ЯҢАЛЫКЛАР
Уку елы башында беренче ата — аналар җыелышы-бөтен уку процессына тон бирә торган мөһим этап. Бу тәрбияләнүчеләрнең гаиләләре белән танышу мөмкинлеге генә түгел, ә ышанычлы мөнәсәбәтләр булдыру, планнар турында фикер алышу һәм сорауларга җавап бирү мөмкинлеге дә.
"Зыянлы гадәтләрнең зарары" темасына профилактик әңгәмә тыңлаучыларда алкоголь һәм башка зарарлы гадәтләрнең сәламәтлеккә, тормышка аеруча куркыныч китерүен аңлауга, шулай ук сәламәт яшәү рәвеше алып баруга мотивация булдырырга тиеш. Сатыш авылы мәдрәсә музеенда укучылар өчен үткәрелгән әңгәмәдә кешенең сәламәтлегенә, социаль тормышына һәм киләчәгенә зарарлы гадәтләрнең йогынтысы, шулай ук зарарлы гадәтләрне профилактикалау һәм бетерү ысуллары турында сүз барды.
Кече Кибәче авыл китапханәсендә “Туган көн белән,"Шәһри Казан!" мәгълүмати почмак оештырылды һәм күзәтү ясалды.Чараның төп максаты-китапханәнең мәгълүмати ресурсларын ачу, укучыларның игътибарын вакытлы матбугатка җәлеп итү. Укучыларга бу еллар эчендә басманың форматын нәрсә үзгәртүе, шулай ук беренче мөхәррирнең кем булуы турында белү кызык иде. Чара барышында газетаның рубрикалары белән таныштык. Газета эчтәлеге буенча бик кызыклы, теләсә кайсы укучы анда үзенә файдалы нәрсә табачак.
2025 елның 12 сентябрендә Шәмәрдән китапханәсе Шәмәрдән лицее укучылары өчен «Ваш помощник –телефон доверия» мәгълүмат сәгате үткәрде. Китапханәчеләр балаларга ышаныч телефоны авыр ситуациядә ярдәм алырга мөмкинлек бирә, дип сөйләделәр. Чара балалар арасында ышаныч телефонын популярлаштыруга юнәлдерелгән иде.
12 сентябрь көнне Олыяз балалар бакчасында ата-аналар җыелышы булып узды, анда мөдир һәм тәрбиячеләр чыгыш ясады.
12 сентябрьдә, «Иң яхшы туган тел һәм әдәбият укытучысы» Бөтенроссия һөнәри конкурсы тәмамланды. Республикабызны Саба районы Ә.А. Ахунҗанов исемендәге Олы Шыңар урта мәктәбен тәмамлаган укучы, Казанның Яңа Савин районы 146 нчы «Ресурс» лицееның татар теле һәм әдәбияты укытучысы Айсылу Мөхәммәтова лаеклы тәкъдим итте.
Табигатьне саклаучы балалар экологик театрларының «Сәнгать аша - яшел планетага!» беренче муниципаль фестивале 11 сентябрь көнне Саба урта мәктәбе базасында уңышлы үтте.
14 сентябрь-Халыкара фашизм корбаннарын искә алу көне. Әлеге көн уңаеннан 12 сентябрь көнне Олы Кибәче урта гомум белем бирү мәктәбе укучылары “Хәтер аллеясы” акциясендә катнашып агачлар утырттылар.
Татарстан Республикасы территориясендә кыраулар турында штормлы кисәтү