ЯҢАЛЫКЛАР
Традиция буенча 27 майда Россиядә белем саклаучыларның һөнәри бәйрәме — Гомумроссия китапханәләр көне билгеләп үтелә. Бу дата китапханәләрнең мәдәният, мәгариф һәм тарихи мирасны саклау үзәкләре буларак әһәмиятен искә төшерә. Китапханә-уникаль учреждение. Ул балаларны үстерергә, күңелләрне дәваларга, профессионализмны күтәрергә, интеллектны үстерергә, дөньяга карашны киңәйтергә, рухи яктан баерга ярдәм итә. Китапханә яшь буенча да, социаль яктан да чикләүләрне белми, аңа барысы да ихтыяҗлы – уйлый башлаган баладан алып тирән картка кадәр, ул барысына да аңлаешлы – академиктан алып укучыга кадәр. Бу көнне Шәмәрдән авыл һәм балалар китапханәсендә «Дуслык» клубының хатын-кызлар өчен «Тормыш китап белән янәшә» дигән кичә үткәрелде. Чара барышында китапханәчеләр Гатиятова Надия Ринат кызын һәм Дмитриева Елена Александр кызын һөнәри бәйрәмнәре белән котладылар. Бик күп матур сүзләр әйтелде. Чара бәйрәм өстәле артында китапханәчеләр турында шаяртулар, фактлар, шигырьләр белән үрелеп барды.
Мичән төп мәктәбендә Сабантуй көне билгеләнде һәм мәктәптә бирнә җыю йоласы башкарылды. 27 май көнне укучылар өчен милли Сабантуе булып узды. Балалар өчен милли һәм мавыктыргыч уеннар уйнатылды. Аркан тарту, гер спорты, таяк тартышу, оннан авыз белән акча җыю, кашык белән су ташу, капчык киеп йөгерү, кашыкка йомырка салып узышу, чүлмәк вату уеннарында балалар бик теләп катнаштылар. Һәр уенда катнашучы бүләкле булдылар. Уеннарны һәр укытучы күңелле итеп оештырды. Укучылар бәйрәмнән бик канәгать булып таралды.
26 майда "Сабантуй" КСК базасында фән олимпиадаларының муниципаль, республика, төбәк һәм бөтенроссия этапларында призлы урыннар алган укучыларны һәм укытучыларны бүләкләү тантанасы узды. Саба муниципаль районы башлыгы Рәис Нургали улы Миңнехановның Рәхмәт хатлары белән укучыларның ата-аналары бүләкләнде.
24 нче майда Килдебәк гомуми урта белем бирү мәктәбендә “Соңгы кыңгырау” бәйрәме булып узды
Танылган татар галиме, китап белгече-библиограф, филология фәннәре докторы, ТАССРның атказанган фән эшлеклесе, Габдулла Тукай исемендәге Дәүләт премиясе лауреаты Әбрар Гыйбадулла улы Кәримуллинның туган көне уңаеннан, Саба туган якны өйрәнү музее хезмәткәрләре тарафыннан «Туган якны өйрәнүчеләр» клубына йөрүчеләрне ул җирләнгән зиратка алып бару оештырылды. Якташыбызның кабер ташы янында академикның тормыш юлы һәм иҗаты турында сөйләнелде. Аннан соң, галимнең балачакта уйнап үскән туган йорты янында да әңгәмә корылды. Язучының иҗатына килгәндә, Ә. Кәримуллинның фәнни һәм публицистик хезмәтләре исемлеге 700гә якын. Ул үз эшчәнлегендә академик тикшеренүләр кысалары белән генә чикләнми. Ул республиканың иҗтимагый-сәяси тормышында бик актив катнашты. Аның республика газета-журналлары битләрендәге эчтәлекле мәкаләләре, радиода, ТВда, студентлар, галимнәр, хезмәт ияләре алдында татар язуы графикасы проблемалары, Татар китабы язмышы, татар теле, Мәдәни мирас мәсьәләләре турында чыгышлары бихисап. Аның публицистик мирасы бүген дә актуальлеген югалтмаган.
2024-2025 уку елында МБМУ «Олы Арташ төп гомуми белем бирү мәктәбе» вакыйгаларга бай тормыш белән яшәде. Йомгак ясау вакыты җитте.
“Яшьлек” яшьләр үзәге, Сабантуйга Бирнә җыйды.
17 май көнне укучылар Лаеш районында Агробиотехнопаркта булдылар.
Безнең мәктәп укучылары өчен ул иң кирәкле урыннарның берсенә әверелде, чөнки биредә балаларны мавыктыргыч экскурсия көтә иде.
Шәмәрдән лицееның 2б һәм 4а сыйныфы укучылары тарихи мирасны үзләштерү максатыннан, Саба үзәкләштерелгән туган якны өйрәнү музеенда булдылар.
2025 елның 20сеннән 23 майга кадәр Әлмәт шәһәрендә бадминтон буенча "Ак барс кубогы - Крылья" бөтенроссия яшүсмерләр ярышлары узды. Анда Россиянең 4 төбәгеннән 283 спортчы катнашты. 934 уен уйналды. Ярыш "ике йолдыз"лы. Саба районы шәкертләре, "Саба-Арена" спортчылары ялгыз һәм парлы разрядларда 14 медаль яуладылар һәм бик яхшы чыгыш ясадылар. 1 урын - Зәйниев Айназ (17яшькә кадәр) 1 урын - Сафина Элина - Фәйзуллина Ника (13 яшькә кадәр) 2 урын - Зәйниев Айназ - Федоров Данила (Алексеевск районы, 19 яшькә кадәр) 2 урын - Зәйниев Айназ - Леонтьева Екатерина (Әлки районы, 17 яшькә кадәр) 2 урын - Рәхимов Адель (13 яшькә кадәр) 2 урын - Рәхимов Адель - Идрисов Нияз (13 яшькә кадәр) 3 урын - Сафин Зиннәтулла (11 яшькә кадәр) 3 урын - Сафина Элина (13 яшькә кадәр) 3 урын - Идрисов Нияз (13 яшькә кадәр) 3 урын - Сафиуллин Рөстәм (13 яшькә кадәр) 3 урын - Сафиуллин Рөстәм - Русских Всеволод, (13 яшькә кадәр) 3 урын - Сафиуллин Рөстәм - Будилина Кира (Әлмәт, 13 яшькә кадәр) 3 урын - Рәхимов Адель - Шәйхуллова Элина (Әлмәт, 13 яшькә кадәр). Балаларны, ата-аналарны, тренер Зарипов Г.Х. уңышлы чыгыш белән котлыйбыз, сәламәтлек һәм алга таба спорт уңышлары телибез. Шулай ук тренер һәм ата-аналар исеменнән Рәис Нургали улы Миңнеханов җитәкчелегендә Саба районы җитәкчелеген бөтенроссия ярышларына спортчыларга йөрү мөмкинлеге биргэн өчен дә рэхмэт белдерэбез.