ЯҢАЛЫКЛАР
"Сабабалаһөнәр" муниципаль программасы маршруты, программада "Экономист" станциясе буларак билгеләнгән Финанс-бюджет палатасында тукталды. Биредә, ике группага бүленеп, Шәмәрдәннең "Теремок" балалар бакчасында тәрбияләнүчеләр булды. Алар, командаларга бүленеп, керем һәм чыгым төшенчәләре белән таныштылар. Уен барышында балалар нинди керемнәр хисабына гаилә бюджетының тулылануы, зур чыгымнарның бюджетка тәэсире һәм балалар үзләре экономия ясауга нинди өлеш кертә алулары турында сөйләштеләр.
17 сентябрь көнне Лесхоз картлар һәм инвалидлар өчен интернат – йортында тәрбияче җитәкчелегендә «Уен терапиясе» уздырылды. Социаль хезмәтләр алучылар өстәл уены, шахмат уйнадылар.
Олы Кибәче урта гомумбелем бирү мәктәбе укучылары, укытучылары, 17 сентябрь көнне Махсус хәрби операцияда катнашучыларга ярдәм йөзеннән "Көзге ярминкә" оештырдылар. Ярминкәдә укучылар һәм әти- әниләр көче белән әзерләнгән тәм- томнар сатылды. Шулай ук, сатуда чәчәк үсентеләре, орлыклар һәм көзге уңыш тәкъдим ителде. МХО ярдәм итәргә теләге булган кешеләр өчен махсус ящик та куелган иде.
Олы Кибәче авыл җирлегенә авылдашыбыз, шәхси эшмәкәр Шафиков Рифкат абый җитәкчелегендә Кукмара районыннан муллалар һәм мөслимәләр делегациясе килде. Аларны мәдәният хезмәткәрләре ипи-тоз белән авыл капкасы янында каршы алганнан соң, делегация Олы Кибәче авылы булачак урынга барды, иң беренче авылга килеп урнашкан Юдәй каберлеген зиярәт кылдылар. Олы Кибәче авылы мәчетендә өйлә намазы укып, мичтә пешкән кайнар коймак һәм чәй белән сыйланганнан соң , Теләче районында урнашкан "Туган авыл" музей-комплексына юл тоттылар.
14 сентябрь көнне Татарстан Республикасында Татарстан Республикасы Рәисен һәм җирле үзидарәләр депутатларын сайлаулар көне иде. Олы Кибәче авыл җирлегендә бу көнне 2 участок сайлау комиссиясе эшләде. Җирлек халкы сайлауларда актив катнашты. Сайлаучыларны кайнар чәй һәм коймак белән сыйладылар. Шулай ук аларга браслетлар өләшенде. Сайлаучылар айфон һәм машина оту уенында катнашу өчен фотоларга төшеп аларны социаль челтәрләрдә урнаштырдылар.
Мотоциклларда эндуро буенча Татарстан Республикасы Чемпионаты Әлмәт шәһәрендә ябылды. Эндуро буенча Татарстан Республикасы чемпионаты кысаларында "Арташ Эндуро" командасы югары нәтиҗәләр күрсәтте. "Юниорлар" категориясендә беренче урынны Гарипов Булат алды, өченче урынны Агләмҗанов Әмирхан алды. "Көмеш" категориясендә Сәләхиев Рәфис икенче булды. Чемпионатның биш этабында барлыгы 412 спортчы катнашты. "Арташ Эндуро" командасы алдынгы урыннарны яулап, бик яхшы нәтиҗәләр күрсәтте. Спортчыларга алга таба уңышлар, нык сәламәтлек һәм яңа казанышлар телибез.
Шәмәрдәннең "Үсеш"лицеенда капиталь ремонт дәвам итә. 2025 елның 17 сентябренә ике уку блогын торгызу эшләре тәмамланган, бу укучылар һәм педагоглар өчен уңайлы шартлар тудырырга мөмкинлек бирде.
Саба муниципаль районының Мичәнбаш авылында су агызу системасын булдыру буенча актив эш алып барыла. "МДСУ-1" ҖЧҖ белгечләре яңгыр суларын нәтиҗәле агызу өчен билгеләнгән яңгыр канаулары челтәрен эшләргә керештеләр.
Судомодельләштерү сезоны уңышлы ябылды