чемпионаты үтте.
Хөрмәтле гражданнар! «Татарстан Республикасы Гидрометеорология һәм әйләнә-тирә мохит мониторингы идарәсе» фдбудан:
2024 елның 13 июне 21.00 сәгатьтән 14 июнь 21.00 сәгатькә кадәр
метеорологик күренешнең интенсивлыгын кисәтү турында консультация.
14 июнь көнне төнлә һәм көндез Татарстан Республикасы территориясендә һәм Казан шәһәрендә 15-20 м/с кыска вакытлы көчәйгән җил, көндез локаль рәвештә 23 м/с; көндез аерым районнарында боз явуы көтелә.
12 июньдә Кече Шыңар мәдәният йортында Россия көненә багышланган "Кече Ватанымнан Россия башлана" дигән мәгълүмат сәгате узды.
2024 елның 10-13 июнендә Саба-Арена спорт мәктәбенең МБУ базасында «Россиянең киләчәге» программасы кысаларында 16 яшькә кадәрге егетләр һәм кызлар арасында өстәл теннисы буенча «Без бергә» бөтенроссия спорт ярышлары узды. Россиянең 6 төбәгеннән 63 егет һәм 58 кыз катнашты: Татарстан Республикасы, Башкортостан Республикасы, Удмурт Республикасы, Чуваш Республикасы һәм Самар өлкәсе. Егетләр арасындагы турнирның җиңүчесе АБУШАЕВ Ринат (Казан), икенче баскычка ГИБАТОВ Марат (Казан), пьедесталның өченче баскычына Самарадан Александр Горбунов күтәрелде. Кызлар арасында Ижевсктан Софья Ефимова җиңүче булды, пьедесталның икенче санына Софья КАМАШЕВА (Ижевск) күтәрелде. Өченче урын өчен матчта Казаннан Виктория Кириллова дәрәҗә пьедесталына күтәрелде. Безнең спортчылар Ибраһимов Мурат һәм Фәйзетдинова Сафира иң көчле бишлеккә керде. Барыгызга да уңышлар телибез. Яңа очрашуларга кадәр!
ФОТОРЕПОРТАЖ https://disk.yandex.ru/d/gqrFyiP0yIpSUA
9 нчы июнь көнне Мичән авыл җирлегендә татар халкының милли бәйрәме Сабантуй гөрләп узды. Хезмәт алдынгыларын бүләкләү, өлкәннәр һәм балалар өчен милли һәм мавыктыргыч уеннар, авыл халкының концерты, көрәш, спорт уеннары (аркан тарту, гер спорты, әтәч тоту, еракка итек ату, утын кисү, тачкада ярышу, таяк тартышу, волейбол), артистлар чыгышы булды.
12 июньдә илебез төп бәйрәмнәрнең берсен - Россия көнен билгеләп үтә. Бүген Россиянең дәүләт бәйрәме уңаеннан "Гаилә" паркында МБОУ ДО "Х.һәм А.Вәлиуллиннар исемендәге Саба балалар сәнгать мәктәбенең" сәнгать бүлеге укытучылары Газизова Гүзәл Равил кызы һәм Галиева Эльвира Раеф кызы сувенир әйберләр сату-күргәзмәсе һәм мастер-класс үткәрделәр. Сувенирларны һәм бизәнү әйберләрен сайлау өлкәннәрне дә, балаларны да битараф калдырмады. Теләүчеләр бик теләп истәлекле бүләкләр алдылар.