ЯҢАЛЫКЛАР
Курсабаш авыл җирлегенең Түбән Утар торак пунктында «Гошер сәдака-2025» хәйрия акциясе узды. Биредә яшәүчеләр мул уңыш җыеп алдылар һәм үстерелгән яшелчәләрне мохтаҗлар белән уртаклаштылар. Авыл халкы, аз керемле гаиләләргә тапшыру өчен, бәрәңге, суган, сарымсак, чөгендер, ташкабак, кабак, кишер, кәбестә һәм башка авыл хуҗалыгы культураларын тапшырды.
Җирле әһәмияттәге юлларның торышы авыл халкы өчен мөһим роль уйный. Шуңа күрә ел саен юлларны төзекләндерүгә бюджеттан күләмле суммалар билгеләнә. Шул уңайдан, Курсабаш авылының Мәктәп урамына, җирле әһәмияттәге юлга, 475 метр озынлыкта асфальт җәю эшләре башкарылды.
19 сентябрь көнне Курсабаш авыл җирлегенең административ бинасында бишенче чакырылыш депутатларның беренче утырышы булды. Көн тәртибенә түбәндәге сораулар куелды:
1. Курсабаш авыл җирлеге Советына депутатлар сайлауда тавыш бирү йомгаклары турында.
2. Курсабаш авыл җирлеге башлыгын сайлау.
3. Курсабаш авыл җирлеге башлыгы урынбасарын сайлау.
4. Курсабаш авыл җирлегеннән Саба муниципаль районы Советына вәкил сайлау.
5. Курсабаш авыл җирлегенең даими комиссияләре турында.
Депутатларга тавыш бирү нәтиҗәләре белән Башкарма комитет секретаре З.Г. Гыйльманова таныштырды. Аннары яшерен тавыш бирү юлы белән җирлек башлыгын сайладылар. Курсабаш авыл җирлеге башлыгы Гыймадиев А.Р. бертавыштан сайланды. Ачык тавыш бирү юлы белән башлык урынбасары З.И. Сәләхиевны сайладылар. Яшерен тавыш бирү юлы белән З. З. Йосуповны Саба районы Советына вәкил итеп сайладылар. Соңыннан бюджетлар, салымнар, финанслар буенча даими комиссияләр һәм экология һәм җирдән файдалану буенча комиссияләр төзелде.
Мәктәпкәчә яшьтәге балалар учреждениеләре хезмәткәрләре – тәрбиячеләр көне уңаеннан “Яшьлек” яшьләр үзәге тарафыннан районда “Педагогик квиз” үткәрелде. Балалар бакчаларының эшчәнлегенә, педагогик тематикага кагылышлы сораулар бик күп яңгырады ул көнне. Әлбәттә, Үзәкләштерелгән бухгалтерия да читтә калмады, чөнки әлеге мәгариф оешмаларының барлык бухгалтерлык хисабы эшләре бухгалтерия хезмәткәрләре тарафыннан башкарыла. Баш бухгалтер Мингараева Алсу Нуриман кызы шәхсән үзе иҗат итеп, шигъри сорау да юллады квизда катнашучыларга.
2025 елның 28 сентябрендә "САБА - АРЕНА" базасында "Татарстан Республикасының бадминтон өметләре - 2025" нең 3 турына сайлап алу ярышлары узды. Ярышларда Саба, Теләче һәм Кукмара районнарыннан 76 спортчы катнашты. Чемпионнар һәм призерлар түбәндәге спортчылар:
2013 - 2014 елларда туган, егетләр:
1 нче урын - Сабиров Илназ (Саба)
2 нче урын - Шагеев Айзат (Саба)
3 урын - Шәймәрданов Азамат, Сафин Раяз (икесе дә Саба)
2013 - 2014 елларда туган, кызлар:
1 урын - Гыйләҗева Мәдинә (Төләче)
2 нче урын - Гайнетдинова Райль (Теләче)
3 урын - Фазлияхмәтова Ралина (Саба), Исланова Ксения (Кукмор)
2015 ел һәм аннан да кечерәк, малайлар:
1 нче урын - Сафин Зиннәтулла (Саба)
2 нче урын - Хузин Ильдан (Саба)
3 урын - Гыйльманов Кәрим (Саба), Вәлиуллин Булат (Төләче)
2015 елда туган һәм аннан кечерәк кызлар:
1 урын - Әхтямова Алия (Кукмара)
2 нче урын - Гаптелвәлиева Айлина (Саба)
3 урын - Габдулхаева Мәрьям, Кәримуллина Сәйдә (икесе дә Саба).
"Иң яшь катнашучы" номинациясендә Ралина Гусамова бүләкләнде, ул беренче тапкыр үзе өчен шундый зур ярышларда катнашты, гәрчә аңа 6 яшь кенә булса да. Өлкән катнашучылар аңа булачак ярышларда уңышлар теләделәр, алар Ралинада әле бик күп булачак.
Чемпионнарны, призерларны, тренерларны котлыйбыз һәм 2025 елның 3-4 октябрендә Казанда узачак республика турында алга таба да уңышлар телибез.
«Татарстан Кубогы» сәламәтлек мөмкинлекләре чикләнгән затлар арасында өстәл теннисы буенча региональ ярышлар 25-26 сентябрьдә «Саба-Арена» спорт комплексында узды һәм анда Пенза, Чуваш, Самара, Новосибирск өлкәләре, Саха Республикасы (Якутия) вәкилләрен һәм, әлбәттә, татарстанлыларны, атап әйткәндә, Мамадыш, Түбән Кама, Яр Чаллы, Минзәлә, Казан шәһәрләреннән һәм хуҗалардан - сабинцев.
27 сентябрьдә, «Яшьлек» яшьләр үзәге, Шәмәрдәндә «Милләт кроссы - 2025», «Татарстан кроссы -2025» ярышлары уздырды.
"Аргамак" картодромында Бөтенроссия йөгереш көне кысаларында "Милләтләр кроссы - 2025" спорт чарасы узды. Әлеге ярышларда Финанс - бюджет палатасы рәисе Шәмсун Әкбәр улы Сөнгатов җитәкчелегендә коллективның спорт сөюче егетләре - кызлары да актив катнашты.
Игътибар! Халыкка хәбәр итү системасын тикшерү үткәреләчәк!