ЯҢАЛЫКЛАР
"Сатыш" командасы мини-футбол буенча Саба районы чемпионатында актив катнаша. Бу авылда яшәүчеләрнең спорт активлыгының югары дәрәҗәдә булуын һәм җирле хакимиятнең халык арасында массакүләм спортны үстерүгә ярдәм итүен күрсәтә. Мини-футбол уеннарны оештыру җиңеллеге аркасында популяр спорт төре булып тора. Ул яшьләрнең сәламәтлеген ныгытуга, команда рухын үстерүгә һәм сәламәт яшәү рәвешен формалаштыруга ярдәм итә.Шулай итеп, "Сатыш" командасы мини-футболны популярлаштыруда һәм Саба районында яшәүчеләргә спорт белән шөгыльләнү өчен уңай шартлар тудыруда мөһим роль уйный.
"Кояшкай" Мамалай авылы балалар бакчасында "Фән сәгате" дип исемләнгән әңгәмә үткәрелде. Балалар бакча территориясендә көзнең соңгы билгеләрен таптылар: кызыл миләш һәм чәчәкләр. Балалар аларны салкынга чыдам булуларына инандылар.
Гипстан сыннар ясау һәм аларга төрле бизәкләр төшерү - балалар өчен бик файдалы , мавыктыргыч һәм кызыклы шөгыль. Бу сыннарны буяу балаларда пөхтәлек һәм төгәллек күнекмәләрен булдыруга ярдәм итә. Гипстан ясалган сыннар авырлыклары һәм үлчәмнәре буенча төрле була, шуңа күрә иң кечкенә яшьтәге балалар да бу эшкә алына ала. Аларны буяу балаларда язу, буяу , мускуллар хәрәкәтен координацияләү күнекмәләрен формалаштыра. Сатыш авылы мәдрәсә музеенда Пушкин картасы проекты буенча гипстан сыннар ясау һәм бизәк төшерү буенча мастер класс оештырылды.
19 ноябрь көнне Лесхоз өлкәннәр һәм инвалидлар өчен интернат-йортында Теләче районы "Ядкәр" ансамбле оештырган концерт булды. Ансамбль матур концерт оештырды һәм чәй янына тәм-томнар китерде.
Олы Шыңар авыл җирлеге командасы хезмәт коллективларының һәм авыл җирлекләренең ирләр командалары арасында мини-футбол буенча Саба муниципаль районы чемпионатында уңышлы чыгыш ясады. Аларны котлыйбыз һәм киләчәк ярышларда уңышлар телибез.
Прокуратура бинасында торак-коммуналь хезмәтләр өчен гражданнарның җыелган бурычларын түләттерү ведомствоара эшче төркеме киңәшмәсе булды. Көн тәртибенә куелган мәсьәлә буенча иң элек Саба күптармаклы җитештерү предприятиесе директоры Раил Йосыпов чыгыш ясады. Ул гражданнарның коммуналь хезмәтләр өчен бурычларын түләтү буенча проблема саклануын, халык арасында аңлату эше алып барылуын билгеләп үтте. Шулай да, халыкның торак-коммуналь хезмәтләр өчен гомуми бурычы 1,8 миллион сумга җиткән. Шәмәрдән күптармаклы җитештерү предприятиесе хезмәт күрсәткән авылларда яшәүчеләр арасында да әҗәтлеләр шактый. Бу хакта хуҗалык җитәкчесе Альмир Шәйхетдинов белдерде. Коммуналь хезмәтләр өчен гражданнарның бурычы 1,6 миллион сум тәшкил итә.
Олы Кибәче авыл җирлегендә махсус хәрби операциядә катнашучы егетләребезгә даими рәвештә хәйрия акцияләре оештырыла. Менә шушы көннәрдә Кече Кибәче авылы мәчетендә волонтер Нуретдинова Гөлзифа җитәкчелегендә хатын-кызлар өй токмачы кисеп, чәк-чәк әзерләделәр. Бу ризыклар егетләребезне ерактагы хезмәт урыннарында җылытсын һәм тиздән җиңүгә көч бирсен.
Катнаш парлы разрядта Галина Гороховатченко Максим Назаркин (Мәскәү) белән бергә көмеш медальләр яулый. Хатын-кызлар арасында парлы разрядта Галина Нороховатченко һәм Саратов шәһәреннән Малика Алиева турнир җиңүчесе булдылар. Каирдан җиңү эстафетасы Курган шәһәренә ЛИН арасында "Россия Кубогына" күчерелә. " Саба кайда - шунда җиңү ". "Алга Татарстан". "Алга Россия"!
Саба шәһәр җирлеге башлыгы катнашында җыелыш узды