ЯҢАЛЫКЛАР

Татарстан Республикасы Дәүләт алкоголь инспекциясенең Арча территориаль органы хезмәткәрләре тарафыннан кулланучылар хокукларын яклауга кагылышлы мәсьәләләр даими яктыртыла һәм гражданнарны даими рәвештә күчмә кабул итүләр үткәрелә. Чираттагы очрашу Саба муниципаль районының Шекше авылында узды. Кулланучылар хокукларын яклау мәсьәләләрендә төп юнәлеш булып муниципаль берәмлек территориясендә кулланучылар тарафыннан үзләренең законлы хокукларын гамәлгә ашыру өчен уңай шартлар тудыру, шулай ук аларның үтәлешен тәэмин итү тора. Кулланучылар базарында хокук бозуларга каршы көрәшнең иң нәтиҗәле ысулы булып хокук бозуларны кисәтү һәм профилактикалау тора.

Кабул итү барышында гражданнарга «Кулланучылар хокукларын яклау турында» РФ Законы нигезендә үз хокукларын гамәлгә ашыру тәртибе, шул исәптән сәүдә кагыйдәләре дә аңлатылды. Территориаль орган практикасыннан мисаллар китерелде. Брошюралар һәм «Вестник потребителя Татарстана»газетасы таратылды.

20 сентябрьдә Сатыш авыл җирлегендә «Милләтләр кроссы 2024» массакүләм ярышлары узды, алар традицион рәвештә көз көне халык арасында массакүләм физкультура-сәламәтләндерү хәрәкәтен популярлаштыру һәм сәламәт яшәү рәвешен оештыру максатларында үткәрелә.

Сабада традицион Кабак бәйрәме узды. Финанс - бюджет палатасы әзерләгән күргәзмәнең эчтәлеге елдагыча оешманың эшчәнлеген чагылдыруга багышланган иде. Шулай ук кайбер экспонатлар, күренешләр бәйрәм кунаклары игътибарына Гаилә елы уңаеннан да тәкъдим ителде. Нәтиҗәдә, районның оешма/учреждениеләре арасында "Иң матур композиция" номинациясендә Финанс-бюджет палатасы 2 урынга лаек булды.

2020 елдан башлап Татарстанда "Авыл территорияләрен комплекслы үстерү"дәүләт программасы гамәлгә ашырыла. Программа, аерым алганда, авыл халкын үтемле һәм уңайлы торак белән тәэмин итү өчен шартлар тудыруны, кадрлар потенциалын үстерүне, инфраструктураны булдыру һәм үстерү һ. б. күздә тота.  Бүгенге көндә Тимершык авыл җирлегендә дә шушы программага нигезләнеп 4 йорт төзелеше алып барыла.

21 нче сентябрь көнне Бигеней мәдәният йортында террорчылыкны һәм экстремизмны кисәтү буенча “Терроризмга юк дип әйтик” дигән тематик сәгать үткәрелде. 

Саба муниципаль районы Көек авылы Татарстан урамында ЩПС Республика программасы  нигезендә каты өслекле юл җәю эшләре башкарыла. Эшне “МДСУ Балтач”  ҖЧҖ башкара.

22 сентябрь көнне Лесхоз мәдәният йорты һәм китапханә, Олы Нырты мәдәният йорты хезмәткәрләре "Ябалак янында кунакта"дип исемләнгән чираттагы театральләштерелгән экскурсия оештырдылар

21 сентябрь көнне мәдәният йорты хезмәткәрләре "Ябалак янында кунакта"дип исемләнгән чираттагы театральләштерелгән экскурсия оештырдылар. Алар  Кукмара шәһәренең 4 сыйныф укучыларын кабул иттеләр. 

20 сентябрьдә Лесхоз мәдәният йорты хезмәткәрләре Саба урта гомуми белем мәктәбенең 8 сыйныф укучылары өчен  "Тылсымлы кыңгырау" туристик маршруты буенча чираттагы экскурсияне оештырдылар.

Кичә, 22.09.24, Саба-Аренада җәйге ялдан соң бадминтон буенча традицион "Саба Якшәмбе турниры" башланды.Анда Саба районының 35 яшь бадминтончысы катнашты. Җиңүчеләр һәм призерлар булдылар: "А" төркеме 1нче урын - Зәйниев Айназ, 2урын - Идрисов Нияз / Рәхимов Адель, 3нче урын - Сафина Элина / Әхмәтшина Самина. "В" төркеме 1 урын - Шагеев Айзат, 2нче урын - Кәримов Язнур, 3нче урында - Закиров Самир. "С" төркеме 1нче урын - Хуҗин Илдан 2нче урын - Кәримов Язнур, 3нче урында - Гыйлманов Кәрим. "Д" төркеме 1 урын - Әхмәтшин Тамерлан, 2урын - Заһидуллина Сәид, 3нче урында - Әхмәтова Алинә һәм Сафина Раилә. Барлык призёрлар да грамоталар алды. Турнирда катнашучыларның барысы да безнең турнир попечителе "ПМК" ҖЧҖ директоры Маковеев Константин тарафыннан баллы бүләкләр алды.