ЯҢАЛЫКЛАР
29 гыйнварда Саба районы мәдәният йортында Россия Федерациясендә Гаилә елына багышланган «Буыннар тарихы - гаилә ядкаре» шәҗәрә фестиваленең йомгаклау концерты булды. Тимершык авыл җирлеген авылда данлыклы тырыш хезмәт сөючән нәсел - Хаҗимулла оныклары тәкъдим итте.Әлеге күп хезмәт сораучы бәйгегә алар ныклап әзерләнделәр: ул чыгышлар, ул күргәзмә, пешкән ризыклар.
Авылыбызда нәсел чылбырын барлап, шәҗәрә төзүчеләр артуы, туганнарның тагын да якынаюы күңелгә әйтеп бетермәслек дәрәҗәдә рәхәтлек бирә. Әйдәгез, сез дә төзегез, балаларыбызга кадерле ядкәр калдырыйк.
Автоном коммерцияле булмаган «Балкыш»-(Сияние) тернәкләндерү үзәгендә көн саен социаль хезмәт алучылар белән ял сәгатьләрендә куңелле чаралар үткәреп бара.
"Дәүләт хезмәтләре.Йорт " - күпфатирлы йортларда торак милекчеләре өчен мобиль кушымта. Ул торак-коммуналь мәсьәләләрне торак-коммуналь хуҗалыкның дәүләт мәгълүмат системасы базасында «бер тәрәзә» принцибы буенча хәл итү өчен булдырылган.
2025 елның 30 гыйнварында Саба балалар мәктәбенең хореография бүлегенең 2 нче сыйныфында «Хореография дәресләрендә төп күнекмәләрне формалаштыру» темасына ачык дәрес үткәрелде (укытучысы Мөбәрәкҗанова А.З., концертмейстер Абдуллин Р. Х.). Дэрескэ укучыларның ата-аналары (законлы вәкилләре) чакырылды. Хореография белән шөгыльләнү балаларның сәламәтлеген ныгыта, хәрәкәтләрне координацияләүдә җитезлекне үстерә, сәнгати зәвык, матур манера, грациоз йөреш, гәүдә торышын формалаштыра, комплекслардан арындыра. Бу-балаларны бию культурасы белән таныштыру, эстетик тәрбия һәм иҗади эшчәнлек формалаштыру, күзаллауны үстерү. Шулай итеп, бию-хәрәкәтләрнең матурлыгы гына түгел, физик әзерлек һәм чыдамлык, спорт дисциплинасы, ритм хисе һәм музыка ишетү сәләте үсеше дә ул.
Хореография бүлегендә мондый ачык дәресләр күптән традициягә әверелде, чөнки ата-аналарга балаларның хореография белән танышуы һәм аларны бу сәнгать төренә ничек җәлеп итүләре турында белергә мөмкинлек бирә. Нәкъ менә ачык дәресләр ярдәмендә балаларның һәм укытучының эшен күрергә, баланың нәрсә эшли алуын, нәрсәгә ирешүен, нинди кимчелекләр барлыгын аңларга мөмкин. Шулай ук ачык дәрес-ул ата-аналар белән кире элемтә, ул укытучыларга нәтиҗәле эш өчен бик кирәк.
Укучылар «Гимнастика», «Ритмика» һәм «Бию» дәресләрендә беренче яртыеллыкта алган белемнәрен күрсәттеләр, шулай ук барлык катнашучыларны хореография сәнгате дөньясына чумдырдылар. Ата-аналар балаларының уңышларын бик яратып күзәттеләр.
29 гыйнвар көнне Юлбат авыл китапханәсе "Ромашка" балалар бакчасында "Блокадалы Ленинград" дип исемләнгән батырлык дәресе үткәрде. Китапханәче балаларга блокада вакытында ленинградлылар өлешенә төшкән авыр сынаулар турында сөйләде.
29 гыйнвар көнне Лесхоз өлкәннәр һәм инвалидлар өчен интернат-йортында тәрбияче җитәкчелегендә хезмәт терапиясе үткәрелде. Социаль хезмәтләр алучылар пластилиннан рәсемнәр ясадылар. Максаты: кулларның вак моторикасын һәм күз күремен яхшырту.
“Холокост турында истәлек” батырлык дәресе
2025 елның 22 гыйнварында Юлбат авыл җирлегенең административ бинасында Татарстан Республикасы Дәүләт алкоголь инспекциясенең Арча территориаль органы башлыгы Кадыйров Булат Илдар улы гражданнарны кабул итте.
Шекше төп мәктәбендә, 38 ел гомерен мәктәпкә багышлаган, "Бердәм Россия" партия җитәкчесе, 15 ел мәктәп директоры вазыйфасын башкарган Әмиров Фаил Мияссәр улы белән очрашу булды.
Татарстан Республикасы территориясендә метеорологик күренешнең интенсивлыгын кисәтү турында консультация