ЯҢАЛЫКЛАР

"Сыйныф очрашулары" проекты кысаларында Олы Кибәче авыл җирлеге башлыгы А.К.Сафин Җирле үзидарәләр көне уңаеннан очрашуда катнашты. Җирле үзидарәләр көне 21 апрельдә билгеләп үтелә. А.К.Сафин Җирле үзидарәләр эшчәнлеге турында сөйләде. Бу- халыкка иң якын булган хакимият.

2025 елның 26 - 27 апрелендә Казан Бадминтон үзәгендә 2025 Татарстан Республикасы Бадминтон өметләренең икенче туры узды. Ярышларга республикабыздан 200ләп спортчы җыелды. 2 этап нәтиҗәләре буенча Саба районы бадминтончылары түбәндәге категорияләрдә чемпионнар һәм призерлар булдылар: 2013 - 2014ггр: 2 урын - Сафина Элина (1 дивизион); 3 урын - Идрисов Нияз (1 дивизион); 3 урын - Сафиуллин Рөстәм (1 дивизион); 1 урын - Идрисов Нияз - Сафина Элина; 1 урын - Сафина Элина - Фәйзуллина Ник (Чаллы); 2 урын - Идрисов Нияз - Рәхимов Адель; 2 урын - Хәбибуллина Наргиза - Сафина Наргиза (Казан); 2015гр һәм кечерәк: 3 урын - Сафин Зиннәтулла - Хузин Илдан. Барлык катнашучыларны, тренерларны, ата-аналарны балаларыбызның уңышлы чыгыш ясавы белән котлыйбыз һәм сәламәтлек, алга таба уңышлар телибез!

2025 елның 21-24 апрелендә Санкт-Петербург шәһәрендә бадминтон буенча "Космонавтика көне" бөтенроссия яшүсмерләр һәм юниорлар ярышлары узды. Анда Россиянең 13 төбәгеннән 273 спортчы катнашты. 619 матч уйналды. Ярыш "ике йолдыз"лы. Саба районы шәкерте, "Саба-Арена" спортчысы Зәйниев Айназ Алексеевск районыннан Федор Данила белән берлектә ялгыз һәм парлы разрядта 2 алтын медаль яулады. Айназны, аның әти-әниләрен, тренеры Зарипов Г.Х. уңышлы чыгыш белән котлыйбыз, сәламәтлек һәм алга таба спорт уңышлары телибез. Шулай ук тренер һәм ата-аналар исеменнән Саба районы җитәкчелегенә бөтенроссия ярышларына спортчылар йөрү мөмкинлеге өчен рәхмәт белдерәбез.

«Саба-Арена» спорт комплексында 27 апрельдә өстәл теннисы буенча «Лента памяти» «Марафон Добра» «Трейд металл» ҖЧҖеннән ачык турнирының 4 нче этабы тәмамланды. Турнир гадәттәгегә әйләнә һәм игътибарны җәлеп итә. Турнирга Татарстан Республикасыннан үз яшьләре буенча алдынгы уенчылар килә. Һәм бу якшәмбе 27 апрельдә искәрмә булмады. Турнирны Казан, Кукмара, Алабуга, Лаеш һәм әлбәттә инде Саба кунаклары да бизәде. Турнирда кызу иде. Ирләр арасында да, хатын-кызлар арасында да пьедесталга Сабалылар күтәрелде. Ир-атлар арасында пьедесталның өченче баскычына Камил Вилданов ия булды. Икенчесенә Газиз Даулиев күтәрелде. Җиңүче Салават Заһидуллин булды. Сүз уңаеннан, Салават белән Газиз Татарстан Республикасында студент хәрәкәтен җитәклиләр. Казан Дәүләт Медицина университеты (КДМУ) студентлары буларак якын араларда Екатеринбургтагы Бөтенроссия теннис форумында Татарстан флагын күтәрәчәкләр. Хатын-кызлар арасында өченче баскычка Камилэ Әхмәтова күтәрелде. Икенчеседэ Динә Хәбибуллина иде. Җиңүче Галина Гороховатченко булды. Сүз уңаеннан, Галина һәм безнең 15 яшьлек Сафина Фәйзетдинова иртәгә-28 апрельдә чираттагы "Дөнья кубогы этабы"нда катнашу өчен Черногорьега очалар. (ПОДА) Безнең кызларга җиңел юл һәм уңышлы чыгыш ясауларын телибез.

22 апрельдән 26 апрельгә кадәр Казанда өстәл теннисы буенча Татарстан Республикасы чемпионаты узды. Чемпионат нәтиҗәләре буенча безнең команда 2 комеш 3 бронза медаль яулады.

2 урын- хатын-кызлар пары Исмаилова /Мортазина (КазУОР)

2 урын- Катнаш пар Галанов /Нартова (Идел)

3 урын- катнаш пар Исмаилов /Исмаилова

3 урын- хатын-кызлар командасы (Исмаилова, Фәйзетдинова, Хәбибрахманова, Латыйпова)

3 урын-  Павел Галанов ялгыз разряд.

Өстәл теннисы буенча ПОДА арасында Россия чемпионаты. (1-5кл).

