ЯҢАЛЫКЛАР
2025 елның 27 феврале- 2 мартында «Саба-Арена» базасында Россия Өстәл теннисы федерациясенең команда чемпионатының 3 туры узды.
А югары лигасы ярышларында ир- ат катнашучылар (командалар):
КГБУ ДО "КСШОР" (Барнаул шәһәре)
Газовик (Ухта шәһәре)
Сабы-Татарстан (Байлар Сабасы)
Факел-1 (Оренбург шәһәре)
Куединские буйволы (Куеда шәһәре)
ЦПСР И ССК (Томэн шәһәре)
Барс (Казан шәһәре)
Авиатор (Тобэн Тагил шәһәре)
В югары лигасы ярышларында хатын-кыз катнашучылар (командалар) :
Сабы-Татарстан (Байлар Сабасы)
КНТ Люблино (Мэскэу шәһәре)
Красноярский край (Красноярск шәһәре)
Факел-2 (Оренбург шәһәре)
МГФСО-Фили (Мэскэу шәһәре)
Волжанка (Казан шәһәре)
ОРГИЛ (Иволгинск шәһәре)
ФНТНУР (Яна Уренгой шәһәре)
Республика Беларусь-РЦОП - 2 (Минск шәһәре)
Чемпионатның киләсе турларында барлык спортчыларга, ярышларда катнашучыларга уңышлар телибез! Яңа очрашуларга кадәр!
Бу еллар эчендә мәктәп ике меңгә якын тәрбияләнүче һәм 50дән артык югары профессиональ педагог өчен чын йортка әверелде. Биредә музыка, рәсем, бию һәм сәнгатьнең башка төрләренә мәхәббәт тәрбиялиләр, бу исә мәктәпне балаларның мәдәни үсешенең мөһим үзәге итә.
Бәйрәм кунаклары өчен фойеда фотозона, күргәзмә ясалды. Тамаша залы тулы иде, бәйрәмдә хөрмәтле кунаклар, педагоглар, педагогик хезмәт ветераннары, мәктәпне тәмамлаучылар, укучылар, ата-аналар катнашты.
Тантана программасында мәктәпне тәмамлаучылар, укучылар һәм укытучыларның иҗади номерлары, хөрмәтле кунакларның котлаулары тәкъдим ителде, алар җыелганнарны җылы сәламләделәр, педагогларга лаеклы бүләкләр тапшырдылар.
Бу еллар эчендә төрле дәрәҗәдәге казанышларга һәм җиңүләргә бай зур иҗат юлы узылган. Мәктәп балалар һәм район халкы өчен яшәвен һәм эшләвен дәвам итә, укучылар һәм мөгаллимнәрнең уңышлары һәм җиңүләре белән сөендерә.
2025 елның 1 марты 22.00 сәгатьтән 2 март 10.00 сәгатькә кадәр
метеорологик күренешнең интенсивлыгын кисәтү турында консультация.
2 мартта төнлә һәм иртән Татарстан Республикасы территориясендә урыны белән томан көтелә.
Югары Симет урта мәктәбендә февраль ае хәрби-патриотик тәрбия айлыгы буларак үтте. Айлык кысаларында, мәктәптә бик күп чаралар үткәрелде. Укучылар ике командага бүленеп җитезлектә , тапкырлыкта көч сынаштылар.
Беренчеләр хәрәкәтенең Саба җирле бүлекчәсе инициативасы буенча, 28 февраль көнне, Эзмә урта мәктәбенең "Беренчеләр Советы" белән берлектә "Ярдәм кулы" акциясе оештырылды.
Хәрәтнең лидерлары, остазлары белән, җирлектә яшәүче тыл ветераны - Зәкия әбинең йорт тирәсен кардан чистарттылар һәм 97 яшь тулган көне белән котладылар .
Хөрмәтле ветераныбызга алга таба да ныклы сәламәтлек һәм имин тормыш телибез!
28 февральдә «Балкыш» халыкка комплекслы социаль ярдәм күрсәтү үзәгенең гаилә һәм балаларга социаль ярдәм күрсәтү бүлекчәсе социаль педагогы Халыкара сирәк авырулар көне кысаларында, шулай ук яшь буында сәламәт яшәү рәвеше культурасын формалаштыру һәм үстерү һәм башка зарарлы гадәтләргә тискәре мөнәсәбәт тәрбияләү максатларында Саба гимназиясенен Беренчеләре белән «Сәламәт яшәү рәвеше өчен» дигән акция үткәрделәр.
Акциядә катнашучыларның барысына да буклетлар тапшырылды һәм «Сәламәт яшәү рәвеше өчен» темасына әңгәмә үткәрелде.
Муниципаль хезмәткәрләр Спартакиадасы кысаларында чаңгы ярышлары нәтиҗәләре билгеле булды. Финанс-бюджет палатасы хезмәткәрләре әлеге ярышларда актив катнашып, матур нәтиҗәләргә ирешә алдылар. Рамил Шакиров 1нче, Гөлнара Заһидуллина 3 нче урынга лаек булды, Алинә Миннегулова беренче унлыкка керде. Нәтиҗәдә, команда икенче урын яулады.
Районыбызда яшь гаиләләрнең торак шартларын яхшырту максатыннан, "Яшьләрне торак белән тәэмин итү" программасында катнашучы 6 гаиләгә сертификатлар тапшырылды. Алар арасында Кече Шыңар авылында яшәүче Зиннатовлар һәм Ахметовлар гаиләләре дә бар. Алар районда, республиканың башка почмакларында йорт, фатир сатып алырга яки йорт төзергә хокуклы.