ЯҢАЛЫКЛАР
"Әдәби алан" проекты кысаларында, һәм шулай ук укуга һәм әдәбиятка мәхәббәтне үстерү максатыннан, 30 декабрь көнне Шәмәрдән авыл һәм балалар китапханәсе “Читайка” клуб берләшмәсе өчен "Әдәби аланда кунакта" китапханә дәресе үткәрде. Чара барышында әдәби аланда катнашкан балалар Рәхмәт хатлары һәм истәлекле бүләкләр белән бүләкләнделәр. Китапханәчеләр аларга китапханәгә йөрергә һәм китаплар яратырга дигән теләктә калдылар.
2025 елның 30 декабрендә Шәмәрдән модель һәм балалар китапханәсе Шәмәрдән “Үсеш” лицее укучылары өчен “Кышкы әкият” исемле уеннар үткәрде. Китапханәчеләр үз китап укучыларын табигатьтә китап укырга һәм кышкы уеннар уйнарга чакырдылар. Һәрбер бала укыганнары турында фикер алышуда катнаша алды. Яшь китап укучылар өчен әдәби һәм хәрәкәтчән уеннар әзерләнгән иде. Шулай ук балалар белән «Китапларда кыш» викторинасы уздырылды.
30 декабрьдә Лесхоз өлкәннәр һәм инвалидлар өчен интернат йортында социаль хезмәтләр алучылар өчен учреждение коллективы катнашында «Иң, иң яхшы Яңа ел» бал - маскарады уздырылды. Әби-бабайларны Яңа ел белән котладылар. Яңа ел пакетлары рәвешендә иганәчелек ярдәме оештырылды.
2026 елның 1 гыйнварыннан Татарстан Республикасы территориясендә халык һәм кулланучыларның тиңләштерелгән категорияләре өчен Татарстан Республикасы Тарифлар буенча дәүләт комитетының 19.12.2025 № 666-17/э-2025 карары нигезендә куллану диапазоннары буенча дифференциацияләнгән электр энергиясенә тарифлар кулланылачак.
2026 елның 2 февраленнән 7 февраленә кадәр Алабуга шәһәре территориясендә «Алабуга-skills»тармак Республика һөнәри осталык конкурсы узачак. Конкурс республика дәрәҗәсендә (2026 елда - бишенче тапкыр) Татарстан Республикасы Рәисе ярдәме белән үткәрелә һәм югары социаль әһәмияткә ия.
Саба урман хуҗалыгы тарихы музеенда, Явлаштау урта мәктәбенең "туган якны өйрәнәбез" һәм "Театр" мәктәп яны түгәрәкләренә йөрүчеләр өчен, гипстан сыннар ясау буенча мастер-класс үткәрелде.
Декабрь ахыры-нәтиҗәләр ясау, киләчәккә юнәлеш билгеләү һәм кыйммәтле тәҗрибә уртаклашу вакыты. 2025 елның 29 декабрендә "Саба-Арена" урта мәктәбендә «Оешма эшчәнлегенә анализ» темасына педагогик совет үткәрелде. Мәктәп җитәкчелеге коллективка нәтиҗәле хезмәтләре өчен рәхмәт белдерде һәм барысын да якынлашып килүче Яңа 2026 ел белән котлады, сәламәтлек, тынычлык һәм муллык теләде. Шулай ук тренер-укытучыларга рәхмәт хатлары тапшырылды. Педагогик коллективыбызны Яңа ел белән котлыйбыз һәм барыгызга да матур Яңа ел каникуллары телибез! Яңа елда яңа көчләр һәм идеяләр белән очрашырбыз!2315:17
28 декабрь көнне Югары Шытсы мәдәният йортында Яңа Ел лотереясе булып узды. Бу чара инде күптәннән традициягә әверелде, һәм авыл халкы бик теләп катнаша, бөтен гаиләләре белән килә, чөнки бу кичне һәркемгә приз бирелә. Лотерея концерт номерлары һәм алып баручыларның шаяртулары белән үрелеп барды. Шулай ук бәйрәмебезне тагын да яктырак итәргә ярдәм иткән иганәчеләребезгә зур рәхмәтебезне белдерәбез. Барысы да, катнашучылар да, оештыручылар да уздырылган вакыттан канәгать калдылар.