ЯҢАЛЫКЛАР

12 апрель көнне Россиядә Бөтендөнья космонавтика көне билгеләп үтелә. Шул уңайдан, 12 апрель көнне Сабабаш авыл клубы хезмәткәре Килдебәк авыл китапханәчесе белән берлектә «Йолдызлы маршрутлар» исемле викторина үткәрделәр. Бу көн кешелек өчен яңа офыклар ачкан беренче космонавт Юрий Алексеевич Гагаринның космоска очуы хөрмәтенә билгеләнгән. Чара барышында балалар Космонавтика үсешенең мавыктыргыч тарихы белән таныштылар: Юрий Гагаринның космоска очуы, беренче хатын-кыз космонавт Валентина Терешкова турында белделәр. Укучылар мавыгып космик табышмакларга, викторина сорауларына җавап бирделәр. «Космосның гаҗәеп дөньясы» китап күргәзмәсе белән кызыксынып таныштылар.

11 апрель көнне Саба районы «Балкыш» халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе белгечләре Халыкара фашист лагерьлары тоткыннарын азат итү көне уңаеннан, балигь булмаган балалар белән чара үткәрделәр.

Чараның максаты: балаларны Бөек Ватан сугышы фактлары белән таныштыру; толерантлык, тарихи фикерләү һәм геноцид корбаннарын искә алу. Балаларга Я.Корчак турында фильм күрсәтелде. Табиб, педагог, язучы Януш Корчак кеше рухының ныклыгы символына әверелде. Чара ахырында социаль педагог балаларны Я.Корчак эшен дәвам итүче волонтерлар эшчәнлеге белән таныштырды.

14 апрельдә ZOOM линиясе буенча 2025 елның 9 маенда Байлар Сабасында Бөек Ватан сугышында Җиңүнең 80 еллыгына багышланган бәйрәм чараларын оештыру һәм үткәрү буенча оешма/учреждение/предприятиеләр җитәкчеләре белән киңәшмә узачак.

12 нче апрель көнне Олы Кибәче авыл клубында укытучылар коллективы, укучылар катнашында Ватанны саклаучылар елы һәм Бөек җиңүнең 80 еллыгы уңаеннан, « Йөрәктән - йөрәккә » дип исемләнгән хәйрия концерты булып үтте. Концерттан җыелган акча махсус хәрби операция барган зонада хезмәт итүче егетләргә ярдәмгә юнәлдереләчәк. Кичәгә Украинада хезмәт итүче егетләрнең әти-әниләре, туганнары ,авылдашлар җыелган иде. Килгән һәркем моңланып та, сагышланып та утырды, ял да итте. Сәхнәдәге һәр чыгыш көчле алкышларга күмелде. Патриотик жыр-биюләр, шигырьләр күпләрнең күзләрен яшьләндерде. Залда махсус хәрби операциядэ катнашучы егетләрнең фотосурәтләрен карап, тын калып, аларны зур горурлык белән искә алдык. Концертка килүчеләрнең күп булуы да халкыбызның бердәм булуына ачык мисал булып тора. Чарага килгән һәркем сугыштагы егетләребезгә ярдәм итәр өчен кечкенә генә булса да үз өлешен кертте. Без мондый чаралар, кичәләр бик кирәктер дип уйлыйбыз, чөнки алар халыкны берләштерә, аның рухи байлыгын үстерә. Авыр вакытта үз илең һәм халкың белән бергә булу, кулыңнан килгәнчә ярдәм итү- чын патриотизм ул. Олы Кибәче урта мәктәбе коллективы оештырган хәйрия концерты да жиңүгә бер өлеш. Дөньяларга тынычлык, илебезгә иминлек килсен! Ир - егетләр исән-имин әйләнеп кайтсыннар, дигән теләктә калабыз!

2025 елның 10-13  апрелендә Саба-Арена базасында Россия Өстәл теннисы федерациясе команда чемпионатының 4 туры узды.

А югары лигасы ярышларында ир- ат катнашучылар (командалар):

ГБО ДО РА "СШ №3"-Шагди (Майкоп шәһәре)

Факел-1 (Оренбург шәһәре)

Газовик (Ухта шәһәре)

"Nordman" (Псков шәһәре)

Авиатор (Тубэн Тагил шәһәре)

КГБУ ДО "КСШОР" (Барнаул шәһәре)

Куединские буйволы (Куеда шәһәре)

Сабы-Татарстан (Байлар Сабасы)

                                                      "Самаратрансавто" (Самара шәһәре)

Родной край (Кинешма шәһәре)

МГФСО - Резерв (Мәскәу шәһәре)

ЦПСР И ССК (Томэн шәһәре)

СШОР №2 (Санкт-Петербург шәһәре)

КНТ "Москва" (Мәскәу шәһәре)

Комета (Санкт-Петербург шәһәре)

Барс (Казан шәһәре)

УОР №1 - Москомспорта (Мәскәу шәһәре)

Ярыш нәтижәләре:

1 урын- "Nordman" (Псков шәһәре)

2 урын - УОР №1 - Москомспорта (Мәскәу шәһәре)

3 урын - МГФСО - Резерв (Мәскәу шәһәре)

Чемпионатта катнашучы барлык спортчыларга, ярышларда катнашучыларга уңышлар телибез! Яңа очрашуларга кадәр!

