ЯҢАЛЫКЛАР
Татарстан Республикасы территориясендә метеорологик күренешләрнең интенсивлыгы турында Консультация-кисәтү
Яз алдыннан «Балкыш» комплекслы үзәгенең өйгә барып хезмәт күрсәтү бүлекчәсендә исәптә торган өлкәннәребез социаль хезмәткәрләр белән берлектә "Яшел үсенте" хезмәт терапиясе кулланып чәчәк һәм башка үсентеләре утырту эшен башлап җибәрделәр. Әлеге технологиянең актуальлеге: үсентеләрне карау иҗади эшчәнлеген арттыра, аралашу күнекмәләренә йогынты ясый, эмоциональ тайпылышларны кисәтә. Пенсионерларның актив тормыш позициясе барлыкка килә. Аң үсеше, күзәтүчелек, игътибарлылык, хезмәт сөючәнлек үсә.
20 мартта Шәмәрдән авылы зонасы хезмәт коллективлары арасында волейбол буенча хатын-кызлар турниры тәмамланды. Турнирда барлыгы 8 команда катнашты. Турнирның җиңүчеләре һәм призерлары: 1 урынны Яшьлек командасы яллады, 2 урынны – Югары Утар балалар йорты командасы, 3 урынны - Шемордан лицей командасы, 4 урынны ХПП командасы алды. Командаларны котлыйбыз һәм турнирның район этабында призлы урыннар алырга телибез.
Түбән Шытсу авыл җирлегендә язгы ташуга әзерлек эшләре алып барыла, су трубалары кардан һәм боздан чистартылды, канаулар казылды.
Кышкы салкын көннәрдән соң күк йөзен балкытып, җирне җылытып, җаннарны иркәләүче кояшның нурлары безгә Нәүрүз бәйрәмен алып килә.
Менә инде күп еллар дәвамында халыкның ялын оештыру, мәдәни тормышка җәлеп итү, яңа талантларны ачыклау һәм аларга ярдәм итү, иҗади, шәхси, интеллектуаль яктан үз-үзеңне белдерү, дуслыкны, бердәмлекне пропагандалау, патриотизм, гражданлык, мәдәният һәм юмор хисе тәрбияләү максатларында Саба муниципаль районы предприятиеләре, оешмалары, учреждениеләре һәм авыл җирлекләре коллективлары арасында фестиваль-конкурс уза.
2023 елның 20 мартында гимназия базасында "Беренчеләр хәрәкәте" гомумроссия иҗтимагый-дәүләт балалар һәм яшьләр хәрәкәте буенча районкүләм семинар узды.
20.03.2023,Саба муниципаль районы мәдәният бүлеге инициативасы буенча "Хөснулла һәм Аллаһияр Вәлиуллин исемендәге Саба балалар сәнгать мәктәбе " укытучылары һәм укучылары "Алабуга мәдәният һәм сәнгать көллиятендә" булдылар.
20 мартта Лесхоз бистәсендә Россия Федерациясенең, Татар АССРның атказанган урманчысы, галим, танылган урманчы Әхмәдулла Газизуллин исемендәге «укыту-тәҗрибә Саба урман хуҗалыгы» ТР ДБУның төп урман барлыкка китерүче һәм декоратив токымнарның микроклональ вегетатив үрчү лабораториясен бирү тантанасы булды.
ТР Урман хуҗалыгы министры Равил Кузюров исеменнән чарада катнашучыларны эшләр идарәчесе Эльмира Шагаева котлады.
Әхмәдулла Хадеевич үз эшенең бөек кешесе һәм чын профессионалы булган. Аның җитәкчелегендә утырту материалы үстерү, урман ресурсларын куллануны һәм үрчетүне оптимальләштерү буенча тәкъдимнәр эшләнде, – дип билгеләп үтте Эльмира Шагаева. - Әхмәдулла Газизуллин исемен алган лаборатория урман тармагын алга таба үстерүгә, урман культуралары җитештерүнең нәтиҗәлелеген арттыруга, республика урманнарының токым составын яхшыртуга ярдәм итәр дип ышанам».
Шулай ук чарада Саба муниципаль районы башлыгы Рәис Миңнеханов, Казан дәүләт аграр университеты ректоры Айрат Вәлиев, ТР «Саба урманчылыгы» ДКУ җитәкчесе-урманчысы Илһам Рәхмәтуллин һ. б. чыгыш ясады.
Белешмә өчен.
Газизуллин Әхмәдулла Хадеевич (20.03.1931 15.09.2021) урман хуҗалыгы һәм урман фәнен үстерүгә бәяләп бетергесез өлеш керткән. Ул урман туфрагын өйрәнү, урманны өйрәнү һәм урманнан файдалану өлкәсендә 250 дән артык фәнни һәм фәнни-методик хезмәт авторы.
Үзенең хезмәт эшчәнлегендә Әхмәдулла Газизуллин Саба урман хуҗалыгының урман культуралары мастеры, Югары Катун урман хуҗалыгы урманчысының ярдәмчесе (Алтай крае), Лубян урман хуҗалыгы-техникумы укытучысы, Баганин урман хуҗалыгының Ромодан урманчылыгы урманчысы, Кама мехлесхозының баш урманчысы, Яшел Үзән тәҗрибә-күрсәткеч мехлесхозда, Өлкән укытучы, доцент, профессор, экология кафедрасы мөдире, Мари дәүләт техник университетының туфракны өйрәнү һәм табигатьтән файдалану, Казан авыл хуҗалыгы академиясенең урманчылык һәм урман культуралары кафедрасы мөдире, ТР ДБУ «уку-тәҗрибә Шәһәр яны урман хуҗалыгы»директоры, директор урынбасары.
Нәтиҗәле, иҗади хезмәте һәм үз эшенә тугрылыгы өчен Әхмәдулла Һади улы «РСФСР урман байлыкларын саклаган һәм арттырган өчен» билгесе белән бүләкләнә, «Татар АССРның Атказанган урманчысы», «Россия Федерациясенең Атказанган урманчысы», «хезмәт ветераны» һ. б. мактаулы исемнәргә лаек була.
“Милләт яме-йола, бәйрәмнәрдә!” фестиваль конкурсы кысаларында Югары Симет мәдәният йортында "Балкыш" халыкка комплекслы социаль хезмәт күрсәтү үзәге, балалар һәм яшүсмерләр өчен "Тургай" социаль приюты, Лесхоз картлар һәм инвалидлар интернат йорты һәм "ГАЗПРОМ ТРАНСГАЗ КАЗАНЬ" җәмгыятенең ЭПУ "Сабагаз" идарәсе хезмәткәрләре чыгыш ясады.