Тэг-регби ярышы

26 нчы март көнне Миңгәр авылында яшәүче Кашапова Асия Миннахмәт кызы  95 яшьлек юбилеен билгеләп үтте. Юбилярны  Саба муниципаль районы җитәкчелеге исеменнән Башкарма комитет җитәкчесе урынбасары - Саба муниципаль районы Башкарма комитеты аппараты җитәкчесе И.Р. Гарипов, Саба районы буенча “Балкыш” халыкка социаль ярдәм күрсәтү үзәге җитәкчесе Н.И.Дәүләтшин, Тимершык авыл җирлеге башлыгы А.Х.Хаҗиев һәм  “Болгар” ҖЧҖ вәкиле Р.Г. Кашапов  котлап, бүләкләр тапшырдылар.

Явлаштау урта мәктәбендә  интеллектуаль викторина узды. Рус теле укытучысы Гөлшат Галиәхмәт кызы  алдынгылар хәрәкәте  белән берлектә «Бердәмлек коды» дип исемләнгән интеллектуаль викторина үткәрделәр. Бу чара Россия халыклары бердәмлеге елына һәм бөек рус теленең бөеклегенә, байлыгына багышланды. Бу-балалар өчен кызыклы чара булды. Алар  сорауларга җавап бирделәр, лингвистик башваткычлар чиштеләр һәм онытылган сүзләрне искә төшерделәр. Викторина дустанә атмосферада үтте, ул рус теле мәктәп дәресе генә түгел, ә безнең мәдәниятнең чын коды, кешеләрне берләштерүче көч икәнен күрсәтте.

28 мартта Иштуган мәдәният йорты белгечләре "Нәүрүз – яз бәйрәме" үткәрделәр. Бәйрәм татар халкының милли мәдәнияте һәм гореф-гадәтләренә кушылу, татар халык уеннары, татар халык биюләре элементлары белән танышу, милли бәйрәмнәргә эмоциональ-уңай мөнәсәбәт булдыру максатыннан үткәрелде. Мәдәният  йорты каршында   Нәүрүзбикәне каршы алырга олысы кечесе җыелды. «Нәүрүз» нең барлык катнашучылары «Карга боткасы», кайнар чәй һәм коймак белән рәхәтләнеп авыз иттеләр. Катнашучылар шигырьләр укыдылар, язны мактадылар һәм чакырдылар, җырладылар, биеделәр һәм уеннар уйнадылар. Бәйрәм ахырында катнашучылар призлар белән бүләкләнделәр. Бәйрәм программасы тамашачыларда  җылы атмосфера һәм искиткеч кәеф тудырды.