ЯҢАЛЫКЛАР
Бүген Сабаның 5 нче номерлы "Бәләкәч" балалар бакчасының 2 нче кечкенәләр төркеме балалары Идел буе халыклары белән таныштылар.
Олы Нырты балалар бакчасында "Су – яшәү чыганагы" дигән темага экологик әңгәмә үткәрелде.
Саба урман хуҗалыгы тарихы музеенда, Кырымның Россиягә кушылу көненә багышланган «Ватан-ана!» дип исемләнгән викторина булып узды. Бу чарада Лесхоз урта мәктәбе укучылары катнашты. Викторина илебез тарихы буенча бик күп сорауларны үз эченә алды: сугыш барышы, төп сугышлар һәм истәлекле даталар, һәйкәлләр һәм обелисклар, тарихка кереп калган батырлыклар. Пазл җыю буенча сынауларны яшь тарих белгечләре, җиңүгә омтылыш, белем һәм тапкырлык күрсәтеп, намус белән башкарып чыктылар.
2025 елның 17 марты 22.00 сәгатьтән 18 март 10.00 сәгатькә кадәр
метеорологик күренешнең интенсивлыгын кисәтү турында консультация.
18 мартта төнлә һәм иртән Татарстан территориясендә урыны белән томан көтелә.
Инвалид балалар тәрбияләүче гаиләләргә һәм авыр тормыш хәлендә яки социаль куркыныч хәлдә булган балалы гаиләләргә ярдәм итү өчен «яңа мөмкинлекләр үзәкләре – 2025»грант конкурсы игълан ителде.
11 март көнне шахмат буенча «Буыннар бәйләнеше» республика турнирына сайлап алу ярышлары узды. 1 урынны Шакировлар гаиләсе (Тимершик); 2 урын - Вахитовлар гаиләсе (Б.Саба), 3 урын - Нәҗметдиновлар гаиләсе (Б.Сабы). Җиңүчеләрне котлыйбыз, киләчәктә уңышлар телибез.
«Саба-Арена» спорт комплексында 16 мартта ТР Өстәл теннисы федерациясенең 2 нче лигасының 1 нче этабы узды. Чемпионатта 11 команда катнаша. Әлегә разведка матчлары үтте. Икенче залда традицион якшәмбе лигасы узды. Вилданов Камил-Гапдерахманов Инсаф пьедесталның өченче баскычына күтәрелде. Икенче урында - Тибхар дуэты Вәлиуллин Әлфис-Илсаф Латыйпов. Лиганың җиңүчеләре - Юсупов Раян-Заһидуллин Салават. Турнирда Казан,Әстерхан,Алабуга,Актанышьев,Актаныштан кунаклар катнашты. Туган көн иясеннән татлы бүләкләр дә бирелде.
15-16 мартта Базарлы Матак авылында ике яшь категориясендә: 2010г һәм аннан өлкәнрәк ( Б) һәм 2011г яшьрәк категориядә ТР Шәхси кубогының 1 туры узды. 2010 һәм аннан өлкәнрәк категориядә Айназ ялгыз разрядта 3 нче урынны яулады; Ир-атлар арасында парлы разрядта 1 урын һәм катнаш парлы разрядта 1 урын 2011 категориясендә һәм ялгыз разрядта Гобәйдуллина Ралина 1 урынны яулады, ә хатын-кызлар арасында парлы разрядта Камилла Баһманова 3 урынны яулады. Шулай ук монда Россия беренчелеге призерларын бүләкләделәр. Зәйниев Айназ һәм Гобәйдуллин Ралинның Рәхмәт хатларын алдылар. Спортчыларны котлыйбыз һәм алга таба уңышлар телибез!