ЯҢАЛЫКЛАР
Татарстан Республикасы Өстәл теннисы федерациясенең (ТР ФНТ КЧ) команда чемпионаты
30 ноябрь көнне Яңа Мичән авыл клубында үзенә бертөрле күңел күтәренкелеге хөкем сөрде: бирегә әниләр, әбиләр, апалар, яшь әниләр - Әниләр көнен билгеләп үтәргә җыелды.
Бәйрәмгә авыл үзешчәннәре матур эчтәлекле чын бүләк, мәхәббәт һәм җылылык белән тулы концерт номерлары әзерләделәр. Сәхнәдән яңгыраган һәр музыкаль композиция, һәр шигырь, һәр елмаю әниләргә - җир йөзендәге иң кадерле кешеләргә, тормыш бүләк итүчеләргә, аны саклаучыларга багышланды.
Әниләр һәм тамашачылар өчен бүләк булган әлеге концертны оештыручыларга һәм анда катнашучыларга зур рәхмәтебезне белдерәбез.
Иске Мичән мәдәният йортында Әниләр көне уңаеннан " Әни- минем тәүге сүзем" исеме астында бәйрәм концерты куелды. Бәйрәмгә авылыбызның махсус хәрби операциядә катнашучыларның әниләре, гаиләләре һәм якыннары олы кунаклар буларак чакырулы иде. Залда утыручы барлык әниләрне Мичән авыл җирлеге башлыгы Гәрәев А.А.кайнар тәбрикләп, изге теләкләрен җиткерде.
Яңа Мичән "Каенкай" балалар бакчасында әниләр көне уңаеннан "Әнием-кадерлем" дип исемләнгән бәйрәм иртәсе булып узды. Балалар әниләренә булган ярату хисләрен шигырьләр, җырлар, биюләр аша аңлаттылар.
Саба муниципаль районының инфраструктура үсеше бүлеге яшьләр үзәге төзелеше барышы турында хәбәр итә
«Мәктәп медицинасы» проектын гамәлгә ашыру кысаларында, «Татарстан Республикасы Сәламәтлек саклау министрлыгының Республика балалар клиник хастаханәсе» ДАССО кушуы буенча, ФАП фельдшерлары Изма һәм Олы Арташ мәктәпләренең өлкән сыйныф укучылары арасында профилактик әңгәмәләр үткәрделәр.
2 декабрь көнне инвалидлар декадасы кысаларында Лесхоз интернат-йортының социаль хезмәт алучылары Лесхоз бистәсендә урнашкан дендрология бакчасында булдылар. Экскурсовод бакчаның мавыктыргыч тарихы турында сөйләде, үсемлекләр белән таныштырды, аларның характеристикаларын тасвирлады. Барысында да тылсымлы әкияткә эләккән кебек тоелды.
Ике басу Арташ "Күбәләк" балалар бакчасында Әниләр көненә багышланган бәйрәм булып узды. Бәйрәм белән сезне, әниләр! Игелекле йөрәгегез, кайгыртучанлыгыгыз һәм күңел җылыгыз өчен рәхмәт.
Хөрмәтле эт хуҗалары! Безнең хайваннарның иминлеген һәм сәламәтлеген тәэмин итү, шулай ук аларның иминлеген нәтиҗәлерәк контрольдә тоту максатларында кануннарга мөһим үзгәрешләр кертелде ТР Премьер-министры Алексей Песошин кул куйган 2024 елның 26 декабрендәге 1214 номерлы карар нигезендә 2025 елның 1 гыйнварыннан өч айлык этләре булган Татарстанда яшәүчеләрнең барысы да хайваннарын мәҗбүри теркәргә тиеш. Көчекләрне чиплау туганнан соң 3 ай эчендә башкарылырга тиеш. Яңа эт алган булсагыз, аны сатып алганнан соң 30 көн эчендә чипларга кирәк. Котыруга каршы Вакцинация мәҗбүри булып кала. Бу сезнең хайваннарыгызны һәм әйләнә-тирәдәгеләрне үлемгә китерүче авырудан саклау өчен мөһим процедура. Шуны аңлау мөһим: бу таләпләрне үтәмәү җинаять җаваплылыгына китерергә мөмкин. Бу яңа кагыйдәләрнең җитдилеген һәм аларны тайпылышсыз үтәү кирәклеген ассызыклый. Без барлык эт хуҗаларын бу үзгәрешләргә җаваплы карарга чакырабыз. Вакытында чиплау һәм вакцинация-ул закон таләбе генә түгел, ә сезнең дүрт аяклы дустыгызның сәламәтлеге һәм иминлеге турында кайгырту да.