ЯҢАЛЫКЛАР
21 октябрьдә Бөтендөнья йод кытлыгына каршы көрәш көне билгеләп үтелә.*
Йод микроэлементы тироксинны да кертеп, калкансыман биз гормоннарын җитештерүдә төп роль уйный. Бу гормон организмның метаболизмына йогынты ясый, су, минераль, аксым, липид һәм углевод алмашы процессларын контрольдә тота. Ул тән температурасын нормаль тоту, күзәнәкләрнең үсүе һәм бүленүе, бавыр һәм йөрәкнең нормаль эшләве өчен кирәк. Йод җитмәү нерв системасы эшендә тискәре йогынты ясый, кешенең кәефен үзгәртә һәм психоэмоциональ халәтен начарайта. Йодның озакка сузылган кытлыгы калкансыман бизнең зурлыгын арттыруга (эндемик бүксәнең үсешенә) китерә.
Түбән Шытсу авыл җирлеге үзешчәннәре 17 октябрь көнне Бигәнәй мәдәният йортында "Туган җиргә кайтты кайтмаганнар "Хәтер китабы"на төренеп" дип исемләнгән концерт куйды. Әлеге концерт Бөек Җиңүнең 80 еллыгына багышланды. Җыр-бию, милли уен кораллары белән чыгыш ясау һәм башка сәнгать төрләре тамашачы күңеленә хуш килде. Барлык катнашучыларга рәхмәт белдерәбез!
20 октябрь көнне Югары Симет мәдәният йортында Югары Симет урта мәктәбе белән берлектә «Әтиләр көне» бәйрәме оештырылды.
Югары Шытсу һәм Түбән Шытсу авылларында урам юллары тигезләтелде. Әлеге эшне АО "Татавтодор" оешмасы башкарды. Эшләнгән эшнең гомуми озынлыгы 1620 м.тәшкил итте.
Югары Шытсу авылында гомер кичерүче Рәхимә Баһан кызы 100 яшьлек туган көнен билгеләп үтте. Аны зур юбилее белән котларга Саба муниципаль районы башлыгы Миннеханов Р.Н. килде һәм үзенең ихлас теләкләрен җиткерде. Шакирзянова Рәхимә Богмановна кызы 1925 елның 16 октябрендә Теләче районы Иске Җөри авылында дөньяга килә. 1948 елда Югары Шытсу авылы егете Шарипҗан абыйга кияүгә чыга. Алар бик тәртипле 1 ул, 3 кыз устергәннәр. Рәхимә апа туган төбәгендә тыл хезмәтчәне булып хезмәт юлын башлап җибәргән. 16 яшеннән урман кискән, окоп казыган, агач кискән, Казанда тоз чыгаруда, Кукмарада итек фабрикасында да эшләгән. Югары Шытсуга килен булып килгәннән соң Рәхимә апа “Беренче Май”колхозында төрле эшләрдә хезмәт куеп лаеклы ялга чыккан. Аның эш стажы 40 елдан артык. Намуслы, тырыш хезмәте өчен Рәхимә апа күпсанлы Мактау грамоталары белән бүләкләнгән. Бүгенге көндә Рәхимә апа Югары Шытсу авылында малае Мөдәрис, килене Гөлнур тәрбиясендә гомер итә. Аның 5 оныгы бар. Киң күнелле, ярдәмчел, һәркемгә рәхмәтле Рәхимә апаны авылдашлары бик хөрмәт итә.
Югары Шытсу мәдәният йортында "Һәрвакыт булсын кояш" дип исемләнгән тынычлык дәресе үткәрелде. Әлеге чарада катнашучы балаларга тынычлык, дуслык һәм бердәмлек төшенчәләренең никадәр мөһим икәнлеге аңлатылды. Шулай ук терроризмга каршы эшләнгән стенд нигезендә төп кагыйдәләр искәртеп үтелде.
Түбән Шытсу авылында иске йорт сүтү эше бара. Иске, җимерек хәлдәге йортлар авыл җирлеге биләмәсен ямьсезли, матурлык тудыруга комачаулый. Шулай ук ташландык территориягә балалар уйнарга керүдән һәм янгын чыгудан куркыныч.