"Хөснулла һәм Аллаһияр Вәлиуллиннар исемендәге Саба балалар сәнгать мәктәбе" 60 яшьлек юбилеен билгеләп үтте!
Бу еллар эчендә мәктәп ике меңгә якын тәрбияләнүче һәм 50дән артык югары профессиональ педагог өчен чын йортка әверелде. Биредә музыка, рәсем, бию һәм сәнгатьнең башка төрләренә мәхәббәт тәрбиялиләр, бу исә мәктәпне балаларның мәдәни үсешенең мөһим үзәге итә.
Бәйрәм кунаклары өчен фойеда фотозона, күргәзмә ясалды. Тамаша залы тулы иде, бәйрәмдә хөрмәтле кунаклар, педагоглар, педагогик хезмәт ветераннары, мәктәпне тәмамлаучылар, укучылар, ата-аналар катнашты.
Тантана программасында мәктәпне тәмамлаучылар, укучылар һәм укытучыларның иҗади номерлары, хөрмәтле кунакларның котлаулары тәкъдим ителде, алар җыелганнарны җылы сәламләделәр, педагогларга лаеклы бүләкләр тапшырдылар.
Бу еллар эчендә төрле дәрәҗәдәге казанышларга һәм җиңүләргә бай зур иҗат юлы узылган. Мәктәп балалар һәм район халкы өчен яшәвен һәм эшләвен дәвам итә, укучылар һәм мөгаллимнәрнең уңышлары һәм җиңүләре белән сөендерә.