«Яңа ел уенчыгы» - мастер-класс

2023 елның 3 гыйнвары, сишәмбе

Яңа ел бәйрәме ялларында Саба туган якны өйрәнү музеенда «Яшь тарихчылар» клубына йорүчеләр өчен «Яңа ел уенчыгы» дип исемләнгән мастер-класс үткәрелде. Укучыларда күңелле Яңа ел хисе уяту уңаеннан, балаларга төрле төсле кәгазьләрдән Яңа ел уенчыгы ясау ысуллары күрсәтелде һәм бу эштә алар бик теләп катнаштылар. Шулай ук чара вакытында укучыларга бу бәйрәмнең барлыкка килү тарихы, Яңа елны төрле илләрдә ничек билгеләп үтүләре турында да сөйләнелде.