ЯҢАЛЫКЛАР
Ш.З.Зиннуров исемендәге Сатыш урта гомуми белем бирү мәктәбенең волонтер - юнармейчылары, тәрбия буенча директор киңәшчесе А.М. Шакирова белән бергә, Сатыш авылында Бөек Ватан сугышында һәлак булган сугышчылар обелискын тәртипкә китерделәр.
Сатыш авыл җирлегендә «Саба» ҖЧҖнең «Сатыш» бригадасы кырларыннан бюджет учреждениеләре хезмәткәрләре таш җыюда катнаштылар.
Бүген 2024 елның 3 маенда Саба-Арена спорт мәктәбендә фехтование буенча «Саба Рапирасы» Бөтенроссия (төбәкара) турниры кысаларында Дөнья Чемпионатының бронза призеры, Европа, Россия чемпионы, халыкара класслы спорт мастеры Тимур Фәрит улы Арыслановның һәм Европа чемпионатының һәм Россия чемпионатының көмеш призеры, Россия спорт мастеры Эрнст Хәлил улы Хәмзинның мастер - классы узды.
Мастер-класс һәркемгә урта гасырлар көрәше атмосферасына чумарга гына түгел, ә анда катнашырга да мөмкинлек бирде. Мастер-класс үз эченә теоретик һәм практик өлешләрне ала. Практикада фехтование стойкасында координация һәм парларда эшләү күнегүләрен кулланып хәрәкәтләр эшкәртелә, ә теоретик өлеш диалог формасында уза: спортчылар Тимур Фаритович һәм Эрнст Халиловичка аларны кызыксындырган сораулар бирәләр. Семинар ахырында фото - һәм автограф-сессия узды. Мастер-класста катнашучылар күңелле эмоцияләр, очрашу һәм аралашудан онытылмас тәэсирләр алдылар.
Спорт мәктәбе администрациясе җылы очрашулары өчен барысына да рәхмәт белдерде!
Чисталык икеайлыгы кысаларында Сатыш авыл зиратында өмә булып узды. Авыл халкы һәм авылдан читтә яшәүчеләр катнашында узган өмәдә агачлар киселде, тротуар ясалды.
Хатын-кызлар арасында Саба муниципаль районы буенча үткәрелүче волейбол ярышында Бигәнәй командасы актив катнашып, җирлек командалары арасында 2 нче урынны яулады. Җиңүләре белән котлыйбыз һәм алга таба да уңышлар телибез.
2024 елның 3 май 18.00 сәгатьтән 4 май 18.00 сәгатькә кадәр
метеорологик күренешнең интенсивлыгын кисәтү турында консультация.
3 май кичендә, 4 май төнендә һәм көндез Татарстан Республикасы территориясендә һәм Казанда:
-4 май төнендә һәм иртәсендә һава һәм туфрак температурасы 0..-5 (Казанда -1..-3), юлларның аерым участокларында бозлавык барлыкка килергә мөмкин;
- 3 май кичендә, төнлә 4 май көндез көчле, урыны белән төнлә 15-20 м/с, көндез 15 м/с (Казанда 18 м/с кадәр) төньяк-көнбатыш җиле көтелә.
2024 елның 02 маенда Саба һәм Теләче районнары буенча ОСП судлары эшчәнлегенең билгеләнгән тәртибен тәэмин итү буенча кече суд приставы эчке хезмәт прапорщигы Айнур Ногманов «Безнең иртәгә» һөнәри юнәлеш бирү проекты кысаларында Саба урта мәктәбенең 6 сыйныф укучылары белән очрашты.
Җиңү көне алдыннан, 2 майда Лесхоз мәдәният йорты хезмәткәрләре китапханәче белән берлектә, Пушкин картасы буенча, Георгий тасмалары ясау буенча мастер – класс үткәрәләр. Мастер-класста катнашучылар шәхси Георгий тасмасы ясаганнар. Ни өчен Георгий тасмасы Бөек Җиңү символы итеп сайланган, чөнки күп еллар дәвамында ул рус сугышчыларының бөек җиңүләрен, батырлыгын гәүдәләндергән.