ЯҢАЛЫКЛАР
29 март көнне район мәдәният йортында Татарстан Республикасы ветераннары арасында үзешчән башкаручыларның «Балкыш» VII Республика фестиваленең район туры Гала-концерты булды.
Мәдәният һәм сәнгать өлкәсендә «Вакансияләр ярминкәсе»
29 март көнне Ә. Кәримуллин исемендәге район үзәк китапханәсендә «Алтын куллар» клуб берләшмәсенең чираттагы утырышы узды. Утырыш бәйләүгә багышланган иде. Бәйләү - борынгы халык һөнәре, ул бүген кабат әйләнеп кайтты. Бәйләү процессы кешегә шатлык китерә, үзен иҗатта күрсәтү, гадәти һәм көндәлек көнкүрештә матурлык күрү мөмкинлеге бирә. Китапханәдә әлеге һөнәргә багышлангане әдәбияттән һәм вакытлы матбугаттан торган күргәзмә оештырылды һәм күзәтү үткәрелде.
26 март көнне Тимершык мәдәният йортында "Туган җирдә бәхет, офык киң, кешеләре гүзәл гөлгә тиң!" дип исемләнгән 60 яшьлек юбилярлар кичәсе булып узды. Залда юбилярларның туганнары, балалары һәм авылдашлары җыелды. Һәр чыгыш концерт номерлары белән үрелеп барды. Чәчәкләр, бүләкләр, якын туганнарыннаң, авылдашларыннаң җылы сүзләре һәм иң мөһиме-кабат чираттагы юбилейда очрашырга.
Район балалар китапханәсендә язгы каникуллар дәвам итә.
Россиядә халык сәнгате һәм мәдәни мирасны саклау елы уңаеннан, 29 март көнне Саба гимназиясе 2Б, 2В, 4В һәм “Сәләтле балалар мәктәбе”нең 2 нче сыйныф укучылары өчен “Мин кулыма китап алам” дип исемләнгән әдәби-интеллектуаль уен үткәрелде. Уен 5 өлештән торды: “Тел-милләт бизәге”, “Тапкырларга табышмак”, “Төрле милләт киемнәрен таныйсыңмы”, “Татар халкының милли уеннары” һәм “Серле сандык”. Шулай ук онлайн-сәхифә аша, укучылар танылган балалар шагыйрәсе Йолдыз Шәрапованың “Китаплы кич” китабы белән таныштылар. Укучылар бер дә сынатмадылар, актив катнашып, биремнәргә дөрес җавап биреп үз белемнәрен, осталыкларын күрсәттеләр. Катнашучылар саны:48
29 март көнне Пушкин картасы кысаларында Саба район китапханәсендә Саба сәләтле балалар мәктәбенең 8 нче сыйныф укучылары өчен, язучы Г.Ибраһимовка 135 ел тулу уңаеннан, аның тормыш юлы һәм иҗатына багышлап “Мин кулыма китап алам” – интелллектуаль уен үткәрелде. Уен: “Китап битләрендә тормыш мизгеле”, “Күп укыган күп белер” , “Бер мәхәббәтнең тарихы”, “Алмачуар” һәм "Ярыш" дип исемләнгән бүлекләрдән торды. Укучылар сынатмадылар, актив җавап биреп үз белемнәрен, осталыкларын күрсәттеләр. Чара ахырында "Г.Ибраһимов-күренекле талант иясе" дип исемләнгән китап күргәзмәсенә күзәтү ясалды. Укучыларга Габделхәй Сабитовның туган ягын сагынучы ат турындагы “Айбаш” хикәясе тәкъдим ителде.
Шәмәрдән авылында "Нәүрүз" бәйрәме үткәрелде. Оешма һәм предприятие хезмәткәрләре концерт номерлары, күңел ачу уеннары әзерләделәр, бәйрәм кунакларын Казаннан ботка һәм төрле тәм-томнар белән сыйладылар. "Яшьлек" яшьләр үзәге хезмәткәрләре "Күңелле стартлар"спорт ярышлары үткәрделәр. Барлык җиңүчеләр һәм призерлар мактау грамоталары һәм акчалата призлар белән бүләкләнде.
295 мең татарстанлы хезмәт кенәгәсенең электрон вариантына өстенлек бирде
Метеорологик күренешләрнең интенсивлыгы турында Консультация-кисәтү
29 март 18 сәгатьтән 30 март18 сәгатькә кадәр
Татарстан Республикасы территориясендә 2022 елның 30 мартында төнлә һәм көндез урыны белән кыска вакытлы буран, көчәйгәндә 15 метрга кадәр көчле җил, юлларда көчле бозлавык көтелә.
25 март көнне Шәмәрдән авылында чаңгы сезоны ябылуга багышланган һәм М. Г. Вәлиуллин истәлегенә багышланган чаңгы ярышлары булып узды. Тантаналы ачылышны Шәмәрдән авыл җирлеге башлыгы Гәрәев А. Н., яшьләр эшләре һәм спорт бүлеге начальнигы Гарипов И. Р., «Яшьлек» яшьләр үзәге директоры Маканов Д. К., «Рост «Шәмәрдән лицее директоры Мөхәммәтов И. Р., улы Вәлиуллин М. Г. һәм Вәлиуллин Д. М. үткәрделәр.. Барлык җиңүчеләр һәм призерлар мактау грамоталары һәм акчалата призлар белән бүләкләнде.