ЯҢАЛЫКЛАР
Төбәк авылында гражданнарның 2025 ел өчен үзара салым акчасына "Йөзлеки" чишмәсе төзекләндерелде. Чишмә Ленин һәм Яшьләр урамнары арасында урнашкан. Элек, авылда суүткәргеч булмаганда, авыл халкы бу чишмәдән 100% файдаланган. Ләкин бу тарихи урын соңыннан ташландык хәлгә килгән иде. Менә халык бу чишмәне торгызырга, ара-тирә генә булса да чишмә суын эчәргә карар кылган. Чөнки чишмә суы алмашу процессын һәм баш миенең активлыгын яхшырта, көч артуны тәэмин итә һәм яшәрүгә ярдәм итә, тире һәм чәч өчен файдалы. Авыруларның тулы бер спектрын профилактикалауда ярдәм итә.
Төбәк авылында Төбәк авыл кдлубы мөдире һәм күрше авылларның мәдәният хезмәткәрләре урам концерты оештырдылар. Август аеның ямьле бер кичендә Төбәк авылы урамнары җыр-моңнарга күмелде. Халык эш көненән соң рухи ял итте.
Мәгариф өлкәсендә ел саен уздырыла торган әлеге чарада башкарылган эшләргә йомгак ясала, киләсе уку елына бурычлар куела.
Татарстан дәүләт Советында иң яхшы муниципаль хезмәткәрләрне котладылар
25 август Байлар Сабасының үзәк мәйданында “Җәйге китапханәдә – Сабантуй” чарасы үткәрелде. Чара бирнә җыю күренеше белән башланып китте. Балалар тальян моңнарына кушылып, бергәләп бирнә җыйдылар. Чиккән сөлгеләр, кулъяулыклар белән беррәттән бүләккә китаплар да алып килгән иде балалар. Һәр авылдан килгән китап укучылар бирнә җыючыларны матур шигырь, җыр белән каршы алдылар. Татар биюе серләрен аларга Айсылу Зарипова ачты. Аннары балалар “Әдәби”, “Уеннар”, “Бию”, “Мастер-класслар” мәйданчыкларына таралып күңел ачтылар. “Әдәби” мәйданчыктагы кунакларыбызга: “Саба таңнары” газетасы, якташ шагыйрәләребез Ильмира Гыймаева, Миннегөл Манихова, Әлфия Әхмәтгалиевага балалар сәнгатьле итеп шигырь сөйләделәр, шигырь язып карадылар, сорауларына җавап таптылар. Чараны оештыруда актив катнашкан Саба мәдәният бүлеге җитәкчесе Рөстәм Заһидуллин, Саба сәнгать мәктәбе директоры Алмаз Газизов, Сәйдәш Солтанов һәм аларның укучылары, Саба үзәкләштерелгән клублар системасы директоры Альберт Гузялов, Айсылу Зарипова, Радик Локманов , Гөлнара Мубаракшина, Юныс Гиниятуллин, Ранис Мухаметзянов, Илнур Муллахметовка рәхмәтебезне җиткерәбез.
26 авгус көнне "Татарстанда җәй" проекты кысаларында Тукай урамында, "Тукай урамы безнее урам" дип исемләнгән урам бәйрәме үтте. Август аеның ямьле бер кичендә Өтернәс авылы урамнары җыр-моңнарга күмелде. Халык эш көненән соң рухи ял итте.
Бүген 26.08.2025 Лесхоз интернат-йортының социаль хезмәтләр алучылар белән скрапбукинг дәресе үткәрелде. Фотоальбомны бизәү буенча әзерлек эшләре алып барылды.
Скрапбукинг-гаилә яки шәхси фотоальбомнар ясау һәм бизәүдән гыйбарәт кулдан эшләнгән сәнгать төре. Төп идея-киләчәк буыннар өчен нинди дә булса вакыйгалар турындагы фотосурәтләрне һәм башка истәлекле әйберләрне озак вакытка саклау.
Хөрмәтле гражданнар! «Татарстан Республикасы Гидрометеорология һәм әйләнә-тирә мохитне мониторинглау идарәсе " фдбудан:
Консультация-метеорологик күренешләрнең интенсивлыгы турында кисәтү
05 сәгатьтән 21 сәгатькә кадәр. 2025 елның 27 августы
27 августта иртән, көндез һәм кичен Татарстан Республикасы территориясендә урыны белән яшенле яңгыр һәм секундына 15-20 метр тизлектәге көчле җил көтелә, боз явуы ихтимал.
Теләсә нинди бәла – каза очрагында сез һәрвакыт ашыгыч хезмәтләрне чакыруның бердәм номерына - «112» гә мөрәҗәгать итә аласыз. Шалтыратулар тәүлек буе шәһәр һәм кәрәзле телефоннардан бушлай кабул ителә.