"Мәктәп урманчылыклары эшчәнлеген үстерү" темасына семинар
Кичә, 15 февральдә, Лесхоз урта мәктәбендә «мәктәп урманчылыкларының эшчәнлеген үстерү " темасына семинар узды. Аның эшендә «Саба урманчылыгы» ДКУ, «Саба укыту-тәҗрибә урман хуҗалыгы» ДБУ белгечләре, Саба муниципаль районы мәктәп урманчылыклары җитәкчеләре катнашты.
Семинарда катнашучыларны муниципаль район башлыгы Рәис Миңнеханов, «Мәгариф идарәсе» МКУ башлыгы Илфат Шакиров һәм җитәкче-урманчы Васил Гыйззәтуллин сәламләделәр. Семинар барышында мәктәп урманчылыкларының эшчәнлеген оештыру, шундый берләшмәләр өчен заманча белем бирү программаларын эшләү, аларның мотивациясен арттыруга, сәләтләрен ачуга һәм үстерүгә юнәлдерелгән чаралар уздыру мәсьәләләре каралды.
Шулай ук семинарда катнашучылар «Нургали оныклары» мәктәп урманчылыгының эш юнәлешләре белән таныштылар – гамәлгә ашырыла торган проектлар һәм акцияләр турында белделәр, берләшмә кабинетын карадылар, йөземнән үрү һәм агач язу буенча мастер-класслар карадылар