ЯҢАЛЫКЛАР

Сатыш авыл җирлегендә торучы, эшләүче һәм укучы ХАТЫН-КЫЗЛАР һәм ИР-ЕГЕТЛӘР арасында ВОЛЕЙБОЛ ярышы булды. Ярышта барлыгы 10 команда катнашты. Хатын-кызлардан- 4 команда, ир-егетләрдән- 6 команда.

Хатын-кызлар арасында: 

1 урын-Сатыш мәктәбе; 

2 урын-Икшермә;

3 урын- Сатыш.

Ир-атлар арасында: 

1 урын- Бигәнәй-1;

2 урын- Сатыш;

3 урын- Бигәнәй-2;

4 урын- Болын очы урамы.

2022 нче елның 9 нчы мартында Саба муниципаль районының ветераннары командалары (40+) арасында  мини-футбол буенча Саба муниципаль районы чемпионаты тәмамланды.

Татарстан Республикасы Министрлар Кабинетының 2022 елның 18 февралендәге 137 номерлы карары нигезендә, йорт биләмәсе чикләре эчендә газ үткәрүгә һәм йорт эчендәге газ җиһазларын сатып алуга  факттагы чыгымнар күләмендә бер тапкыр түләнә торган субсидия түбәндәге гаиләләргә бирелә:

«10» март көнне Эзмә мәдәният йортында Эзмә урта мәктәбе белән берлектә балалар белән юл йөрү кагыйдәләре буенча «Куркынычсызлык әлифбасы» исеме астында викториналы уеннар үткәрелде. Чарада «Юл хәрәкәте иминлеге» бүлекчәсе начальнигы Ягъфәрова Гүзәл Назыйф кызы һәм Россия Эчке эшләр министрлыгының Саба районы буенча ЮХИДИ бүлеге инспекторы Мәҗитов Фаил Зөфәр улы катнашты. Юллардагы транспорт елдан-ел арта бара. Транспорт туганнары белән очрашуны тизләтә, мәктәпкә, эшкә вакытында илтә. Тик кеше гомере өчен куркыныч тудырган мизгелләр дә була. Шуңа күрә юл хәрәкәте кагыйдәләрен белергә һәм үтәргә кирәк. Балалар кагыйдәләрне яхшырак истә калдырсын өчен, аларны уеннар ярдәмендә оештыру яхшырак. Балалар зур кызыксыну белән кунакларны тыңладылар һәм төрле уеннарда актив катнаштылар. Чара ахырында балалар кунаклардан матур һәм кирәкле бүләкләр алдылар.

Шекше мәдәният йортында "Акчарлак" балалар бакчасының " Әнием-күз нурым!" дип аталган балалар бәйрәме булып узды.Кадерле әниләребезне язның тәүге бәйрәме – 8 Март Халыкара хатын кызлар көне белән бакчага йөрүче балаларыбыз котлады. Матур биюләр, җырлар, шигырьләр сөйләделәр. "Бердәмлектә көч"  әкиятен уйнадылар.Дуслык, бердәмлек булса биек тауларны, тирән диңгезләрне кичеп булуын, зур эшләр башкарып булуын уйнап күрсәттеләр. Илләребез тыныч, күгебез аяз булсын. Гаиләләребезгә иминлек, бетмәс саулык, көч-куәт теләп калабыз!

«Өлкән буын» проекты кысаларында Саба районында озак вакытлы карау системасы буенча эш алып барыла. Татарстан Республикасы Хезмәт, халыкны эш белән тәэмин итү һәм социаль яклау министрлыгының "Балкыш" комплекслы үзәгенең белгече өлкәннәр һәм инвалидлар типизациясен уздыра. Типизацияне дөрес үткәрү өчен өлкән яшьтәге яисә инвалидның шәхси ризалыгы нигезендә аның фатирында яки шәхси йортында даими яшәү урынында интервью үткәрү мәҗбүри шарт булып тора.

Проектны тормышка ашыру барышында 253 кешене озак вакытлы карау системасы кысаларында протиплаштырылды һәм хезмәт күрсәтелде. Бүгенге көндә социаль хезмәтләрдән файдаланучыларга озак вакытлы карау системасында 163 хезмәт күрсәтелә.

Типизатор гражданинның сәламәтлеге ресурсларын тикшерә, аның ихтыяҗларын мөстәкыйль рәвештә үти аламы, яшәү шартларын исәпкә ала, аның үз-үзеңә хезмәт күрсәтү сәләте начараю сәбәпләре булырга мөмкин, шулай ук озак вакытлы карауны гамәлгә ашыру чараларын җиңеләйтергә ярдәм итә торган башка ресурслар булу-булмавын исәпкә ала. Дөрес үткәрелгән типизация нәтиҗәсендә озак вакытка исәпләнгән тербия буенча хезмәт күрсәтүнең оптималь формасы билгеләнә, өлкән яшьтәге гражданны карауның индивидуаль планы төзелә.

