ЯҢАЛЫКЛАР
Олы Арташ авылында авыл территорияләрен комплекслы үстерү республика программасы буенча җәяүлеләр күперен ремонтлау төгәлләнгән. Эшне "Мелиорация"Саба ПМКсы ҖЧҖ сыйфатлы башкарды.
2025 елның 19 декабрендә Шәмәрдән модель һәм балалар китапханәсе Шәмәрдән лицее укучылары - «Читайка» клубы әгъзалары өчен «Яңа ел серләре» дигән китап фейерверкы үткәрде.
Бәйрәмчә дустанә атмосферада танып белү-уен программасы узды. Китапханәчеләр балалар өчен яңа ел викторинасы, кышкы табышмаклар, «Яңа ел» уены, төрле конкурслар әзерләделәр, аларда һәркем актив катнашты.
Чара азагында китапханәчеләр тематик китап күргәзмәсенә күзәтү ясадылар һәм балаларны якынлашып килүче Яңа ел белән котладылар, аларга шатлык һәм сәламәтлек теләделәр.
2025 елда без К. Насыйриның тууына 200 ел тулуны билгеләп үттек. 18 декабрьдә Татарстан Республикасы Биектау районының «Йолдыз» Ямаширмә балалар бакчасында татар телле тәрбиячеләр арасында үткәрелүче «Белем һәм тәрбия бирүдә Каюм Насыйри хезмәтләре» республикакүләм бәйгесенең йомгаклау конференциясе узды. Чарада хөрмәтле кунаклар катнаштылар:
• ТР Мәгариф һәм фән министрлыгының мәктәпкәчә белем бирү бүлеге җитәкчесе Хисамиева Й.Ш.;
• “Мәгарифне үстерү институты” татар теле һәм әдәбияты кафедрасы мөдире, филология фәннәре кандидаты, доцент Шәмсетдинова Р.Р.;
• “Мәгарифне үстерү институты” мәктәпкәчә белем бирү бүлеге җитәкчесе Мифтахетдинова Н.Р.;
• МКУ “Биектау муниципаль районы мәгариф бүлеге” җитәкчесе Халитов И.А.;
• К. Насыйри исемендәге музейның Казан филиалы өлкән фәнни хезмәткәре Мифтахетдинова Н.М.;
• Арча педагогика көллиятенең татар теле һәм әдәбияты укытучысы. Төхфәтуллина Ә. Г.
Юл-транспорт травматизмын профилактикалау - бөтен җәмгыять проблемасы. Балаларны юлларда үз-үзләрен дөрес тотарга өйрәтүне кечкенәдән башларга кирәк. Педагогларның һәм ата - аналарның бурычы-бүгенге мәктәпкәчә яшьтәге балалардан белемле һәм дисциплиналы юл хәрәкәтендә катнашучылар тәрбияләү.
"Юлларда сак булыгыз" тематик атнасы кысаларында Сабаның 5 нче номерлы “Бэлэкэч” балалар бакчасының урта төркемдә тәрбияләнүчеләр юл хәрәкәте кагыйдәләре турында театральләштерелгән тамаша күрсәттеләр. Урманда яшәүчеләр юл билгеләре, юлда килеп чыгарга мөмкин булган куркынычлар, светофорларның ни өчен кирәклеге, юл хәрәкәтендә катнашучыларның барысы да үзләрен ничек тотарга тиешлеге турында сөйләделәр.
Чарада Татарстан Республикасы "Юл хәрәкәте иминлеге" Саба районындагы профилактика бүлеге башлыгы Ягъфәрова Гүзәл Нәзиф кызы катнашты. Ул балаларның юл хәрәкәте кагыйдәләре турындагы барлык сорауларына җавап бирде.
Очрашу азагында яшь катнашучыларга яктылыкны кайтара торган элементлар, буклетлар тапшырылды, юлда игътибарлы һәм бик сак булуларын теләделәр.
Бу кешенең сәламәтлеген сакларга һәм куркынычның үз-үзен тотышын контрольдә тоту юлы белән йогышлы булмаган авырулар куркынычын киметергә ярдәм итә торган яшәү рәвеше. Сәламәт яшәү рәвеше тәмәкедән һәм алкоголь кулланудан баш тартуны, рациональ туклануны, физик активлыкны (физик күнегүләр, спорт һ.б.), психик сәламәтлекне ныгытуны һәм сәламәтлекне ныгыту буенча башка чараларны күздә тота.
Балалар — безнең киләчәгебез. Нәкъ менә шуңа күрә мәктәпләрдә һөнәри юнәлеш бирү эшенә даими рәвештә зур игътибар бирелә. Бу балаларга үзләрен, үз сәләтләрен һәм һәвәслекләрен яхшырак аңларга, һөнәрне аңлы рәвештә сайларга ярдәм итә. Бу айда башлангыч сыйныф укучылары матурлык салонында чәчтараш, визажист эшенең үзенчәлекләре белән таныштылар. Ә 5 сыйныф укучылары фельдшер-акушерлык пунктына бардылар, анда медицина хезмәткәре һөнәренең мөһимлеге турында белделәр, сәламәтлек саклау өлкәсендә төп медицина процедуралары һәм үсеш мөмкинлекләре турында мәгълүмат алдылар. Мондый чаралар укучыларга белемнәрен киңәйтергә, һөнәри үзбилгеләнүдә беренче адымнарын ясарга һәм олы тормышка әзерләнергә ярдәм итә.
Ел башыннан Татарстан Республикасы буенча Социаль фонд бүлеге 4 мең кешегә ана капиталының калган өлешеннән 10 мең сум гакадәр акча түләгән
Якынлашып килүче Яна ел бәйрәме унаеннан, җыр - биюгә, уен - көлкегә, күнелле мизгелләргә бай район мәдәният хезмәткәрләренен профсоюз Чыршы бәйрәме безнен җирлектә, Эзмә мәдәният йортында үтте
17 декабрь көнне, 2025/2026 елгы сезонда, Шәмәрдән зонасына кергән хезмәт коллективлары һәм авыл җирлекләре ир-ат командалары арасында мини-футбол буенча Саба муниципаль районы Чемпионатында җиңүчеләрне бүләкләү тантанасы булды.