ЯҢАЛЫКЛАР

11 февраль көнне Туктар авыл клубы һәм китапхансе хезмәткәрләре гашыйклар көне уңаеннан «Беренче мәхәббәт серләре» дип исемләнгән конкурс программасы үткәрелде

   11 нче февраль көнне  Саба муниципаль районында  узган «Россия чаңгы юллары-2023» һәм «Татарстан чаңгы юллары-2023» Бөтенроссия массакүләм чаңгы ярышында ҖЧ “Игенче” җәмгыяте  командасы  да  катнашты.

Кичә, 15 февральдә, Лесхоз урта мәктәбендә «мәктәп урманчылыкларының эшчәнлеген үстерү " темасына семинар узды. Аның эшендә «Саба урманчылыгы» ДКУ, «Саба укыту-тәҗрибә урман хуҗалыгы» ДБУ белгечләре, Саба муниципаль районы мәктәп урманчылыклары җитәкчеләре катнашты.

Түбән Шытсу төп мәктәбендә "Рәхмәт сиңа, Әлифба" дип исемләнгән чара үтте. Балалар театральләштерелгән тамаша тәкъдим иттеләр, кызыклы сорауларга җавап табып шигырь сөйләделәр.

14 февраль көнне Хәрби-патриотик айлык кысаларында Түбән Шытсу төп мәктәбендә “Татар малае-2023” бәйгесе  үткәрелде.

 15 февральдә Тенеки авыл клубы һәм Юлбат авыл китапханәсе мөдирләре 1980-1982 елларда Әфганстанда сугыш хәрәкәтләрендә катнашкан Галләмов Фердинант Равил улы гаиләсенә барып, "Әфганстан – йөрәк ярасы" дип исемләнгән очрашу сәгате уздырдылар. Әфган сугышы ветераны үзенең хезмәт иткән дуслары, солдат көннәре, сугыш кырында яшьлекнең ничек узуы турында сөйләде. Армия альбомыннан фотолар һәм медальләрен күрсәтте.

17 февральдә муниципаль хезмәткәрләр арасында кышкы спорт төрләре көненә багышланган чаңгы ярышлары узачак

Миңгәр ФАПында капиталь ремонт эшләре бара.  Ремонт эшләрен Саба ПМК -159 оешмасы башкара.

15 февраль көнне Миңгәр авыл китапханәсендә "Батырлык гасырларда кала" дигән әдәби сәгать узды. Әлеге чараның максаты-шагыйрьнең тормышы һәм иҗаты белән таныштыру, Муса Җәлилнең кыю тормышы һәм шигърияте үрнәгендә яшь буын тәрбияләү, экспрессив уку, лирик әсәрне анализлау күнекмәләрен үстерү. Чара барышында китапханәче укучыларны патриот-кеше, Советлар Союзы Герое Муса Җәлилнең биографиясе һәм иҗаты белән таныштырды. Балалар шагыйрьнең" Җырларым", "Соңгы хатирә", "Ватаныңны кичер", "Шагыйрь" һәм башка шигырьләрен укыдылар. Укучылар шагыйрь иҗатына зур кызыксыну уяттылар.