Фатыйма Гариповнаның хастаханәдән чыккач, чит кеше каравына мохтаҗ булуы турында район үзәк хастаханәсеннән хәбәр килде. Аның сәламәтлеге торышы сәбәпле, аңа үз артыннан карау һәм өй эшен башкару авыр була, ә якын туганнары юк. Типизация нәтиҗәләре буенча аңа 4 төркем тәрбияләнүче билгеләнде, кирәкле хезмәтләр исемлеге билгеләнде, индивидуаль карау планы төзелде. Беренче көннәрдән үк Сания апа социаль хезмәткәрнең ярдәмен, кайгыртучанлыгын тойды. «Үземне ышанычлырак һәм тыныч хис итә башладым. Беләм, теләсә кайсы вакытта шалтыратып, ярдәм дә, ярдәм дә күрсәтәчәкләр. Социаль хезмәткәр аркасында йортым өмет һәм ышаныч белән тулды. Мин бу катлаулы заманча дөньяда ялгыз түгеллеген тойдым", - дип уртаклашты үзе. Хәзер ул социаль хезмәткәрдән башка үз тормышын күз алдына да китерә алмый. Чөнки өйдә социаль хезмәткәр барлыкка килү белән уңайлы, чиста, өстәлдә һәрвакыт җылы ризык, тыңларга, ярдәм итәргә теләүчеләр бар. Шулай ук, көн саен үткәрелә торган тернәкләндерү чаралары аңа сәламәтлекләрен, хәл-әхвәлләрен һәм рухи халәтен яхшыртырга ярдәм итә.

Кече Шыңар авыл мәдәният йортында ел саен авыл яшьләре һәм студентлар белән зур концерт программасы оештырылып килә. Һәм менә алар, яшь елларны искә алып, яңадан сәхнә түрендә очрашырга булдылар.7 март көнне «Хәлләр ничек, авылкаем, кайта сиңа балакаң " дип исемләнгән концерт - очрашу булды...». Программа үзешчән сәнгатьтә катнашучылар һәм хезмәткәрләр тарафыннан әзерләнгән иде

Яз белән бергә безгә матур бәйрәм – 8 Март-Халыкара хатын-кызлар көне килэ. Бу көн кояш нурлары, хатын-кызлар елмаюлары белән җылыначак, чәчәкләр белән бизәләчәк.8 Март уңаеннан, Курсабаш  мәдәният йортында, үзешчән сәнгатьтә катнашучылар белэн берлектэ "Хатын-кызлар көне - 8 Март"дип исемләнгән бәйрәм концерты булып узды.Концерт программасы кызыклы һәм күңелле булды. Күңелле җырлар яңгырады. Сәхнәдән тормышыбызны җылылык, матурлык һәм кайгыртучанлык белән тулыландыручыларга рәхмәт сүзләре, котлаулар һәм теләкләр яңгырады.Тамашачылар концертта катнашучыларның барысына да рәхмәт сүзләре белән таралыштылар.

6 март көнне Тимершык авылы мәдәният йортында, китапханә белән берлектә, «Хатын-кыз дөньясының сигезенче могҗизасы»дип исемләнгән бәйрәм-уен программасы булып узды.
Ике команда: "Мизгел "һәм" Кайнана " күңел ачу-танып-белү уеннарында һәм конкурсларда катнаштылар: табышмаклар, мәкальләр чиштеләр, үзләренең кулинар сәләтләрен күрсәттеләр, шулай ук спорт бәйгеләрендә катнаштылар.
Иҗади конкурстан башка да булмады, анда катнашучылар шигырьләр иҗат иттеләр, җырлар җырладылар. «Мин артист» бәйгесендә катнашучылар үзләренең артистлык сәләтләрен күрсәттеләр.
Барлык биремнәрне дә конкурсантлар бердәм, тиз һәм күңелле башкардылар! Бәйрәм бик күңелле үтте!

6 март көнне Сулэ авыл клубында Курсабаш авыл мәдәният йорты, Курсабаш китапханәсе белгечләре белән берлектә 8 Март-Халыкара хатын-кызлар көненә багышланган "Гузэл хатын-кызларыбыз" дип исемләнгән бәйрәм чарасы үткәрелде. Бәйрәм концерты булды. Сәхнәдән күңелле җырлар, рәхмәт сүзләре, теләкләр яңгырады. Шулай ук конкурслар, биюләр дә булды. Бәйрәм чәй табыны артында тәмамланды.