ЯҢАЛЫКЛАР

Гөрләп узган Кабак бәйрәмендә районның Финанс – бюджет палатасы да читтә калмады. Алар район бюджетын һәм район бюджетына иң күп салым кертүче оешмаларны төрле зурлыктагы кабаклар ярдәмендә тәкъдим иттеләр. Ә күргәзмәнең кульминациясе булып, район бюджетын тәкъдим иткән 108 кг.авырлыктагы зур кабак булды. Бәйрәм кунаклары бик кызыксынып район бюджетын баетучы оешмалар исемлеге белән танышты. Кабактан әзерләнгән тәмле бәлеш тә, әлбәттә, һәркемнең күңеленә хуш килде.  Нәтиҗәдә, “Иң матур композиция” номинациясында Финанс-бюджет палатасы 1 урынга лаек булды.

   Кабакны Көз патшабикәсе дип очраклы гына атамыйлар. Бу гаҗәеп җимеш элек-электән уңыш, уңдырышлылык, кояш, тормыш, шатлык, сәламәтлек һәм озын гомер символы буларак хөрмәт ителә. Мөгаен, шуңа да Саба районында «Кабак бәйрәме» үткәрү күркәм традициягә әверелгәндер. Безнең коллектив бу матур чарада икенче ел катнаша.

Саба муниципаль районының Саба шәһәр Башкарма комитеты муниципаль хезмәтнең вакантлы вазыйфасын-Саба муниципаль районының Саба шәһәр Башкарма комитеты җитәкчесен биләүгә конкурс үткәрә.

Конкурсны үткәрү датасы: 17.10.2025 ел

Конкурсны үткәрү вакыты: 8.00 сәгать.

Конкурсны үткәрү урыны – Саба муниципаль районы хакимиятенең кече залы (422060, ТР, Саба районы, Байлар Сабасы ш.т. п., г. Закиров ур., 52 й.).

Конкурста һәм конкурс документациясендә катнашуга гаризалар кабул итү датасы һәм тәмамлану вакыты: 16.10.2025 ел, 14 сәгать 00 минут.

18 сентябрьдә «Кабак бәйрәме – 2025» традицион көзге бәйрәме кысаларында «Балкыш» халыкка социаль хезмәт күрсәтү комплекслы үзәге коллективы үзләренең иҗади сәләтләрен һәм кулинар осталыкларын күрсәтте.

19 сентябрь көнне Олы Кибәче авыл җирлегенең административ бинасында бишенче чакырылыш депутатларның беренче утырышы булды. Көн тәртибенә түбәндәге сораулар куелды:

1. Олы Кибәче авыл җирлеге Советына депутатлар сайлауда тавыш бирү йомгаклары турында.

2. Олы Кибәче авыл җирлеге башлыгын сайлау.

3. Олы Кибәче авыл җирлеге башлыгы урынбасарын сайлау.

4. Олы Кибәче авыл җирлегеннән Саба муниципаль районы Советына вәкил сайлау.

5.Олы Кибәче авыл җирлегенең даими комиссияләре турында.

Депутатларга тавыш бирү нәтиҗәләре белән Башкарма комитет секретаре Р.Р. Хөсәенова таныштырды. Аннары яшерен тавыш бирү юлы белән җирлек башлыгын сайладылар. Олы Кибәче авыл җирлеге башлыгы Сафин А.К. бертавыштан сайланды. Ачык тавыш бирү юлы белән башлык урынбасары В.А. Ибушевны сайладылар. Яшерен тавыш бирү юлы белән Г. Р. Фатихованы Саба районы Советына вәкил итеп сайладылар. Соңыннан бюджетлар, салымнар, финанслар буенча даими комиссияләр һәм экология һәм җирдән файдалану буенча комиссияләр төзелде.

«Яшьлек» яшьләр үзәге өстәмә белем бирү педагоглары, «Тынычлык күгәрчене» акциясенә кушылды. 

18 сентябрь көнне Байлар Сабасының үзәгендә «Кабак-2025» район фестивале узды. Бәйрәмдә Шекше мәдәният йортының «Зиләйлүк» фольклор коллективы да катнашты. Алар кабактан композиция, төрле сый-нигъмәтләр һәм "Как бәлеш" ясау буенча мастер-класс күрсәттеләр. Алар шулай ук җырлар җырладылар, биеделәр һәм фестиваль кунакларының күңелен ачтылар.

Татарстан Республикасында хәрби хезмәткә чакырылучы хәрби хезмәткәрләрнең йөкле хатыннары өчен пособие 42 мең сумнан артык тәшкил итә

Татарстан Республикасы буенча Социаль фонд бүлеге регионда яшәүче 43 меңнән артык кешегә озак еллар авыл хуҗалыгында эшләп  стаж туплаган өчен өстәмә акча түли

 “Татарстан Республикасы Саба муниципаль районы Иштуган гомумбелем бирү мәктәбе” ндә көмеш волонтер, “Солдатка аш” волонтерлар хәрәкәтенең башында башлап җибәрүче Фахрутдинова Зөлфия Габдельсамат кызы белән очрашу булды. Бу чара балаларны патриотик рухта тәрбияләү чарасы буларак оештырылды. СВО барган, илебез өчен катлаулы вакытта ватаныбыз турында уйлап, читтә калмаган кешеләр бүгенге көн геройлары булып калалар.