ЯҢАЛЫКЛАР
Кышның беренче көннәрендә «Сабантуй» ат спорты комплексында конкур буенча Саба муниципаль районы Чемпионаты һәм Беренчелеге узды. Ярышларга катнашучылар аеруча зур дулкынлану белән әзерләнделәр, чөнки ярышларның беренче көнендә алар костюмнар әзерләргә, аларга җырлар сайларга һәм маршрут үтәргә тиеш иде. Катнашучыларның костюмнары креатив һәм төсле килеп чыкты.
7 декабрьдә «Саба‑Арена» спорт мәктәбендә Бөтенроссия инвалидлар декадасына багышланган Өстәл теннисы буенча традицион турнир узды. Бу чара спорт ярышларына гына түгел, ә рухи көч һәм җиңүгә омтылышның чын бәйрәменә әверелде.
Ярышлар дустанә шартларда узды, анда көндәшлек түгел, ә үзара ярдәмләшү өстен булды. Җиңүчеләргә һәм призерларга акчалата бүләкләр һәм татлы призлар тапшырылды.
1 урын-Владимир Владимир Богданов,Галина Гороховатченко,Дамир Билалов, Илсаф Латыйпов һәм Илфар Тимергалиев.
2 урын-Нияз Шаманов,Элина Шәйдуллина,Гөлназ Исмәгыйлева,Әлфис Вәлиуллин һәм Булат Галимҗанов.
3 урын-Тимур Шакиров,Алсу Нигъмәтҗанова,Ләйсән Зарипова, Аида Габдрахманова һәм Алмаз Гарипов.
Шекше төп мәктәбендә инвалидлар декадасы кысаларында күп төрле эшләр алып барылды. Мәктәбебездәге, авылыбыздагы мөмкинлекләре чикле кешеләрнең күңелләрен күреп, хәлләрен белештек. Мәктәпне тәмамлап чыккан укучыларны чакырып, мастер-класслар оештырдык. 8 нче декабрь көнне 6 нчы сыйныф укучылары тарафыннан концерт программасы күрсәтелде. Бу эшләр тукталмый алга таба да оештырылыр дип ышанабыз.
2025 елның 1 декабреннән Россиядә инвалидлар декадасы старт алды. Шуңа бәйле рәвештә, 4 декабрь көнне безнең приютта тәрбияләнүчеләр , тәрбиячеләре Саетова Г.Б.һәм Солтанова Р.Д. җитәкчелегендә "Лесхоз картлар һәм инвалидлар интернат-йортында" булдылар. Алар мөселман һәм православие тәсбихе ясау буенча мастер-класс үткәрделәр. Интернат-йортта яшәүчеләр бик канәгать калдылар. Безнең гомуми игътибарыбызга һәм мәхәббәтебезгә мохтаҗ булган кешеләр янында үткән бу көн беркемне дә битараф калдырмады.
5 нче декабрьдә, инвалидлар декадасы кысаларында, тәрбиячеләр В.Р.Давлиева һәм Р.Д. Солтанова белән берлектә, бездә тәрбияләнүчеләр Югары Утар балалар интернат-йортында булдылар. Алар Яңа елга булмәләр бизәү буенча мавыктыргыч мастер-класс үткәрделәр. Балалар зур кызыксыну белән бәйрәмчә бизәнү әйберләре булдырдылар. Бу иҗади күнекмәләрне үстерүгә һәм дустанә элемтәләрне ныгытуга ярдәм итте. Чара җылы һәм ягымлы атмосферада узды, катнашучыларга аралашу һәм уртак иҗат шатлыгы бүләк итте. Мондый тәҗрибә Яңа ел алдыннан матур һәм истә калырлык вакыйга булды.
8 декабрьдә Ике басу Арташ авылыннан Ярмиева Алфинур Каюмована Арташ үзенең 90 яшьлек юбилеен билгеләп үтә. Мактаулы юбилярны Саба муниципаль районының халыкны социаль яклау бүлеге начальнигы Лилия Гайнетдинова, Арташ авыл җирлеге башлыгы Рөстәм Мөхәрләмов һәм "Нырты "АХП "ҖЧҖ директоры Ильяс Илдус улы котладылар. Социаль яклау бүлеге җитәкчесе шулай ук Саба муниципаль районы башлыгы Рәис Нургали улы Миңнехановның котлау хатын тапшырды. Юбилярга сәламәтлек һәм иминлек телибез.
Татарстан Республикасы Дәүләт алкоголь инспекциясенең Арча территориаль органы хезмәткәрләре, гражданнарның һәм кулланучыларның хокукларын һәм мәнфәгатьләрен алдау һәм товар сатканда ялгыш юлга этәрү фактларыннан яклау өчен, Саба муниципаль районының «Балкыш» АКБОДА әңгәмә үткәрделәр.
Шушы көннәрдә «Сәләт - Саба» клубы активистлары «Сәләт» клубы президенты һәм вице- президенты белән очраштылар. Очрашу барышында клуб әгъзалары «Сәләт Саба» клубы эшчәнлеге, аның планнары һәм эш нәтиҗәләрен яктырткан презентция белән чыгыш ясадылар.
Катнашучыбыз Шәрифуллин Вилдан, өстәмә белем бирү педагогы Исмәгыйлев А.А. җитәкчелегендә, II урынга лаек булды. Вилданны яхшы нәтиҗәсе белән ихлас котлыйбыз, һөнәри әзерлеге һәм ярдәме өчен А.А. Исмәгыйлевка рәхмәт белдерәбез. Яңа җиңүләр, кызыклы идеяләр, алга таба үсеш телибез!
Кыш алдыннан ГЛПС вирусын (бөер синдромы белән геморрагик бизгәк) күчерүче кимерүчеләрнең активлыгы арта, чөнки алар өйләрдә һәм хуҗалык корылмаларында җылылык һәм азык эзлиләр.Илдә иң еш очрый торган авыру - бөер синдромлы геморрагик бизгәк.