"Ел укытучысы 2025" конкурсы.
"ОНИКС" мәгариф үзәге үзенең укытучылары белән лаеклы рәвештә горурлана! Алар "Ел укытучысы 2025" конкурсында үзләренең профессионал булуларын һәм талантларын күрсәттеләр. Безнең укытучылар зона турын намуслы үтеп җиңүгә ирештеләр һәм финалда мәктәп һәм район данын яклау хокукына ия булдылар.
Педагогларыбызның финалда төрле номинацияләрдә җиңүче булуларын горурланып игълан итәбез! Аларның үз эшләрен яратып башкаруы, инновацион алымнар белән балаларга белем һәм тәрбия бирүе жюри тарафыннан югары бәяләнде.
- Гаптерахимова Ләйсән Сәүбән кызы, математика укытучысы – Бөтенрәсәйкүләм «Ел
укытучысы-2025» бәйгесенең төбәк этабы финалисты, “Эрудиция. Тәҗрибә. Эксперимент” номинациясе җиңүчесе!
- Шәмсетдинова Ләйсән Тимергали кызы, туган (татар) теле һәм әдәбияты укытучысы –
Бөтенрәсәйкүләм «Иң яхшы татар теле һәм әдәбияты укытучысы-2025» бәйгесенең финалисты, «Иҗат һәм яңа омтылыш» номинациясендә җиңүче!
- Сафин Айтуган Дамир улы, математика һәм физика укытучысы - Бөтенрәсәйкүләм «Ел
укытучысы-2025» бәйгесенең “Педагогик дебют” номинациясендә төбәк этабы финалисты!
Әлеге җиңүләр - укытучыларыбызның тырыш хезмәте, даими камилләшүе һәм үз һөнәрләренә чиксез мәхәббәте нәтиҗәсе. Алар – “ОНИКС” мәгариф үзәге һәм районыбыз горурлыгы! Педагогларыбызны җиңүләре белән чын күңелдән котлыйбыз! Алга таба да зур уңышлар теләп калабыз.