ЯҢАЛЫКЛАР

Ике басу Арташ авылында яшәүче Хасанова Хәтимә Зиннатулла кызына 90 яшь. Юбилярны котларга районның социаль яклау идарәсе җитәкчесе Лилия Гайнетдинова, Арташ авыл җирлеге башлыгы Алмаз Әгъләмҗанов котладылар.

«Милләт яме-йола, бәйрәмнәрдә» фестиваль-конкурсы Татарстан Республикасында милли мәдәниятләр һәм традицияләр елына багышлана һәм Саба муниципаль районы предприятиеләре, оешмалары, учреждениеләре һәм авыл җирлекләре коллективлары арасында үткәрелә. Һәр коллектив традицион-халык йолаларының театральләштерелгән куелышын күрсәтә. 

5 октябрьдә Россиядә Укытучылар көне билгеләп үтелә. Безнең приютта шулай ук педагоглар, тәрбиячеләр эшли.Уйлап карасаң, приютта эшләүче һәр кеше тәрбияләнүчеләребезне тәрбияләү һәм үстерү белән бәйле. Бәйрәм хөрмәтенә  бу истәлекле датага багышланган бәйрәм үткәрдек. Безнең тәрбияләнүчеләр концерт номерлары күрсәттеләр, остазларын һәм приюттагы барлык хезмәткәрләрне котладылар. Бәйрәм бик кунелле утте.

Юлбат «Ромашка» балалар бакчасында “Яшелчәләр, җиләк-җимешләр, гөмбәләр” атналыгы булып узды. Атна дәвамында балалар яшелчәләр, җиләк-җимешләр, гөмбәләр турында белемнәрен ныгыттылар. Нәниләрне “Уңыш бабай” кунак итте, көз күчтәнәчләре тутурылган кәрзин бүләк итеп балаларны сөендерде.

   6 октябрьдә безнең приютта өлкәннәр көненә багышланган   бәйрәм чарасы узды. Тантаналы өлештән  соң  килгэн кунакларга приютта экскурсия үткәрелде, планнар һәм проектлар белән уртаклаштык. Бәйрәм бик кунелле узды.

Олы Кибәче авылы зиратында инвентарьлар куя торган иске будканы сүттеләр.

Кешелекнең "тышкы" дошманнары бар: сугышлар, эпидемияләр, табигать афәтләре. Бу дошманнар йөзләрчә мең кешенең гомерен өзә. Ләкин дошманнар күпкә куркынычрак-«эчке». Бу җәмгыятьнең кимчелекләре дип атала: тәмәке тарту һәм эчкечелек, наркомания. Бу дошманнардан ел саен күпкә күбрәк кеше һәлак була. 8 октябрьдә Лесхоз мәдәният йорты хезмәткәрләре наркотикларга каршы "Хәвефле гадәтләр" дигән профилактик әңгәмә үткәргәннәр, анда балаларга бер наркоманның наркоманлыкка 10-15 кешене җәлеп итүе турында сөйләгәннәр. Куркыныч ситуацияләрдә акыллылык, ныклык һәм чыдамлык, үгет-нәсихәтләргә җавап итеп «юк» дип әйтә белү, үз дәрәҗәсен яклау сәләте, хөрмәт, авыр булса да, сезне наркотиклардан саклап калачак.

Олы Кибәче авыл клубында Халыкара өлкәннәр һәм укытучылар көненә багышлап концерт куелды. Концертта күрше авыл үзешчәннәре дә катнашты. Авыл җирлеге башлыгы А.К.Сафин барлык тамашачыларны да бәйрәмнәр белән котлады һәм иң изге теләкләрен җиткерде.

5 октябрь көнне Шекше авылы мәдәният йортында Өлкәннәр көненә багышланган бәйрәм кичәсе булды. Чара Шәмәрдән мәдәният йорты хезмәткәрләре һәм үзешчәннәре чыгышы белән әверелеп барды.

9-15 октябрь атнасы Россиядә психик сәламәтлекне саклау атнасы дип игълан ителде (Бөтендөнья психик сәламәтлек көне хөрмәтенә 10 октябрь).