ЯҢАЛЫКЛАР
24.03 Саба аграр көллиятендә 2015-2016 елгы малайлар һәм кызлар арасында тиз шахмат буенча II республика шәхси-команда турниры узды. РСФСР һәм ТАССРның атказанган урманчысы “Почет билгесе” ордены кавалеры һәм “Октябрь революциясе”, Нургали Миңнеханов улы истәлегенә. Танылган урманчыга бүген 95 яшь тулыр иде. Ярышлар нәтиҗәләре: Иң яшь катнашучы: Мавлин Мират (Саба районы) Иң яшь катнашучы: Абдуллина Мәликә (Балтач районы)
2015 елда туган малайлар арасында: 1
урын - Валиханов Марсель (Алабуга районы)
2 урын - Низамиев Йосыф (Саба районы)
3 урын - Шакиров Айдар (Түбән Кама шәһәре)
Кызлар арасында 2015 ел:
1 урын - Фролова Алина (Түбән Кама шәһәре)
2 урын - Марданова Раида (Балтач районы)
3 урын - Фәйзрахманова Алсу (Казан шәһәре)
2016 елгы малайлар арасында:
1 урын - Булханов Рафаэль (Алабуга районы)
2 урын - Әминов Эмиль (Кукмара районы)
3 урын - Галимуллин Данияр (Саба районы)
Кызлар арасында 2016 ел.
1 урын - Ибраһимова Амина (Актаныш районы)
2 урын - Нуриева Алина (Түбән Кама шәһәре)
3 урын - Шәймәрданова Амелия (Кукмара районы)
Гомуми командалар арасында :
1 урын - Түбән Кама шәһәре
2 урын - Саба районы
3 урын - Балтач районы
«Профессионалитет» федераль проекты кластерлары студентлары «киләчәк һөнәрләре»фотографияләр конкурсында катнаша ала. Конкурс Россия Мәгариф министрлыгы ярдәмендә үткәрелә.
Татарстан Республикасы Тарифлар буенча дәүләт комитеты «Татарстан Республикасында күрсәтелә торган торак-коммуналь хезмәтләрнең сыйфатыннан халыкның канәгатьлек дәрәҗәсе»темасына халыктан сораштыру үткәрә.
Изге Рамазан аенда мәктәп укучылары өчен район күләмендә үткәрелүче әлеге күркәм чара быел өченче тапкыр уздырылды. Узган ел чарада 500 укучы катнашкан булса, быел аларның саны 600 гә якынлашты.
23 март көнне Сабай авылы клубында язгы бәйрәм - Нәүрүз бәйрәме үтте. Бәйрәмдә катнашкан барлык халык та рәхәтләнеп күңел ачты, ял итте. Төрле уеннарда үзләренең көчләрен сынадылар. Төрле уеннар уйнадылар: аркан тарту, чүлмәк вату, таяк тарту һәм башка уеннар. Бәйрәмнән барлык кеше дә яхшы кәеф һәм бүләкләр белән кайтып китте.
20 март көнне Тимершык мәдәният йортында "Без бергә" Республика балалар халык иҗаты фестиваленең район туры узды. Фестивальнең төп максаты - балалар арасында халык иҗатын үстерү, аларның талантларын ачу. Мәдәният йорты залында кулдан эшләнгән әйберләр күргәзмәләре урнаштырылган. Сәхнәдә сәләтле балалар чыгыш ясады. Әлеге зонада Тимершык урта гомуми белем бирү мәктәбе, Югары Симет урта гомуми белем бирү мәктәбе, Олы Шыңар урта гомуми белем бирү мәктәбе, Мичән төп гомуми белем бирү мәктәбе һәм Саба интернат-мәктәбе катнашты. "Без бергә" фестивале 8 номинациядә узды. Мәктәп укучыларыннан тыш, фестивальдә иҗат һәм сәнгатьне яратучы гаиләләр дә катнашты. Сәхнәдә катнашучылар халык җырларын башкардылар, биеделәр, шигырьләр укыдылар, әкиятләр күрсәттеләр.
27 мартта Бөтендөнья театр көне билгеләп үтелә. Шул унайдан Лесхоз "Лэйсэн" балалар бакчасында театр көне узды!
Саба муниципаль районы авыл җирлекләрендә "Яшь белгечләргә аренда торагы" программасы гамәлгә ашырыла, аның нигезендә авылларга квалификацияле белгечләр җәлеп итү максатында торак төзелеше алып барыла. Тимершык һәм Миңгәр авылларында белгечләр өчен чираттагы йортлар төзелә.
«Энә белән бәйләү» компетенциясендә беренче урынны ДБГБУ «Сәламәтлек мөмкинлекләре чикләнгән балалар өчен Саба мәктәп - интернаты» 8 нче сыйныф укучысы Димиев Камил алды.
Тирә-ягыбыз мөһитен саклау, кошларга кулыбыздан килгәнчә ярдәм итәргә өйрәтү максатыннан безнең балалар бакчасында “Кышлаучы һәм күчмә кошлар”дигән тематик атналак үткәрелде.