ЯҢАЛЫКЛАР
Мишә авыл җирлеге башлыгы А.Х.Гатиятуллин, Мишә авыл җирлеге оешмалары җитәкчеләре белән экологик икеайлык, Бөек Җиңүнең 80 еллыгы темасына киңәшмә үткәрде.
2 апрель көнне Лесхоз өлкәннәр һәм инвалидлар өчен интернат-йортында тәрбияче җитәкчелегендә социаль хезмәтләр алучылар белән берлектә «Уен терапиясе» үткәрелде.
Олы Кибәче «Күбәләк» балалар бакчасында 1 апрель - Халыкара кошлар көне уңаеннан «Кошларга ярдәм итәбез» дип исемләнгән акция уздырылды.
Явлаштау мәктәбе укучылары ЭКОяз акциясенә кушылдылар. 1 апрельдә иң мөһим экологик бәйрәмнәрнең берсе-Халыкара кошлар көне билгеләп үтелә.Кошлар-экосистемаларның мөһим катнашучылары,аларның юкка чыгуы чын табигать катастрофасына китерергә мөмкин,шуңа күрә алар турында кайгыртырга кирәк.
"ОНИКС" мәгариф үзәге үзенең укытучылары белән лаеклы рәвештә горурлана!
Олы Кибәче авыл китапханәсе мөдире туры эфирда “Дулкын” радиосы дулкыннары аша радиотыңлаучыларны китапханә эшчәнлеге белән таныштырды. 2025 ел “Ватанны саклаучы елы" буларак,сугыш чоры әдәбиятына һәм яңа китапларга күзәтү уздырды .
КФХ «Мөхәммәтшин» һәм «Туган Як» ҖЧҖ хуҗалыкларында күпьеллык үләннәрне аммиак селитрасы белән тукландыруга керештеләр.
«Халыкара кошлар көне" — интернациональ экологик бәйрәм, ул ел саен 1 апрельдә билгеләп үтелә. Россия Федерациясендә "кошлар" бәйрәмнәренең иң танылганы санала. Кошлар элек-электән кешенең игътибарын җәлеп иткәннәр. Кешеләрне аларның якты каурыйлары, гаҗәеп хәрәкәтләре, кыю, тиз очулары, моңлы җырлаулары һәм, әлбәттә, серле яшәү рәвеше сокландырды.
Олы Нырты авылы мәдәният йорты һәм авыл китапханәсе хезмәткәрләре тарафыннан рәсем конкурсы нәкъ менә шушы вакыйгага багышланган иде. Балалар кошлар тормышы, аларның кеше өчен файдасы турында күп мәгълүмат ишеттеләр, викторина сорауларына һәм табышмакларга җаваплар бирделәр. Һәм, әлбәттә, катнашучылар үзләренең иҗаты белән барысын да сөендерделәр. Рәсем конкурсында катнашучыларның барысына да бүләкләр тапшырылды.
2 апрель көнне Шәмәрдән авыл һәм балалар китапханәсендә «Теремок» балалар бакчасында тәрбияләнүчеләр өчен «Дуслар өчен ишекләр ачык» дигән библиокруиз узды. Балалар китапханәнең әкият персонажлары һәм тылсымлы җан ияләре, яраткан әкиятләре һәм шигырьләре геройлары, шулай ук күңел ачу һәм яхшы кәеф яши торган ил булуын белделәр. Ләкин һәр илнең үз кануннары һәм тәртипләре бар, һәм уку иле-искәрмә түгел! Китапханәчеләр китапханәдә үз — үзеңне тоту кагыйдәләре һәм китап белән эш итү турында сөйләделәр, шулай ук балаларны укучының паспорты-формуляр белән таныштырдылар. Библиокруизның дәвамы буларак яшь укучылар аларны балалар өчен кызыклы журналлар көткән вакытлы басмалар белән стеллажларга күчтеләр, ә аннары йортлар урынына - китап стеллажлары булган китап шәһәренә бардылар. Балалар китапханәдә китапларның нинди принцип буенча урнаштырылуын, китап киштәсендә һәр китапның үз урыны булуын, китапны укырга теләгән һәр кеше аны мөстәкыйль таба алсын өчен, ул кайда сакланырга тиешлеген белделәр. Китапларның күптөрлелеге китапханәнең яшь кунакларын сихерләде, һәм алар аның укучылары булуларын түземсезлек белән көтәләр.
Ир-егетләр арасында Саба муниципаль районы буенча үткәрелүче волейбол ярышында Югары Симет авыл җирлеге командасы актив катнашып, җирлек командалары арасында 1 нче урынны яулады. Бу җиңү рәттән бишенче ел яулана. Җиңүләре белән котлыйбыз һәм алга таба да уңышлар телибез.