ЯҢАЛЫКЛАР
Яңа ел-иң көтеп алынган искиткеч бәйрәм. Аны тылсымлы, серле, гаҗәп, уникаль, сөйкемле дип атыйлар. Без барлык теләкләрнең, чираттагы могҗизаның, якты әкиятнең, яңа бәхетнең үтәлүен көтәбез.
Олы Нырты авылы китапханәсе мөдире балалар өчен ачык һавада "Чыршы утларың белән балкып тор" дигән уеннар оештырды. Кышын нинди уеннар уйный аласыз? Кышкы көннәрендә нәрсәдән сакланырга кирәк? Кышкы уеннар өчен нинди кагыйдәләр бар? Бу хакта китапханәче уен башланыр алдыннан яшь укучыларына сөйләде .
30 нчы декабрь көнне Олы Нырты авыл мәдәният йорты хезмәткәрләре традицион рәвештә яңа ел лотереясы билетлары уйнаттылар . Якынлашып килүче Яңа ел белән барлык катнашучыларны да Кыш Бабай һәм Кар кызы чын күңелдән котлады.
Олы- Нырты мәдәният йорты хезмәткәрләре «Бусагада Кыш бабай һәм Кар кызы»дигән акция уздырдылар. Кыш бабай белән Кар Кызының өйдәге котлаулары-сабыйларга онытылмаслык тәэсирләр алып килүче бәйрәм һәм дулкынландыргыч вакыйга.
Чәбия Чүрчи авыл клубында, Олы Нырты авыл китапханәсе мөдире белән берлектә балалар өчен уенчыклар ясау буенча мастер-класс үткәрелде. Балалар бик теләп эшкә керештеләр. Балалар төсле картон, кәгазь, клей, мамык шар һәм яхшы кәеф кулланып кыш бабайлар һәм чыршылар ясадылар. Без шулай ук бергә фотозона ясадык. Җылы, дустанә атмосфера һәм уртак хезмәт һәркемгә бәйрәмнең якынлашуын тоярга ярдәм итте.
Яңа ел бәйрәме ялларында Саба туган якны өйрәнү музеенда «Яшь тарихчылар» клубына йорүчеләр өчен «Яңа ел уенчыгы» дип исемләнгән мастер-класс үткәрелде. Укучыларда күңелле Яңа ел хисе уяту уңаеннан, балаларга төрле төсле кәгазьләрдән Яңа ел уенчыгы ясау ысуллары күрсәтелде һәм бу эштә алар бик теләп катнаштылар. Шулай ук чара вакытында укучыларга бу бәйрәмнең барлыкка килү тарихы, Яңа елны төрле илләрдә ничек билгеләп үтүләре турында да сөйләнелде.
Яңа ел бәйрәме ялларында Саба туган якны өйрәнү музеенда «Яшь тарихчылар» клубына йорүчеләр өчен «Яңа ел уенчыгы» дип исемләнгән мастер-класс үткәрелде. Укучыларда күңелле Яңа ел хисе уяту уңаеннан, балаларга төрле төсле кәгазьләрдән Яңа ел уенчыгы ясау ысуллары күрсәтелде һәм бу эштә алар бик теләп катнаштылар. Шулай ук чара вакытында укучыларга бу бәйрәмнең барлыкка килү тарихы, Яңа елны төрле илләрдә ничек билгеләп үтүләре турында да сөйләнелде.
2023 елның 3 гыйнварында «САБА-АРЕНА» базасында өстәл теннисы буенча Россия чемпионатларының берничә тапкыр призеры; Россия субъектларының I бөтенроссия спартакиадасы җиңүчесе; 2019 елда Казанда иң яхшы спортчы; Неаполь шәһәрендә (Италия) 2019 елда узган бөтендөнья җәйге Универсиаданың бронза призеры; өстәл теннисы буенча Россиянең спорт мастеры Саъди Исмаилова һәм өстәл теннисы буенча югары квалификация категориясе тренеры; «2020 елның иң яхшы тренеры» конкурсында җиңүче; өстәл теннисы буенча Россиянең спорт мастеры Хайём Исмаилов гадәттәге мастер - класс узды. Мастер-класс бик матур тәэсир калдырды. Саъди белән Хайём югары профессионализмны спортчылар буларак кына түгел, тренерлар буларак та күрсәттеләр. Өстәл теннисы уенын үстерүнең бөтен барышына йогынты ясаучы иң мөһим мизгелләр бирелде. Нечкә һәм нәзакәтле формада спортчыларның кимчелекләре күрсәтелде һәм уенны алга таба үстерү юлы билгеләнде. Барлык киңәшләр һәм теләкләр ачык итеп бәян ителде.
Саъди белән Хайём бик энергияле һәм эмоциональ эшләделәр, мастер класс бик тиз һәм кызыклы узды. Безнең мәктәп спортчылары үз осталыклары дәрәҗәсен яңача бәяләү генә түгел, ә кыйммәтле киңәшләр һәм тәкъдимнәр алу өчен дә уникаль мөмкинлек алды. Саъди белән аралашу анда булучыларга бик рәхәт узды. Алар мастер-класс уздыруда иҗади якын килүләре өчен рәхмәт белдерделәр. Ачык формада ул эзлекле рәвештә уен технологиясе һәм өстәл теннисы алымнарын интерпретацияләү мәсьәләләрен күтәрде. Материалны ачык, эмоциональ-образлы тәкъдим итү, туплар бирү алымнарының структурасы һәм эчтәлеге буенча дөрес итеп төзелгән күнекмәләрне җиткерү, аралашуда яхшы юмор һәм җиңеллек җәлеп итте. Саъди һәм Хайём Исмаиловлар үткәргән мастер-класс югары дәрәҗәдә үтте һәм зур эмоциональ җавап алды. Спортчы шунда ук балаларны үзенең яхшылыгы, балаларга һәм тенниска мәхәббәте, югары белеме белән таныштыра алды.
2023 нче елның 3 нче гыйнварында «Югары Утар психик тайпылышлары булган гражданнар өчен балалар интернат йорты» дәүләт казна учреждениесендә тәрбияче Тимергалиева ИИ. җитәкчелегендә «Саф һавада уеннар» дигән темага уеннар үткәрелде.
Яңа ел... Бу сүзләрне ишетүгә безнең күз алдыбызга хуш исле зифа чыршы, ап-ак кар бөртекләре, җемелдәвек сихри утлар килеп баса. Ул һәркайсыбызның иң яраткан бәйрәмнәрнең берсе. Мондый серле һәм бай тарихлы бер генә бәйрәм дә юктыр, мөгаен.
3 гыйнвар көнне Әбрар Кәримуллин исемендәге район үзәк китапханәсе бәйрәмгә килгән һәркемне җылы каршы алды. Кунаклар өчен төрле уен мәйданчыклары оештырылды, театральләштерелгән тамаша күрсәтелде, күңелле стартлар, төрле конкурслар үткәрелде.
Кыш бабай белән Кар кызы Яңа елга багышланган шигырьләр тыңладылар, бәйрәм рухы тудырдылар. Килгән кунакларга район үзәк китапханәсе директоры Билалова Ләйсән Рәкыйп кызы үзенең матур котлауларын җиткерде, шулай ук 2022 ел нәтиҗәләре буенча иң яхшы китап укучыларга дипломнар тапшырды:
1 урын Гыйләҗев Әбүзәр
2 урын Рәхимова Гөлсинә
3 урын Нурисламов Фәнис
Барлык катнашучылар бәйрәмнән күтәренке кәеф алдылар.