ЯҢАЛЫКЛАР
Байкиев К.С. исемендәге Икшермә кадет интернат-мәктәбенең 8 «А» сыйныфы укучысы Фәрхуллина Кристина 16 яшькә кадәрге кызлар арасында ирекле көрәш буенча Идел буе федераль округы беренчелегенең бронза призеры булды.
22 гыйнвар көнне хоккей сөючеләр өчен Иләбәр авылы бозында иптәшләрчә уен оештырылды. Уенның төп оештыручысы-җаваплылыгы чикләнгән “Игенче” җәмгыяте җитәкчесе Алмаз Зөфәр улы Зарипов. Бу көнне уенда “Игенче” командасы белән районның Ветераннар командасы очрашты. Кичнең шактый салкын булуына карамастан, сыкылы суыклар безне куркытмый, девизы астында Ветераннар командасы Иләбәргә юл алды. Уен шактый кызу барды. Хоккейда киң таралган буллит алымы да кулланылды, бу очракта һәр уенчы хоккей алкасын көндәшләр капкасына кертү буенча аеруча тырышты. Шулай ук “өчкә өч” дип аталган форматта да ярышты уенчылар. Нәтиҗәдә, “Игенче” командасы 2:4 исәбе белән җиңү яулады.
Әлеге боз мәйданчыгында уенчылар өчен бөтен уңайлылыклар тудырылган. Уңайлы шартлар белән эшләнгән туалет, чишенү бүлмәләре. Һәр җирдәге тәртип, чисталык та күңелләренә хуш килде уенчыларның. Яңа технологиялар буенча кайнар су белән катырылган боз ялтырап тора, уенга бернинди хилафлык китермәслек дәрәҗәдә катырылган бозда уйнавы да рәхәт, дип фикерләре белән уртаклашты хоккейчылар. Уен дусларча атмосферада үтте һәм бозлы-алкалы гыйнвар киче кайнар күңелле чәй табыны артында тәмамланды.
Әлеге уен, очрашу өчен Ветераннар командасы җаваплылыгы чикләнгән “Игенче” җәмгыяте җитәкчесе Алмаз Зөфәр улы Зариповка зур рәхмәтләрен җиткерә.
Саба туган якны өйрәнү музеенда "Мирас" түгәрәгенә йөрүчеләрнең чираттагы утырышы үткәрелде. Очрашуга Миңгәр авылында тормыш итүче киң кырлы рәссам Фәйзерахман Камалов һәм табигать фәннәре магистры, рәссам Раушания Габидуллина чакырылды. Файзрахман Гафур улының иҗаты милли фольклор чагылыш тапкан чынбарлыкны һәм үзенең, рәссам-экспериментатор буларак, саекмас фантазиясен берләштерә. Автор рухи энергия һәм традицион кыйммәтләрнең шундый иҗади симбиозын "трансформацион сәнгать" дип атаган. Утырышта катнашучылар белән килгән кунаклар арасында җанлы әңгәмә корылды. Кызыксындырган сорауларга җавап бирделәр, аларның тормыш юлы, иҗаты белән якыннанрак таныштылар.
Олы Арташ башлангыч гомумбелем бирү мәктәбенең 4 нче сыйныф укучысы Аглямзянова Азалия «Парикмахерское искусство" компетенциясендэ 2 нче урынга лаек булды. Азалияне хэм анын житэкчесе Махмутова С. Р. ны чын кунелдэн котлыйбыз, алга таба да унышлар телибез
19 гыйнвардан 25 гыйнварга кадәр Бөтен Россия буенча калорияләр санауны популярлаштыру атналыгы уза.
РФ Сәламәтлек саклау министрлыгының бу мөһим инициативасы аңлы туклану нигезләренә һәм симерүгә каршы көрәшкә игътибар җәлеп итәргә тиеш. Хәзерге дөньяда, бигрәк тә алга киткән илләрдә, җан башына калорияләр куллану даими үсә, бу артык авырлык таралуның төп факторы булып тора.
Татарстан Республикасы Дәүләт алкоголь инспекциясенең Арча территориаль органы белгече Саба районының «Килдебәк урта мәктәбе» МББУ укучылары өчен кулланучылар белеме нигезләре буенча сыйныфтан тыш дәрес үткәрде.
Саба районы күптән инде сәләтле кешеләре белән дан тота, аның күренекле вәкилләренең берсе‑38 яшьлек Ленур Биктимеров. Ул 1987 елның 25 декабрендә Тимершык авылында фермер‑әтисе һәм балалар бакчасында тәрбияче‑әнисе гаиләсендә туа. Игезәк абыйсы Ленар белән бергә ул балачактан ук спорт һәм музыка дөньясына чума: мәктәптә алар дуэт булып чыгыш ясыйлар, аларның һәркайсы үз өлкәсендә уңышларга ирешә.
Муниципаль бюджет гомумбелем бирү учреждениесе «Татарстан Республикасы Саба муниципаль районы Иштуган урта гомумбелем бирү мәктәбендә» “Иман нуры” мәчетенең хәйрия фонды җитәкчесе, “Жемчужина Татарстана” конкурсы җиңүчесе, волонтер, блогер, Иштуган җирлегендә туып-үсеп, белем алган . Чарада Регинаның әтисе, туганнары, сыйныфташлары, укытучылары, авыл халкы катнашты.