ЯҢАЛЫКЛАР
"Саба PYX" ДАСУ
11 июнь көнне Мичән авыл җирлегендә традицион “Сабантуй – 2023” булып узды. Котлаулардан соң бәйрәмнең спорт программасы башланды. Спорт ярышлары бик җанлы темпта үтте. Көн буе сәүдә ярминкәсе эшләде, күңелле музыка яңгырады. Бу көнне төрле ярышлар һәм уеннар үткәрелде. Авыл халкы, кунаклар уеннарда актив катнаштылар. Сабантуйның иң мөһим ярышы-милли көрәш. Сабантуйның абсолют батыры булып Керәнне авылы егете Зарипов Ильназ калды. Абсолют батырга традиция буенча тәкә бүләк ителде. Барлык җиңүчеләргә дә кыйммәтле бүләкләр тапшырылды. Бәйрәм якты, җылы һәм тыныч узды.
Олы Кибәче авылында Октябрьская һәм Ворошилов урамнарындагы күпер кырыйлары өстәмә ташлы-балчык салып ныгытылды.
12 июньдә ил мөһим дәүләт бәйрәмен - Россия көнен билгеләп үтә. Бу вакыйга алдыннан безнең приютта музей экспонатларыннан күргәзмә әзерләнде. Анда безнең ата-бабаларыбыз кулланган әйберләр күрсәтелгән. Безнең максат-балаларны халкыбызның тарихи үткәне, тирән борынгы көнкүреш әйберләре белән таныштыру, алар яшәгән Җир өчен хөрмәт һәм горурлык хисе уяту иде. Балаларга ата-бабаларының тарихын белергә һәм өйрәнергә кирәк, чөнки нәкъ менә шушы нигездә патриотизм тәрбияләнә.
10 июнь көнне булып узган район Сабантуенда Финанс-бюджет палатасы «Катыктан акча эзләү» уенын үткәреп, Сабантуй кунакларын ял иттерде. Уен акчаны таяк белән эзләүдән башланып, икенче өлешендә исә, борынгыдан сакланып калган гадәт – акчаны катыктан баш белән чумып эзләү белән тәмамланды. Катнашучыларның берсе дә бүләксез китмәде, барысы да уенда катнашкан өчен кызыксындыру бүләкләренә ия булды.
11 июнь көнне Олы Кибәче авыл җирлегендә татар халкының милли бәйрәме Сабантуй булды. Җирлек халкы һәм кайткан кунаклар төрле милли һәм спорт уеннарында көч сынаштылар. Татарча көрәштә абсолют батыр булып Язнур Гарипов калды.
11 июньдә безнең Иске Икшермә авылында "Сабантуй"бәйрәме билгеләп үтелде. Сабантуйда балаларыбыз очен балык тотуда, капчыкларда йөгерүдә,әтәч тотуда,озынлыкка сикерүдә, күзләре ябылган чүлмәккә таякның төгәл эләгүендә һәм башка күп нәрсәләрдә ярыша алган уен мәйданчыгы оештырылды. Безнең егетләр өчен иң дулкынландыргыч тамаша - милли көрәш-кореш булды.Бэйрэм бик кунелле утте.