ЯҢАЛЫКЛАР
2026 елның 24 мартында Арча шәһәрендә Татарстан Республикасының сатып алулар буенча Дәүләт комитеты (алга таба – Дәүләт комитеты) заказчылар өчен «Дәүләт сатып алулары: 44-ФЗ куллану үзгәрешләре һәм практикасы» һәм тәэмин итүчеләр өчен «Сатып алуларда нәтиҗәле катнашу»темасына зона семинар-киңәшмәләре уздыруны планлаштыра.
«Россиянең иң яхшы 100 товары» Бөтенроссия конкурсының төбәк этабы сыйфатында уздырыла торган «Татарстан Республикасының иң яхшы товарлары һәм хезмәтләре» конкурсының оештыру комитеты чираттагы 2026 елгы конкурсны башлап җибәрү турында Карар кабул итте.
Мичән авыл җирлегендә юрист Ахунов Рәшит Ильсур улы белән очрашу булды. Ул авыл халыкын борчыган шәхси сорауларга җавап бирде. Килеп чыккан вакыйгаларда үзеңне, гаиләңне яклау буенча юрист буларак киңәшләрен бирде. Кирәк булганда үзләренә мөрәҗәгать итәргә кирәклеген искәртте.
20нче март көнне безнең балалар йортында мөселманнарның төп бәйрәмнәренең берсе - Ураза бәйрәменә багышланган чара узды.
15 март көнне Килдебәк авыл мәдәният йорты хезмәткәрләре һәм китапханәче берлектә язның матур бәйрәме - Нәүрүз уңаеннан, авыл халкыннан балалар белән бирнә җыюны оештырдылар
Ураза гаете бәйрәме уңаеннан, Евлаштау авыл мәдәният йортында чын бәйрәм рухы хөкем сөрде! Мәчет белән берлектә оештырылган матур һәм истәлекле чара балаларга да, өлкәннәргә дә шатлык һәм елмаю бүләк итте.
Кечкенә кунаклар әзерләнгән мастер-класста, майлы кексларны бизәүдә, иҗат дөньясына чумдылар. Тәҗрибәле осталар җитәкчелегендә, балалар хуш исле ризыкларны чын сәнгать әсәрләренә әйләндерделәр, аларны матур глазурь һәм бизәкләр белән бизиләр.
Күңелле аниматор беркемне дә ямансулатмады, барчаны кызыклы уеннар һәм бәйгеләргә җәлеп итте. Көлү һәм шатлыклы кычкырулар һәр җирдән яңгырап, бәйрәмнең үзенчәлекле атмосферасын тудырды.
Ислам динен яратучы яшьләр өчен кызыклы интеллектуал уеннар әзерләнгән иде, алар уен формасында үз белемнәрен тирәнәйтергә һәм эрудицияләрен тикшерергә ярдәм итте.
Сәхнәдә чын театр тамашасы күрсәтелде, ул яхшы хикәяләр һәм гыйбрәтле сюжетлар белән тулы иде, ә талантлы артистлар тамашачыларны матур концерт номерлары белән сөендерделәр.
Бу бәйрәм чарасы Евлаштау халкы өчен бергә җыелырга, имин бәйрәм шатлыгын бүлешергә һәм дуслык, үзара аңлашу рухын ныгытырга менә дигән мөмкинлек булды. Евлаштау авыл мәдәният йортында Ураза бәйрәме бер сулышта үтеп китте, барлык катнашучыларның күңелләрендә җылы хатирәләр һәм позитив энергия калдырды!
Изге Бәйрәм — Ураза Гаете мөбарәк булсын, райондашлар!
Аллаһы Тәгалә Рамадан аенда тоткан уразаларыбыз кабул булсын, күңелләребезне иман нуры белән баетсын, барчабызга да имин тормышлар насыйп итсен, йортка иминлек бирсен! Барчабызга да сәламәтлек, бәхет һәм муллык насыйп итсен! Көннәребез аяз, дөньяларыбыз тыныч булсын!
Әмин!
Агымдагы елның 19 мартында Саба муниципаль районы агросәнәгать комплексы хуҗалыкларында үзйөрешле машиналарны һәм аларга тагылган прицепларны техник карау башланып китте
Беренче техник карау «Мөхәммәтшин» КФХ (фермер) хуҗалыгында күрсәтмәле рәвештә үткәрелде. Чарага Саба районы Авыл хуҗалыгы һәм азык-төлек идарәсе консультанты Р.Р. Харисов җитәкчелегендә, агросәнәгать комплексы һәм оешмаларның баш инженерлары чакырылган иде.
Чаранын теоретик олешендэ Татарстан Республикасы Дәүләт техник күзәтчелек идарәсенең Саба районы бүлеге башлыгы Х.Х. Назиров һәм консультант Р.Р. Харисов тарафыннан, техниканы техник карауны үткәрү кагыйдәләре, таләпләре һәм кешеләрнең тормышы, сәламәтлеге һәм мөлкәте куркынычсызлыгын, әйләнә-тирә мохитне саклауны тәэмин итү өлешендә машиналар һәм җиһазларны эксплуатацияләү кагыйдәләрен үтәү буенча күрсәтмәләр бирелде.
Практик чара барышында катнашучылар милекче тарафыннан тәкъдим ителгән 45 берәмлек техниканы карап чыктылар. Барлык техника да тиешле дәрәҗәдә әзерләнгән дип табылды, бу сыйфатлы техник хезмәт күрсәтү һәм машиналарның эксплуатациягә әзер булуы турында сөйли. Тикшерү техниканың билгеләнгән таләпләргә туры килүен раслады.
Хәмит Нәзиров - Татарстан Республикасы Дәүләт техника күзәтчелегенең Саба муниципаль районы буенча баш дәүләт инженер-инспекторы.
Мәдәният һәм мәгариф өлкәсендә оешмалар тарафыннан хезмәт күрсәтү шартларының сыйфатын бәйсез бәяләү иҗтимагый контроль формаларының берсе булып тора һәм социаль хезмәт алучыларга тиешле өлкәләрдә оешмалар тарафыннан хезмәт күрсәтү шартларының сыйфаты турында мәгълүмат бирү, шулай ук аларның эшчәнлек сыйфатын һәм халык алдында җаваплылыгын арттыру максатында эшләнә. Бәяләү социаль хезмәтнең үзенең сыйфатына карата түгел, ә аны күрсәтү шартларының сыйфатына карата үткәрелә.
19 март көнне Лесхоз өлкәннәр һәм инвалидлар йортында шәфкать туташы «Өлкән яшьтәге кешеләрдә йөрәк-кан тамырлары авырулары» дигән темага лекция үткәрде. Интернатта яшәүчеләр йөрәк-кан тамырлары системасы авыруларын булдырмауның төп моментлары белән танышып үттеләр.: көн саен кан басымын үлчәү, канда холестерин дәрәҗәсен контрольдә тоту, баланслы туклану, уртача физик активлык, дөрес көн режимы, уңай эмоциональ халәт. Лекция тыңлаучыларга буклетлар таратылды.