21 апрельдән 26 апрельгә кадәр Алексинда (Тула өлкәсе) РФ Спорт министрлыгының “ОКА” республика укыту-тренировка базасында өстәл теннисы буенча ПОДА Россия чемпионаты узды (1-5кл) Россия чемпионы исеменә көрәшне Россия Федерациясенең 29 субъектыннан 78 спортчы алып барды. Безнең мәктәп спортчысы Раил Галиәкбәров Дмитрий Сафронов белән (Чиләбе шәһәре) парда бронза медальгә ия булдылар. Спортчыларны котлыйбыз һәм алга таба уңышлар телибез.

«Олы Арташ төп гомуми белем бирү мәктәбе» коллективы өчен апрель – вакыйгаларга иң бай уку елы айларының берсе.

Агымдагы елның 26 апрелендә Россиядә ундүртенче тапкыр Библиотөн агарту акциясе уза. Ул Ватанны саклаучылар елына һәм Бөек Җиңүнең сиксән еллыгына багышлана. Быелгы Библиотөннең төп темасы «Үз геройларың», ә аның девизы: «Россиядә үз героен хәтерләмәгән гаилә юк".

Әлеге акциядә Олы Нырты китапханәсе һәм Олы Нырты авыл мәдәният йорты хезмәткәрләре аеруча актив катнашты.

Библиотөн-2025 ачылышының кереш сүзе белән китапханәче чыгыш ясады. Ул катнашучыларга Безнең Җиңүебезнең кыйммәтле бәясе һәм аның Бөек Ватан сугышында әһәмияте турында искә төшерде.

Аннары төрле яшьтәге укучылардан торган ике команда «Изге сугыш» уен-квестында катнашты. Квест легендасы: уенчылар кулына совет разведкасының шифрлы донесениесе эләккән, анда югалган мәгълүматны ачыкларга кирәк. Бүген аны эзләргә ике отряд китте.

Маршрутта аларны башваткычлар, катлаулы табышмаклар, хәрби полигонда сынаулар һәм башка күп сынаулар көтте. Төп бурыч - хатның югалган мәгълүматын торгызырга ярдәм итәчәк киңәшләр җыю. Эзләү отрядлары заданиене бик яхшы үтәделәр.

Киләсе Библиотөн-2025 мәйданчыгы Чәбья-Чурчи авыл клубы булды. Катнашучылар «Үз илебез геройлары турында мин дә, син дә белергә тиеш» викторинасында катнаштылар. Катнашучыларга сугыш турындагы китаплар тәкъдим ителде. Чарада катнашучылар шулай ук яңа китаплар белән таныша алдылар. «Библиотөн-2025» агарту акциясе шундый нәтиҗәле, мавыктыргыч һәм җанлы узды.

Явлаштау авыл китапханәсендә ел саен үткәрелә торган «Библиотөн» Бөтенроссия акциясе узды. Быелгы тема - «Үз геройларың". Ватанны саклаучылар елына һәм Бөек Җиңүнең 80 еллыгына багышланган туган якны өйрәнү сәгате «Геройлар-безнең якташлар» китап – иллюстратив күргәзмәсе фонында узды. Чара танып- белү чарасы булды, чарада катнашучыларның барысы да үз геройлары өчен горурлык хисе кичерде, чөнки нәкъ менә шундый фидакарь кешеләр ярдәмендә Советлар Союзы Бөек Ватан сугышында җиңүгә иреште. Әңгәмә барышында балалар геройларның биографиясеннән һәм сугышчан казанышларыннан кызыклы фактлар белделәр. Безнең фронтовик якташларыбыз бик  каты сугышларда катнаштылар, фашист илбасарларына каршы батырларча сугыштылар. Укучыларга үзләренең туганнары – Бөек Ватан сугышы геройлары турында «Алар җиңү белән кайттылар» китабында мәгълүмат эзләргә һәм аны акциядә катнашучылар белән уртаклашырга тәкъдим ителде. Чара азагында балалар тынычлык символлары – кәгазь күгәрченнәр ясадылар.
Акция кысаларындагы патриотик чаралар барлык катнашучыларга тарихка кагылырга, үз илебез өчен горурланырга һәм халкыбызның каһарманлыгы турындагы хәтерне саклауның мөһимлеген тоярга мөмкинлек бирде.

Бөек шагыйребез Г.Тукайның туган көне уңаеннан “Тукай” паркында “Сандугачтай моңлы Тукай теле” дип исемләнгән әдәби кичә үткәрелде. Чара башында Саба муниципаль районы башлыгы Рәис Нургали улы матур теләкләрен җиткерде, Тукай һәйкәленә чәчәкләр салынды.  Бәйрәм Сабаның балалар бакчаларында тәрбияләнүче балалар чыгышлары белән башланып китте. Китапханә каршында эшләп килүче клуб берләшмәләренә йөрүче китап укучыларыбыз, үзләре иҗат иткән шигырләрен сөйләде. Район мәдәният бүлеге җитәкчесе Рөстәм Фидәил улы матур бәйрәм чарасы белән котлады, теләкләр белән уртаклашты. Чара “Туган тел” җырын башкарып тәмамланды. Чараны оештыруда үз өлешләрен керткән Саба район мәдәният йорты хезмәткәрләре Илназ Мусин, Айнур Габдулхаков, Алмаз Батырхановларга рәхмәтебезне җиткерәбез.