ЯҢАЛЫКЛАР
Олы Шыңар авылында инеш яр буйларын төзекләндерү эшләре дәвам итә: электр яктырткычлар куелды, тротуар өчен брусчатка җәелә. Эшләрне «БарсЭлитСтрой» ААҖ башкара.
Чәчәкләр безнең тормышыбызны бизи, кәефне күтәрә. Дөрестән дә, җәйдән кышка кадәр төрле төсләргә күмелеп утыручы чәчәкләр урамнарны, паркларны бизи, шәһәр һәм авылларны матурлый, бәйрәм төсе бирә, кешеләрне шатландыра. Олы Шыңар авыл җирлегендә һәрбер оешма үз биләмәсен чәчәк түтәлләре белән бизи, шулай ук шәхси хуҗалыклар да чәчәк утырту белән шөгылләнә.
Тимершык авыл җирлегендә эчәргә яраклы су системасының төгәллеген, төзеклеген “Шемордан МПП ЖКХ” ҖЧҖ тәэмин итә. Алар үз эшләрен вакытында, төгәллек белән башкарып үтиләр.
Автоном коммерцияле булмаган «Балкыш»-(Сияние) тернәкләндерү үзәгендә ,социаль – юридик хезмәт күрсәтү кысаларында, Саба муниципаль районының Социаль фонды белгечләре килде.
7 августта Лесхоз мәдәният йорты хезмәткәрләре Оет авылы кунаклары өчен «Тылсымлы кыңгырау» туристик маршруты буенча чираттагы экскурсия оештырдылар. Балалар һәм аларны озатып йөрүче өлкәннәр беренче эш итеп Саба урман хуҗалыгы тарихы музеенда булдылар, аннары урман хуҗалыгы мәдәният йортында урнашкан "Кыңгыраулар музеенда" булдылар. Милли камыр ризыклары белән татлы чәй, беләзекләр һәм сәйләннән муенса ясау буенча мастер класс, тылсымлы кыңгырау турындагы мультфильм карау туристларга ошады. Алар күргәннәреннән бик канәгать калдылар, бик күп кызыклы нәрсәләр ишеттеләр, бик яхшы вакыт үткәрделәр.
Чәбия-Чурчи авыл клубында Олы Нырты авыл китапханәсе мөдире белән берлектә "Саба - минем туган ягым" дип исемләнгән викторина үткәрелде. Чара барышында китапханәче Х. Сәфәргалиевның "Нырты ягы — тарихи төбәк" китабы белән таныштырды һәм бу китаптан өзекләрне укыды. Викторинада катнашып, балалар үзләренең белемнәрен тагын бер кат тикшерделәр һәм туган як турында бик күп кызыклы нәрсәләр белделәр.
“Балкыш” комплекслы үзәгенең социаль хезмәткәрләре үз кул астындагыларга үз участокларыннан уңыш җыярга һәм сакларга булыша.
6 августта Лесхоз мәдәният йортында балалар өчен юл хәрәкәте кагыйдәләре буенча китапханә белән берлектә «Светофория иленә сәяхәт» исемле танып белү-уен программасы үтте, анда балалар уен формасында юл хәрәкәте кагыйдәләре һәм юл билгеләре белән таныштылар. Балалар стена газетасы ярдәмендә светофор барлыкка килү тарихын белделәр.Чара барышында балалар урамда үз – үзләрен тоту кагыйдәләре турында белемнәрен тулыландырдылар һәм табышмакларга рәхәтләнеп җавап бирделәр, уеннарда «рөхсәт ителә–тыела», «әйе-юк», «Авто мульти»сорауларына җавап бирделәр. Үткәрелгән күңел ачу нәтиҗәсендә, светофор сигналлары һәм юл хәрәкәте кагыйдәләре турындагы белемнәрдән тыш, балалар бик күп уңай эмоцияләр һәм яхшы кәеф алды.