ЯҢАЛЫКЛАР
2024 елның 13 сентябреннән 16 сентябренә кадәр Казан шәһәрендә малайлар һәм кызлар арасында бадминтон буенча “Ф.Г.Вәлиев истәлеге кубогы” Бөтенроссия яшүсмерләр ярышлары узды. Саба районы шәкертләре түбәндәге разрядларда призерлар булдылар:
Хатын-кызлар парлы категориясендә:
2 урын - Хәбибуллина Наргиза - Чиркина Виктория ( РС)
Ирләр парлы категориясендә:
2 урын - Борһанов Данияр - Пулатов Аяз ( РС)
Катнашучыларны, тренерларны лаеклы нәтиҗәләргә ирешүләре белән котлыйбыз, сәламәтлек һәм алга таба спорт уңышлары телибез.
21 сентябрьдә Юлбат авыл җирлегендә «Милләтләр кроссы - 2024» массакүләм ярышлары узды, алар традицион рәвештә көз көне халык арасында массакүләм физкультура-сәламәтләндерү хәрәкәтен популярлаштыру һәм сәламәт яшәү рәвешен оештыру максатларында үткәрелә.
Сатыш авылы мәдрәсә музеена Казан шәһәреннән кунаклар килде. Алар мәдрәсә имамының шәхси китапханәсеннән сакланып калган китапларны игътибар белән карадылар, мәдрәсәдә укып чыккан күренекле шәхесләр турында мәгълүматны бик кызыксынып тыңладылар. Музейдан бик яхшы тәэсирләр белән киттеләр.
Саба урман хуҗалыгы тарихы музеенда Кукмара районының 3 нче номерлы мәктәбе укучылары кунак булды. Балалар экскурсияне игътибар белән тыңладылар һәм үзләрен кызыксындырган сорауларны бирделәр.
Саба урман хуҗалыгы тарихы музеенда "Тылсымлы кыңгырау" туристлык маршрутында катнашучылар кунак булды. Аларны музей экспозицияләре буенча мавыктыргыч экскурсия көтә иде. Ул аларны киләчәктә дә урман хуҗалыгы тарихын өйрәнергә кызыксындырды. Соңыннан алар экскурсияне бик ошатуларын әйтеп, рәхмәтләрен белдереп туристик маршрутның икенче ноктасына юнәлделәр.
20 сентябрьдә Тимершык авыл җирлегендә «Милләтләр кроссы 2024» массакүләм ярышлары узды, алар традицион рәвештә көз көне халык арасында массакүләм физкультура-сәламәтләндерү хәрәкәтен популярлаштыру һәм сәламәт яшәү рәвешен оештыру максатларында үткәрелә.
Түбән Шытсу төп мәктәбе укучылары Елыш авылы тарихы белән таныштылар.
Татарстан Республикасы Дәүләт алкоголь инспекциясенең Арча территориаль органы, сатып алучыларның (кулланучыларның) иң зәгыйфь категориясе буларак, иң беренче чиратта өлкән яшьтәге гражданнарны алдау практикасының таралуын кисәтү максатыннан, өлкән яшьтәге кешеләр белән даими рәвештә очрашулар үткәрә. Татарстан Республикасы Дәүләт алкоголь инспекциясенең Арча территориаль органы хезмәткәре Саба муниципаль районының «Балкыш» КАОДА әлеге үзәктә ял итүчеләр һәм дәваланучылар өчен чара үткәрде.
Татарстан Росреестры мәгълүматлары буенча, бу «24 сәгать эчендә Ипотека»проекты буенча килешүләр.
Агымдагы елның 8 аенда Татарстан Росреестрына кадастр исәбенә алу һәм хокукларны теркәү процедурасына электрон рәвештә 13 меңнән артык гариза кергән. Процент нисбәтендә үсеш 42 % тәшкил итте. Чагыштыру өчен: узган елның шул ук чорында онлайн гаризалар 9,3 мең тирәсе булган.
Исегезгә төшерәбез, гражданнар бер үк вакытта күчемсез милек объектын кадастр исәбенә куя һәм аңа хокукларын терки ала. Шул ук вакытта көнкүреш күчемсез милекне электрон рәвештә рәсмиләштерү вакыты нибары 3 эш көне тәшкил итәчәк.