Бүген 13 апрельдә «Саба-Арена» спорт мәктәбе базасында өстәл теннисы бүлегенә чираттагы якшәмбе Лига узды, анда 22 команда катнашты.

Беренче Лига.

1 урын «Кукмор» командасы (Шәфиков/ Нугъманов)

2 урын «Стига» командасы (Галиакбреров Р.)

3 урын «ВЕКА» командасы (Вәлиуллин А./ Даулиев Г.)

Икенче Лига.

1 урын «Кукмор2» командасы (Ахкямов Р./ Ахкямов Р.)

2 урын «Кибячи» командасы (Мөбәрәкҗанов Ф./ Маланин Т.)

3 урын «Яшьлек» командасы (Шакиров И./ Фазулин К.)

12 апрель көнне Югары Симет урта мәктәбе укучылары агач утырту белән шөгыльләнделәр. Укучылар экологик акциядә катнашуга зур җаваплылык белән килделәр.

2025 елның 12 апрелендә С.Сәйдәшев исемендәге Түбән Кама музыка көллиятендә яшь музыкантлар өчен "Звёзды из завтра" республикакүләм иҗат конкурсының Гала-концерты узды. Проект белән ТР халык артисты, ТР атказанган сәнгать эшлеклесе, ТРның Г.Тукай исемендәге Дәүләт премиясе лауреаты, La Primavera Казан дәүләт камера оркестры дирижеры Рөстәм Абязов җитәкчелек итә. Бу конкурс Татарстан Республикасының 43 муниципаль районнан катнашучыларга исәпләнгән. Шул максат белән сайлап алу турлары 6 иң эре шәһәрдә үтә.

2025 ел конкурс өчен юбилей елы булды, ул 10 нчы мәртәбә гамәлгә ашырыла. Агымдагы сезон репертуары тулысынча Бөек Ватан сугышында Җиңүнең 80 еллыгын бәйрәм итүгә багышлана. Ул 1991 елга кадәр иҗат ителгән совет композиторлары әсәрләрен, шулай ук рус һәм татар халык көйләрен үз эченә ала. Оркестровкаларның күп өлешен Рөстәм Абязов һәм Ильяс Камал башкарды.

13 февральдә Рөстәм Юныс улы 100дән артык номер тыңлап, Түбән Камада гала-концертка 27 номер сайлап алды.

Гала-концертта Саба балалар сәнгать мәктәбенен 6 класс укучысы Мәрьям Мөхәмәдиева (фортепиано, җитәкчесе Яхина Г.И.), Шәмәрдән филиалының 5 сыйныф укучысы Илназ  Усманов (баритон,  җитәкчесе Фатхуллин А.А.), 4 класс укучысы Габдрахманова Динә, 5 класс укучысы Кәримова Әминә (җитәкчеләре Дәүлиева Г. Р.) катнаштылар.

Концерт алдыннан репетицияләр үткәрелде, анда Рөстәм Юныс улы яшь башкаручыларга тере оркестр яңгырашына күнегергә булышты, ә профессиональ музыкантлар чыгыш ясаучыларга ярдәм итте. Гала-концертта катнашучы һәркемне маэстро Р.Абязов үзе лауреат дипломы һәм программа символикасы төшерелгән истәлекле медаль белән бүләкләде, укытучыларга Рәхмәт хатлары тапшырылды. Гала-концерттан соң иң яхшы конкурсантлар Казанда Салих Сәйдәшев исемендәге Зур концертлар залында финалда чыгыш ясаячаклар.

Хөрмәтле гражданнар! «Татарстан Республикасы Гидрометеорология һәм әйләнә-тирә мохитне мониторинглау идарәсе " фдбудан:

2025 елның 12 апреле 21.00 сәгатьтән 13

 апрель 18.00 сәгатькә кадәр

метеорологик күренешнең интенсивлыгын кисәтү турында консультация.

13 апрельдә Татарстан Республикасы территориясендә урыны белән көтелә:

- көньяк-көнбатыштан көчле җил тизлеге 15-20 м/с, төнлә локаль 23 м/с(Казанда төнлә 15-18 м/с);

- төнлә һәм иртән юлларның аерым участокларында бозлавык хасил булуы ихтимал.

Бүген Мичән авыл җирлеге башлыгы Гараев А.А. Мичән биләмәсенә кергән оешма җитәкчеләре белән җыелыш үткәрде. Җыелышта Бөек Җиңүнең 80 еллыгына әзерлек, экологик икеайлык кысаларында килеп туган мәсьәләләр каралды. Халыкка җиткерү һәм алга таба эшләү өчен алда торган бурычлар тикшерелде, эшләр бүленде.