ЯҢАЛЫКЛАР
25 октябрь көнне Шекше мәдәният йортында "Шәҗәрә бәйрәме" була. Шекше авылыннан Мөхәммәтҗан һәм Сәйфетдин нәселләре очраша. Әлеге бәйрәмне Әлфия Галимҗан кызы Мөбәрәкова оештыра. 15 сәгать 30 минутта Шекше мәдәният йорты сәхнәсендә Казан шәһәреннән "Мирас" татар халык хоры чыгыш ясаячак, җитәкчесе тамырлары шушы нәсел белән бәйләнгән Наил Бареев. Рәхим итегез!
2025 елның 18 октябрендә Саба урта мәктәбе базасында 2008 елда туган һәм аннан яшьрәк яшүсмерләр арасында Ватанны саклаучылар елына багышланган баскетбол буенча ачык турнир узды. Турнирда Кукмара, Нократ Аланы, Питрәч һәм Байлар Сабасыннан 2 команда катнашты. Уеннар нәтиҗәләре буенча "Нократ Аланы" командасы җиңү яулады, икенче урында - "Кукмара" командасы, өченче урында - "Питрәч"командасы.
Командалар грамоталар, акчалата призлар һәм кубок белән бүләкләнде. Ә тренерларга Саба урта мәктәбе администрациясе истәлекле сыннар бүләк итте.
2025 елның 19 октябрендә “Сабантуй” стендлы ату комплексында спортинг-компакт буенса Татарстан Республикасы Кубогының чираттагы – 9 этабы булып узды.
Ярыш нәтиҗәләре:
Категория "А"
1 урын- Мингараев Камил Рамилевич (Б. Сабасы штб)
2 урын - Мубаракшин Ринат Габднурович (Агрыз ш.)
3 урын - Кобзев Алексей Михайлович (Казан ш.)
Категория "В"
1 урын - Гарипова Алия Ильнаровна (Б. Сабасы штб)
2 урын - Иванов Игорь Владимирович (Казан ш.)
3 урын - Беляков Кирилл Валерьевич ( Киров ш.)
Категория "С"
1 урын - Гарифуллин Руслан Равшонбекович (Казан ш.)
2 урын - Каримов Эмиль Эдуардович (Б. Сабасы штб)
3 урын - Минниханов Раис Нургалиевич (Б. Сабасы штб)
2025 елның 23 октябрендә «Саба» бассейнында районыбызның өлкән буын вәкилләре арасында йөзү буенча ярышлар узды. Чара Халыкара өлкәннәр көнен бәйрәм итү кысаларында оештырылды.
Ярышларда 55 яшьтән алып 65 яшькә кадәрге һәм аннан өлкәнрәк ир-атлар һәм хатын-кызлар катнашты. Барлык катнашучылар да «Хезмәткә һәм оборонага әзер! " комплексы нормативларын уңышлы үтәделәр."(ГТО). Югары нәтиҗәләр күрсәтеп, актив яшәү рәвеше һәм физик чыдамлыкның яшькә бәйле булмавын расладылар
Саба урман хуҗалыгы тарихы музеенда «Борынгы татар көнкүреше әйберләре» дигән танып-белү сәгате үткәрелде. Татар халкының көнкүреше турында тарихи мәгълүмат бирелде, борынгы савыт-сабалар һәм эш кораллары белән танышу тәкъдим ителде. Шулай ук кыйммәтле әйберләр сакланган сандыклар, эчемлекләр әзерләү өчен комганнар, чәй эчү өчен самоварлар, чигелгән тастымаллар, сөлгеләр һәм декоратив мендәрләр кебек төрле өй кирәк-яраклары зур кызыксыну уятты. Ир-ат һәм хатын-кыз өчен яртышар бүленгән традицион татар агач өйләре һәм, әлбәттә, милли киемнәр телгә алынды. Чөнки, һәр яңа буынның әхлакый бурычы бар – әби-бабайлар тудырган тарихи хәтерне өйрәнү, саклау һәм киләсе буынга тапшыру.
28 октябрьдән 30 октябрьгә кадәр Байлар Сабасы шәһәр тибындагы бистәсендә «Саба воланы» бөтенроссия яшүсмерләр ярышлары узачак. Әлеге турнир ел саен үткәрелә һәм илебезнең төрле төбәкләреннән 300гә якын катнашучыны җыя. Турнир 2020 елдан бирле уздырыла, ярышлар 5 категориядә уздырыла, аларның нәтиҗәләре буенча җиңүчеләр билгеләнә.
Катнашучылар 5 категориядә көч сынаша:
11 яшькә кадәр
13 яшькә кадәр
15 яшькә кадәр
17 яшькә кадәр
19 яшькә кадәр
Шулай ук 31 октябрьдән 2 ноябрьгә кадәр Өлкәннәр арасында "Саба воланы" бөтенроссия ярышлары узачак. Турнирның барлык этапларын уздыру нәтиҗәләре буенча һәр төркемдә спортчыларның гомуми рейтингы төзеләчәк. Иң көчле бадминтончылар бөтенроссия дәрәҗәсендәге ярышларда Татарстан Республикасы җыелма командасы исеменнән чыгыш ясау хокукына ия булачак.
«Саба»ҖЧҖнең Мичән бригадасында кырларны көзге туңга сөрү эшләре дәвам итә. Механизаторларыбыз бу эшләрне башкарып чыгу өчен көчләрен кызганмыйлар.
23 октябрь көнне район хакимиятенең актлар залында Саба муниципаль районында волонтерлык, ягъни иреклеләр мәсьәләләре буенча Совет утырышы узды.
Авылдагы юл-авыл халкын тышкы дөнья белән бәйли торган инфраструктураның бер өлеше. Арташ авыл җирлегендә юлларга чокырлар ремонтлау уңышлы башкарылган. Ремонтланган юл өслегенең гомуми саны 500 метрдан артык тәшкил итте Подряд эшләрен бу өлкәдә зур тәҗрибәсе булган махсуслаштырылган оешма – «Татавтодор» акционерлык җәмгыяте башкарды.
22 октябрьдә Иван Алексеевич Бунинның тууына 155 ел уңаеннан Сатыш авыл китапханәсендә китап күргәзмәсе эшләде. Әлеге күргәзмәне эш көне дәвамында карарга була иде һәм шунлыктан һәркем үзенә уңайлы вакытта олуг язучының әсәрләре белән таныша алды.