ЯҢАЛЫКЛАР
2025 елның 21 гыйнварында «Лесхоз урта гомуми белем бирү мәктәбе» базасында физик тәрбия укытучылары өчен «Чаңгы узышлары һәм йөзү дәресләрен үткәрү методикасы» темасына район семинары узды. Семинар кысаларында 8 нче сыйныфта физкультура дәресендә И.И. Шиһабетдинов чаңгыга әзерлек буенча тренировка үткәрде. Аннары семинарда катнашучылар чаңгы ярышларында көч сынаштылар. Ярышның барлык катнашучылары да максатка ирешүдә кызу үҗәтлек һәм дәрт күрсәттеләр.
Хөрмәтле гражданнар! «Татарстан Республикасы Гидрометеорология һәм әйләнә-тирә мохитне мониторинглау идарәсе " фдбудан:
2025 елның 22 гыйнвары 21.00 сәгатьтән 23 гыйнвары 18.00 сәгатькә кадәр
метеорологик күренешнең интенсивлыгын кисәтү турында консультация.
23 гыйнварда Татарстан Республикасы территориясендә урыны белән көтелә:
- төнлә һәм иртән республиканың көнчыгыш районнарында һава температурасы -25..-28˚ гә кадәр төшәчәк;
- иртән һәм көндез буран, күз күреме 1-2 км га кадәр начарая һәм 15-18 м/с тизлектәге көчле җил (Казанда да).
Территорияне төзекләндерү буенча эшләр башкарыла, тротуар салына. Бина эчендә штукатур эшләре алып барыла, шулай ук уттан саклау системасы урнаштырыла.
Хөрмәтле әти-әниләр. ТРда бала хокуклары буенча вәкаләтле вәкил Ирина Волынец инициативасы белән Татарстан Рәисе Рөстәм Миңнеханов ярдәме белән республикада “Заступник” балалар иминлегенә ярдәм итү проекты эшли башлады.
Байлар Сабасы, Тынычлык урамы, 20 йорт адресы буенча урнашкан күпфатирлы йортта түбә ябу эшләре башкарыла
Безнең мәктәптә профсоюз оешмасының хисап-сайлау җыелышы узды. Бу чара безнең коллектив әгъзаларын башкарылган эш турында фикер алышу һәм бәяләү, үсеш перспективаларын карау өчен җыйды. Гомуми җыелыш кысаларында башкарылган эшләр турындагы докладлар белән Татарстан Республикасы Саба муниципаль районында Профсоюзлар республика комитетының ышанычлы кешесе, Башкарма комитетның юридик бүлеге башлыгы Миникаев Альберт Илдар улы чыгыш ясадылар.
Җыелышта профсоюз әгъзалары безнең профсоюз оешмасы рәисе Закирова Гөлнар Муллагаян кызының отчеты белән таныштылар. Профсоюз оешмасы хезмәткәрләребезнең социаль-хезмәт хокукларын яклауга, имин хезмәт шартларын тәэмин итүгә һәм төрле ял итүне оештыруга, шулай ук яшь педагоглар белән эшләүгә юнәлдерелгән чаралар үткәрде.
Җыелышта мәктәпнең беренчел профсоюз оешмасы рәисен, профком, контроль-ревизия комиссиясе әгъзаларын сайлаулар булды. Бөтен коллектив беренчел профсоюз оешмасы рәисе буларак Гөлнар Муллагаян кызы кандидатурасын хуплады һәм уртак эшне дәвам итәргә әзер булуын белдерде.
Алда безнең яңа проектлар һәм идеяләр күп, ә иң мөһиме - бер-беребезгә ярдәм һәм ышаныч. Әйдәгез алга барабыз, бергә үсәбез һәм үсәбез!
Финанс-бюджет палатасының көндәлек эшчәнлеге отчетлар, күрсәтмәләр, законнар, хатлар белән бәйләнештә бара. Бүгенге көндә эш оешманың барлык бүлекләрендә дә кайный. Ә боларның барысын да көн саен мониторингларга һәм оператив рәвештә башкарырга кирәк, әлбәттә. Контракт бүлегендә хәзерге вакытта узган ел ахырында урнаштырылган электрон аукцион нәтиҗәләре буенча контрактлар имзалана һәм теркәлә. Шулай ук бүлек бухгалтерлары тарафыннан контрактларның тулы яки өлешчә үтәлеше актив рәвештә алып барыла.
21 гыйнвар көнне Саба үзәк китапханәсендә "Туган җиренә мәхәббәт хакына. Фәннур Фатыйхов" очрашу кичәсе үткәрелде.
Якташыбыз Фәннур Фатыйховның тормыш юлы, иҗаты барланды. Чарага әнисе Минзилә ханым, татар теле һәм әдәбияты укытучысы Зәмфирә Нуруллина, язучы Гөлсинә Галимуллина чакырулы иде,алар үз чиратында истәлекләр белән уртаклашып, теләкләрен җиткерделәр. Чарада видеоязма аша сыйныфташы Диләрә, Татар радиосында бергә эшләгән Рамил, Айваз,"Мәхәббәт хакына" Нәфис фильмында төп рольләрдә уйнаган Әдилә, Илфат үзләренең кайнар сәламнәрен теләкләрен юлладылар. Кунагыбыз нәфис фильмны төшерү барышындагы кызыклы вакыйгаларын искә төшерде, матур җырларын бүләк итте. Чара ахырында Саба үзәкләштерелгән китапханәләр системасы директоры Билалова Ләйсән Рәкыйп кызы теләкләрен җиткереп истәлекле бүләк тапшырды.
21 гыйнвар көнне Саба район балалар китапханәсе хезмәткәрләре Саба урта мәктәбенең 2 "Б" сыйныф укучылары өчен «Китапханә-китаплар йорты» дип исемләнгән китапханә белән танышу экскурсиясен үткәрделәр. Китапханәчеләр укучыларны «китапханә», «укучылар формуляры», «каталог» төшенчәләре белән таныштырдылар. Китапларның төрләрен һәм китапны ничек сайларга кирәклеген сөйләделәр. Чара ахырында укучылар үзләре укый ала торган китапларны сайлап, өйләренә алдылар.