ЯҢАЛЫКЛАР
Саба районының авыл җирлекләрендә яшь белгечләрне тораклы итү һәм авыл җиренә квалификацияле белгечләр тарту максатыннан, Республикакүләм “Яшь белгечләргә аренда торагы” программасы кысаларында йортлар төзелеше дәвам итә. Сатыш авылында белгечләр өчен чираттагы йортлар төзелә.
Татарстанда мхода һәлак булганнарның гаиләләре азык-төлек һәм көнкүреш химиясе җыелмаларын алачак.
Шулай ук ярдәм I һәм II төркем инвалид булган сугышчыларның гаиләләренә җибәреләчәк.
Татарстанда «нәфис» фондының мхода катнашучыларның гаиләләренә ярдәм итүгә юнәлдерелгән хәйрия акциясенең 3 нче этабы башланды. Республиканың барлык шәһәр һәм районнарына гуманитар ярдәм җибәрү башланды, аның составына азык-төлек продуктлары һәм көнкүреш химиясе керә. Мондый бүләкләрне махсус операциядә һәлак булган катнашучыларның гаиләсенең һәр әгъзасы, шулай ук хәрби хәрәкәтләр нәтиҗәсендә I һәм II төркем инвалид булган сугышчыларның гаиләләре алачак.
Халыкара туган тел көне 21 февральдә билгеләп үтелә. 20 февраль көнне Юлбат авыл китапханәсе «Тел ананының баласына иң кадерле бүләге» дип исемләнгән фольклор сәгате үткәрде.
20 февраль көнне Юлбат төп гомуми белем бирү мәктәбенең 1-4 сыйныф укучылары Юлбат һәм Йосыф-Алан авыллары фельдшерлары М.Р. Бадикова һәм Г.Р. Хаиева белән очраштылар. Миләүшә Рәшит кызы башлангыч сыйныф укучыларына гигиена нормаларын һәм сәламәт яшәү рәвешен үтәүнең мөһимлеген искә төшерде. Гөлназ Рафатовна шулай ук балаларга көн тәртибен үтәргә, спорт белән шөгыльләнергә, каникул вакытында саф һавада ешрак булырга киңәш итте.
2025 елның 13-16нчы февраль көннәрендә физик тәрбия фәне буенча 9-11 сыйныф укучылары арасында Бөтенроссия олимпиадасының региональ этабы узды.
Бүген, 20 нче февраль көнне, “Яшьлек” яшьләр үзәге базасында урнашкан “Игелекле Саба” игелек үзәге хезмәткәрләре районыбызның Тимершык, Мичән, Симет мәктәбе укучылары һәм укытучылары белән очрашып, волонтерлык буенча әңгәмә үткәрделәр.
“Яшьлек” яшьләр үзәге Ватанны саклаучылар көне уңаеннан мастер- класс үткәрде.
15 февраль көнне Юлбат авыл китапханәсе «Ромашка» балалар бакчасында «Муса Җәлил – балаларның дусты» дип исемләнгән шагыйрь истәлегенә әңгәмә үткәрде. Китапханәче балаларга М.Җәлилнең тормыш һәм иҗат юлы турында сөйләде, балалар өчен язылган шигырьләрен укыды. Аның шигырьләре Ватанны яратырга, авыр минутларда аны якларга әзер булырга өйрәтә. Чара ахырында балаларга "Кызыл ромашка" шигыре буенча рәсемнәр ясарга тәкъдим ителде.
Әфганстан территориясеннән Совет гаскәрләрен чыгаруның 36 еллыгы Россия һәм бөтен дөнья җәмәгатьчелеге тарихында истәлекле вакыйга булды. Ун ел буена безнең сугышчылар үзләренең солдат бурычларын намус белән үтәделәр. 15 февраль көнне Тенеки клубы һәм Юлбат авыл китапханәсе мөдирләре Әфган сугышы ветераны Фирдинат Галләмов белән очрашу уздырдылар. Якташыбыз солдат көннәре, сугышчан рухны саклап калырга ярдәм иткән хатирәләре белән уртаклашты.