ЯҢАЛЫКЛАР
12 июньдә илебезнең төп дәүләт бәйрәме - Россия көне билгеләп үтелә. "Россия триколоры" акциясе әлеге бәйрәм хөрмәтенә яхшы традициягә әйләнде. Туган илебезнең бүгенгесе һәм киләчәге, Ватаныбызның язмышы һәркемгә, безнең хезмәтебезгә, гражданлык җаваплылыгына бәйле. Россия көне бөек илебез, аның тарихы, ватандашларыбыз казанышлары белән горурланучыларны берләштерә. Саба районы «Балкыш» халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе белгечләре Саба гимназиясенең Беренчелэре белән берлектә бу традициядән читтә калмады һәм Байлар Сабасы бистәсендә яшәүчеләргә триколор тасмасы өләштеләр һәм якынлашып килүче бәйрәм белән котладылар.
Югары Шытсу авылында Сабантуй бәйрәме гөрләп узды. Бәйрәм чарасы баларның чыгышы белән башланып китте. Җитәкчеләрнең котлау сүзләреннән соң, милли һәм спорт уеннары башланып китте. Үзенчәлек буларак мотоблок ярышы үткәрелде. Җиңүчегә яңа мотоблок тапшырылды. Сабантуйның көрәш буенча төп батыры булып Мусин Илсур танылды.
Түбән Шытсу авыл җирлеге район Сабантуенда җигүле атлар парадында катнашты.
12 июньдә илебез дәүләт бәйрәмен — Россия көнен билгеләп үтә. Бу зур патриотик бәйрәм, милли бердәмлек һәм гражданлык дөньясы символы. Шушы бәйрәм уңаеннан Саба районы “Балкыш” халыкка комплекслы социаль ярдәм күрсәтү үзәгенең гаилә һәм балалар белән эшләү бүлекчәсе белгечләре балигъ булмаган балалар белән "Россия - минем Ватаным!" дип исемләнгән чара үткәрделәр. Әлеге чараны үткәрүнең максаты: үз Ватаныңа, илнең дәүләт символларына карата горурлык һәм хөрмәт хисләре тәрбияләү; Россия көненә аппликация эшләү; бәйрәм кәефе булдыру. Бәйрәм ахырында Россия көне символы буларак- истәлекле бүләкләр бирелде.
Россия көне уңаеннан, районыбызның 14 яше тулган 11 укучысына, Алдынгылар хәрәкәтенең “Без Рәсәй гражданнары” проекты кысаларында, паспорт тапшыру тантанасы үтте.
2025 елның 11 июнь 09:00 сәгатьтән 16:00 сәгатькә кадәр 8 март, Салих Сайдаш,1 май, Максим Горький, Гагарин, 9 май, Мотыгуллин, Титов урамнарында үзәкләштерелгән су белән тәэмин итүне өзү планлаштырыла.
6 июнь көнне, бөтен мөселман дөньясы кебек үк, Килдебәк авыл җирлеге халкы Корбан бәйрәмен билгеләп үтте
Татарстан Республикасы эшмәкәрлекне яклау фонды үз эшен башларга яисә үстерергә теләгән КУЭ субъектлары булган махсус хәрби операция ветераннарына комплекслы ярдәм тәкъдим итә.
10 июнь көнне Саба ЗАГС бүлегендә Алдынгылар хәрәкәтенең "Без Рәсәй гражданнары" проекты кысаларында районның яшь гражданнарына паспорт тапшыру тантанасы булып узды.
8 июнь көнне ямьле Мишә буенда Олы Шыңар, Кече Шыңар, Оет, Чулпыч, Түлешкә авыллары халкы зурлап Сабантуй бәйрәме уздырды. 2025 елгы яз кыр эшләре нәтиҗәләре буенча “Чәчү батыры” исеме Маликов Ниязга , “Кыр батыры” исеме “Туган як” җәмгыяте механизаторы Маликов Илназга бирелде, ул тәкә белән бүләкләнде. Чәчүчеләр, җир эшкәртүчеләр тәбрикләнгәннән соң уеннар башланды.Халык бик күп җыйналган иде, бер-бер артлы ярышлар үткәрелде : татарча көрәш, кул көрәше, аркан тартыш, авыш баганада йөрү, колгага менү,чүлмәк вату, утын кисү, капчык сугышы. Катнашкан кешеләргә бүләкләр дә бик мулдан булды. Уеннар белән аралашып концерт та барды. Сабантуйның баш батыры исеменә Ахунҗанов Рифат Ришат улы лаек булды.