ЯҢАЛЫКЛАР
Узган Сабантуй бәйрәмнәрендә “Игенче” ҖЧҖнең төрле тармагында эшләүче, төрле профессия кешеләре - иң алдынгы хезмәткәрләрне бүләкләү булды.
7 нче июнь көнне район Сабантуенда “Игенче” ҖЧҖе җитәкчесе Зарипов Алмаз Зөфәр улына агросәнәгать комплексы системасында күпъеллык намуслы хезмәте өченТатарстан Республикасы Министрлар Кабинетының Рәхмәте белдерелде.
Казанчы- Бигәнәй авылы зиратындагы Ишан хәзрәт төрбәсен төзекләндерү буенча эш алып барылды. Эш Бигәнәй мәдәният хезмәткәрләре белән башкарылды. Ишан хазрәт төрбәсен төзекләндерүдә ярдәм иткән, иганәче ООО "Саба" Сатыш бүлектчәсе җитәкчесе Шаймарданов Р.Р.ка рәхмәт белдерәбез.
"Сатыш" командасы 2025 елгы сезонда ир-атлар командалары арасында пляж футболы буенча Саба муниципаль районы Чемпионатында 3 урынны яулады. Командага рәхмәт белдерәбез һәм алга таба уңышлар телибез.
Саба урман хуҗалыгы тарихы музеенда наркомания һәм наркобизнеска каршы көрәшне профилактикалау программасын тормышка ашыру кысаларында «Наркомания: белергә, абынмаска!» дип исемләнгән әңгәмә корылды. Музей хезмәткәрләре балаларга наркотикның кешегә нинди йогынты ясавы турында сөйләделәр? Наркотиклар – акыл югалту халәте, ияләшү һәм бәйлелек тудырырга сәләтле матдәләр. Наркоманнар арасында 30 яшькә җитү сирәк күренеш. Организм наркотик матдәләргә никадәр иртәрәк ияләшсә, шулкадәр һәлакәтле йогынты ясаячак. Табиблар фикеренчә, дөньяда наркоманиянең таралуы хәзерге һәм киләчәк буыннар өчен үткәндәге чума яки холера эпидемиясенә караганда да куркынычрак.
Бүген Башкарма комитетның инфраструктура үсеше бүлегендә "Вектор" ҖЧҖ проект оешмасы вәкилләре, "Таш" СФ ҖЧҖ подрядчысы вәкилләре катнашында Байлар Сабасы шәһәр тибындагы бистәсендә төзелә торган яшьләр үзәге объекты буенча эчке эшләр килешүе буенча эшлекле киңәшмә узды.
Автоном коммерцияле булмаган «Балкыш»-(Сияние) тернәкләндерү үзәгендә социаль хезмәт алучылар өчен Тәлгат Нәҗмиев исемендәге Шэмэрдэн китапханәнсенең уку залында әдәби сәгать узды.
Лесхоз интернат-йортының социаль хезмәт алучылар белән мавыктыргыч өстәл уены уйнадылар. Бу уен «Башня» дип атала, ул хәтерне, игътибарны, акыл күнекмәләрен яхшыртырга ярдәм итә.
Район башлыгы, шәһәр җирлеге башкарма комитеты җитәкчесе, инфраструктура бүлеге начальниклары, яшьләр эшләре һәм спорт бүлеге, шулай ук башкарма комитетның мәгариф идарәсе начальнигы һәм "Таш" ТФ подряд оешмасы вәкилләре катнашында Байлар Сабасындагы балалар иҗат Йортын төзү буенча эш киңәшмәсе узды. Объектта территорияне төзекләндерү, мебель һәм җиһазларны җыю эшләре дәвам итә. Объектны тапшыру агымдагы елның ноябрь аеның беренче яртысына планлаштырылган.
Район башлыгы, шәһәр җирлеге башкарма комитеты җитәкчесе, инфраструктура бүлеге, яшьләр эшләре һәм спорт бүлеге башлыклары, шулай ук Башкарма комитетның мәгариф идарәсе бүлеге башлыгы һәм Байлар Сабасы бистәсендә яшьләр үзәге төзү буенча "Таш" ФС подряд оешмасы вәкилләре катнашында эшлекле киңәшмә узды. Объектта металл конструкцияләр һәм профностил монтажлау эшләре төгәлләнгән, шулай ук суүткәргеч, тышкы канализация һәм җир асты газүткәргече салу эшләре дә төгәлләнгән. Бүгенге көндә түбә ябу һәм сэндвич-панельләр монтажлау эшләре бара. Объектта 5 техника һәм 15 эшче эшли.
Җирлегебездә урнашкан Пүкәл авыл мәчетендә ике атналык җәйге мөселман лагеры тәмамланды.