ЯҢАЛЫКЛАР
“Яшьлек” яшьләр үзәге, Сабантуйга Бирнә җыйды.
17 май көнне укучылар Лаеш районында Агробиотехнопаркта булдылар.
Безнең мәктәп укучылары өчен ул иң кирәкле урыннарның берсенә әверелде, чөнки биредә балаларны мавыктыргыч экскурсия көтә иде.
Шәмәрдән лицееның 2б һәм 4а сыйныфы укучылары тарихи мирасны үзләштерү максатыннан, Саба үзәкләштерелгән туган якны өйрәнү музеенда булдылар.
2025 елның 20сеннән 23 майга кадәр Әлмәт шәһәрендә бадминтон буенча "Ак барс кубогы - Крылья" бөтенроссия яшүсмерләр ярышлары узды. Анда Россиянең 4 төбәгеннән 283 спортчы катнашты. 934 уен уйналды. Ярыш "ике йолдыз"лы. Саба районы шәкертләре, "Саба-Арена" спортчылары ялгыз һәм парлы разрядларда 14 медаль яуладылар һәм бик яхшы чыгыш ясадылар. 1 урын - Зәйниев Айназ (17яшькә кадәр) 1 урын - Сафина Элина - Фәйзуллина Ника (13 яшькә кадәр) 2 урын - Зәйниев Айназ - Федоров Данила (Алексеевск районы, 19 яшькә кадәр) 2 урын - Зәйниев Айназ - Леонтьева Екатерина (Әлки районы, 17 яшькә кадәр) 2 урын - Рәхимов Адель (13 яшькә кадәр) 2 урын - Рәхимов Адель - Идрисов Нияз (13 яшькә кадәр) 3 урын - Сафин Зиннәтулла (11 яшькә кадәр) 3 урын - Сафина Элина (13 яшькә кадәр) 3 урын - Идрисов Нияз (13 яшькә кадәр) 3 урын - Сафиуллин Рөстәм (13 яшькә кадәр) 3 урын - Сафиуллин Рөстәм - Русских Всеволод, (13 яшькә кадәр) 3 урын - Сафиуллин Рөстәм - Будилина Кира (Әлмәт, 13 яшькә кадәр) 3 урын - Рәхимов Адель - Шәйхуллова Элина (Әлмәт, 13 яшькә кадәр). Балаларны, ата-аналарны, тренер Зарипов Г.Х. уңышлы чыгыш белән котлыйбыз, сәламәтлек һәм алга таба спорт уңышлары телибез. Шулай ук тренер һәм ата-аналар исеменнән Рәис Нургали улы Миңнеханов җитәкчелегендә Саба районы җитәкчелеген бөтенроссия ярышларына спортчыларга йөрү мөмкинлеге биргэн өчен дә рэхмэт белдерэбез.
15 май Гаилә көне уңаеннан, Килдебәк мәдәният йортында «Минем гаиләмнең шәҗәрә агачы» дигән патриотик-тематик кичә үткәрелде
26 май көнне фән олимпиадаларында җиңгән һәм призлы урын алган укучыларны район башлыгы Миннеханов Рәис Нургали улы котлады. Шулай ук аларның укытучылары һәм ата-аналары тәбрикләнде.
Мичән авыл җирлеге, Яңа Мичән авыл мәдәният йортында ПМК-159 тарафыннан ремонт эшләре дәвам итә. Мәдәният йортының тышкы ягы махсус калай белән төрелеп бетте, фундамент өлешен дә калай белән бизәү эшләрен башкаралар. Ягу өлешендә яңарту эшләре бара. Мәдәният йорты көннән көн танымаслык булып үзгәрә, җыйнаклана, матурлана. Армый талмый көчләрен кызганмый эшләүчеләргә, авыл халкы исеменнән зур рәхмәт җиткезәбез.
Бүген 2025 елның 26 маенда «Саба-Арена» спорт мәктәбендә «Агымдагы тренировка елында спорт төрләре буенча спорт әзерлеге программаларын үтәү буенча спорт мәктәбенең алгарышы» темасына педагогик совет узды. Көн тәртибендә түбәндәге сораулар каралды: 1. Спорт төрләре буенча программаларның үтәлешен бәяләү. 2. Квалификация таләпләрен тормышка ашыру, разрядлар бирү. 3. Спортчыларны киләсе елга күчерү һәм әзерлек этабы. 4. Җәйге җыеннарны әзерләү һәм оештыру, җәйге чорга мәктәп эше. 5. Спорт мәктәбе имиджы уңышлы педагогик эшчәнлекнең нигезе. 6. Төрлелэр. Район, республика спорт тормышын үстерүгә зур өлеш керткән тренер-укытучыларны ОДМСНЫҢ лаеклы рәхмәт хатлары белән бүләклэдек. Педагогик советта традицион рәвештә узган уку-күнекмә елына нәтиҗә ясадылар, үсеш нокталарын билгеләделәр һәм яңа уку-күнекмә елына максатлар куйдылар. Һәр бүлекчәнең эшенә җентекле анализ ясалды.
Авылыбыз мәдәният йорты сәхнәсендә Явлаштау урта мәктәбе “Матур эшләребез бар, якты теләгебез бар” дип исемләнгәг иҗат- отчет концертын тәкъдим итте. Җыр-биюләр белән үрелеп барган бу тамаша барлык тамашачыга бик ошады. Һәр катнашкан укучыга, аларны әзерләүчеләргә уңышлар телибез.