ЯҢАЛЫКЛАР
Табигый сулыклардан су йоту инфекцияләргә китерергә мөмкин-дизентериядән һәм сальмонеллездан А гепатитына һәм Коксаки вирусына кадәр.
8 июнь көнне Олы Кибәче авыл җирлегендә милли бәйрәм Сабантуй гөрләп узды. Бәйрәм башында ҖЧ "Саба" җәмгыяте Кибәче бригадасының кыр батырларын бүләкләделәр. Быел кыр батыры булып Шәрәфиев Илназ Габделхәй улы танылды. Аңа тәкә бирелде. Аннары капчык киеп йөгерү, гер күтәрү, кул көрәше, татарча көрәш кебек төрле милли һәм спорт уеннары уйналды. Татарча көрәштә абсолют батыр булып Мөхәммәтшин Зөлфәт калды. Сабантуйны алып баручы Газинур Фәйзуллин кунакларны күңелле уеннар һәм юмор белән күңел ачтырды. Шулай ук җырчылар Артур Шугаепов, Энҗе Шәймурзина, Зәринә Хәсәншиналарның чыгышлары бәйрәм бизәге булды.
«Саба-Арена» һәм «Сабантуй» спорт мәктәпләре «Сабантуйга бирна жыю» конкурсында 2 урынны алдылар. Командабызны чын күңелдәнконкурста лаеклы икенче урын алулары белән котлыйбыз! Бу безнең бердәмлегебезне, профессиональлегебезне һәм җиңүгә омтылышыбызны күрсәтә торганискиткеч нәтиҗә. Әлеге конкурска өлеш керткән һәркемгә рәхмәт белдерәбез. Сезнең энергиягез, креативлыгыгыз һәм команда рухыгыз безне көчлерәк итә һәм яңа биеклекләргә ирешергә ярдәм итә. Без бергәләп теләсә ниндикиртәләрне җиңеп, тәэсирле нәтиҗәләргә ирешә алуыбызны күрсәтэбез. Барыбызга да алга таба уңышлар, яңа казанышлар һәм яңа җиңүләр өчен илһам телибез!Һәр көн башкарылган эштән шатлык һәм безнең команда өчен горурлык китерсен.Алга, яңа биеклекләргә таба!
Мәктәбебезнең баш инженеры Олег Владимирович Гаврилов Сабантуй бәйрәмендә «үз эшенең остасы» буларак номинацияләнде. Котлыйбыз! Көчле алкышлар һәм сезнең адреска бик күп комплиментлар. Шаккатырлык очыш тойгысы, шатлык һәм бәхет телибез, сезнең барлык тырышлыкларыгыз, омтылышларыгыз һәм көчегез лаеклы бәяләнде! Якыннарыгыз һәм дусларыгыз Сезнең белән горурлансын! Сезгә алга таба да оптимизмны һәм җиңүгә ышанычыгызны югалтмаска, хыялларыгызны тормышка ашыруыгызны һәм яңа үрләргә ирешүегезне телибез!
8 июнь көнне Явлаштау авыл җирлегендә татар милли бәйрәме Сабантуй узды. Бәйрәм Евлаштау мәчете имам-хатыйбы Галимҗанов И. И. чыгышы белән башланып китте.. Шулай ук халыкны Явлаштау авыл җирлеге башлыгы Нуриев Р.Х. һәм «Саба» ҖЧҖнең «Явлаштау» бригадасы идарәчесе Фазлыев А. К. һәм Саба ветеринария берләшмәсе җитәкчесе Ганиев З. Р. котлады. Бәйрәм бер сулышта бик яхшы концерт программасы , кызыклы уеннар һәм бик яхшы бүләкләр белән үтте.
Район Сабантуенда Финанс-бюджет палатасы бәйрәмнең традицион уенын - «Катыктан акча эзләү» уенын үткәрде. Быел да әлеге уен популярлыгын югалтмыйча, уенда 104 кеше катнашты. Иң башта уен катыктан акчаны таяк белән эзләүдән башланып китте. Уенның әлеге өлеше, хатын-кызлар һәм ир-егетләр категориясенә бүленмичә бәяләнеп, 1,2,3 урын алучылар бүләк Сертификатларына ия булдылар. Алга таба уен борынгыдан сакланып калган гадәт – акчаны катыктан баш белән чумып эзләү белән дәвам итте. Җиңүчеләр ике категориягә – ир-егетләр һәм хатын-кызлар категориясенә бүленеп, тәбрикләнде.
Быел илебездә Ватанны саклаучылар елы икәнен дә оештыручылар истә тотып, хәрби хезмәттә булган ир - егетләр арасында да шулай ук 1,2,3 урыннар билгеләнде һәм җиңүчеләр Сертификатлар белән бүләкләнде. Катнашучыларның берсе дә бүләксез китмәде, барысын да уенда катнашкан өчен кызыксындыру бүләкләре көтә иде.
Иләбәр авылы “Умырзая” балалар бакчасында барлык балаларның һәм күп кенә өлкәннәрнең яраткан җәйге тәм – томнарына, туңдырмага багышланган көн узды!
Уку вакытлары тәмамланып, Симет мәктәбендә җәйге лагерь башланды.